قىرعىزستاندىق ەڭبەك ميگرانتتارىنىڭ اقش، رەسەي جانە قازاقستاننان ءوز ەلدەرىنە قانشا قارجى اۋدارعانى بەلگىلى بولدى. 

2021 جىلدىڭ قاڭتار ايىندا رەسەيدەن قىرعىزستانعا 146,9 ملن دوللار قارجى اۋدارعان، بۇل 2020 جىلدىڭ جەلتوقسان ايىندا اۋدارىلعان قارجىدان  62,4 ملن دوللارعا از. مۇنداي ستاتيستيكالىق كورسەتكىشتەردى قىرعىزستان رەسپۋبليكاسىنىڭ ۇلتتىق بانكىنىڭ اۋدارما بيۋروسىنا قاراپ بىلۋگە بولادى.

الايدا 2020 جىلدىڭ قاڭتارىمەن سالىستىرعاندا بۇل 1,1 ملن دوللارعا ارتىق. 2021 جىلدىڭ قاڭتارىندا قىرعىزستاندىقتار قازاقستاننان قىرعىزستانعا 0,4 ملن دوللار اۋدارعان، بۇل  2020 جىلدىڭ جەلتوقسان ايىندا اۋدارعان قارجىدان 0,3 ملن دوللارعا از. وزگە ەلدەردەن قىرعىزستاندىق ەڭبەك ميگرانتتارى قاڭتار ايىندا  4,1 ملن دوللار اۋدارعانى انىقتالدى. اقش-تان قاڭتار ايىندا 2,4 ملن دوللار اۋدارىم جاساعان.

جىلپى قىرعىزستاندىق ەڭبەك ميگرانتتارى 2019 جىلى 1,8 ملرد دوللار، 2020 جىلى 1,9 ملرد دوللار تازا اۋدارىم جاساعان. پاندەمياعا قاراماستان سىرتتان قارجى اۋدارۋ 2%-عا ارتقان.

Abai.kz