قازاقستاننىڭ قورعانىس مينيسترلىگى اسكەري زەينەتكەرلەردى تۇرعىن-ءۇي ءھام باسپانامەن قامتاماسىز ەتۋ ءجۇمىستارىن جالعاستىرىپ جاتىر. بۇل تۋرالى «Abai.kz» اقپاراتتىق پورتالى قر قورعانىس مينيسترلىگىنىڭ ءباسپاسوز قىزمەتىنە سىلتەمە جاساي وتىرىپ حابارلايدى.

اسكەري ەڭبەك ءوتىلى 10 جىلدان 20 جىلعا دەيىنگى 300-دەن اسا اسكەري قىزمەتكەر ەندى قازاقستاننىڭ كەز كەلگەن وڭىرىندە وزىنە بەرىلگەن جىلجىمايتىن مۇلىكتىڭ تولىق مەنشىك يەسى بولا وتىرىپ، قىزمەتتىك باسپانالارىن ايىرباستاي الاتىن بولادى.

قر قورعانىس مينيسترلىگىنىڭ مالىمەتىنە سۇيەنسەك، قولدانىستا بار زاڭناماعا سايكەس، اسكەردەگى قىزمەتتىك ءوتىلى كۇنتىزبەلىك ەسەپپەن ەڭ ازىندا جيىرما جىلدى قۇرايتىن، اسكەري قىزمەتتە ءجۇرىپ زەينەتكە شىققان اسكەري قىزمەتشىلەر وزدەرىنە بەرىلگەن تۇرعىن ۇيلەردى جەكەشەلەندىرۋگە نەمەسە قارجىلاي وتەماقى الۋعا قۇقىلى.

سونىمەن قاتار، جوعارىدا كورسەتىلگەن مەرزىمنەن از قىزمەت ەتكەن اسكەري قىزمەتشىلەر دە بار. زاڭناماعا سايكەس، ولاردىڭ قىزمەتتىك تۇرعىن ۇيلەردى جەكەشەلەندىرۋگە نەمەس قارجىلاي وتەماقى الۋعا قۇقى جوق. سونداي-اق، تۇرعىن ۇيلەردى وتەۋسىز نەگىزدە الا المايدى.

زاڭ بويىنشا اسكەري قالاشىقتىڭ اۋماعىنداعى قىزمەتتىك پاتەرلەر جەكەشەلەندىرۋگە جاتپايدى. تۇرعىن ءۇي زاڭناماسىنا كەيىن ەنگىزىلگەن تۇزەتۋلەر بويىنشا، اسكەري زەينەتكەرلەر وزدەرىنە تيەسىلى قىزمەتتىك تۇرعىن ۇيلەردى مەملەكەتتىك تۇرعىن ءۇي قورىنان باسقا تۇرعىن ۇيگە ايىرباستاۋ ارقىلى عانا الا الادى.

اسكەريلەردى پاتەرمەن قامتاماسىز ەتۋگە جاۋاپتى باسقارما باسشىسى، اعا وفيتسەر، ادىلەت مايورى داۋرەنبەك جۇمابەكتىڭ ايتۋىنشا، قازىرگى تاڭدا الماتى، نۇر-سۇلتان جانە باسقا دا قالالارداعى 236 پاتەر بار. ولار قر قورعانىس مينيسترلىگىنىڭ باللانسىنا كىرەدى.

«بۇل زاڭ قىزمەتتىك ءوتىلى جەتكىلىكسىز بۇرىنعى اسكەري قىزمەتشىلەرگە وزدەرىنە تيەسىلى تۇرعىن ءۇيدى اۋىستىرۋ قۇقىعىن پايدالانۋعا مۇمكىندىك بەرەدى. ياعني، ەندى ولار پاتەردى قالدىق قۇنى بويىنشا ساتىپ الا الادى. باستاپقى سالىمى رەتىندە 30%-ى تولەنەدى. ال قالعان سومانى ون جىلعا پايىزسىز ءبولىپ تولەۋ قاراستىرىلعان»، - دەيدى داۋرەنبەك جۇمابەك.

قازىردىڭ وزىندە نۇر-سۇلتان قالاسىندا قالدىق قۇنى 3 ملن-نان 7 ملن-عا دەيىنگى 34 پاتەر ايىرباسقا ۇسىنىلعان.

«مىسالى، جالپى اۋماعى 31,5 شارشى مەتردى قۇرايتىن، باعاسى 3 ملن 300 مىڭ تەڭگەلىك ءبىر بولمەلى پاتەردى ساتىپ الۋ ءۇشىن العاشقى جارنا سوماسى 990 مىڭ تەڭگە. ال قالعان 2 ملن 310 مىڭ تەڭگەنى 10 جىلعا ءبولىپ تولەۋگە بولادى. سونداعى اي سايىنعى تولەم سوماسى 19 250 تەڭگە بولادى»، - دەيدى ۆەدومستۆو.

قازىرگى تاڭدا ءدال وسى مەحانيزم ارقىلى تۇرعىن ءۇي الۋ ءۇشىن جۇزگەنە اسكەري ءوتىنىش بىلدىرگەن ەكەن.

بۇل جەردە سەمەي پوليگونىنان زارداپ شەككەن ازاماتتار وسى مەحانيزم ارقىلى پاتەرلەرىن اقىسىن اۋىستىرىپ، مەنشىك يەسى اتانا الادى.

ايتا كەتەيىك، ۆەدومستۆونىڭ تۇرعىن ءۇي قورى تۋرالى تولىق اقپارات قورعانىس مينيسترلىگىنىڭ رەسمي سايتىندا، «تۇرعىن ۇيمەن قامتاماسىز ەتۋ» بولىمىندە ورنالاستىرىلعان.

Abai.kz