ەلىمىزدەگى بارشا مۇسىلمان قاۋىمىن قاسيەتتى رامازان ايىنىڭ باستالۋىمەن شىن جۇرەكتەن قۇتتىقتايمىن!

بۇل – سابىرلىقتىڭ، مەيىرىمنىڭ جانە ىزگىلىكتىڭ ايى. وسى كەزەڭدە ادامزاتتى ىرىس-ىنتىماققا شاقىراتىن رۋحاني قۇندىلىقتار كەڭىنەن دارىپتەلەدى. وتىز كۇن ورازادا قايىرىمدىلىق تانىتىپ، مۇقتاج جاندارعا قولداۋ كورسەتۋ دە يگى داستۇرگە اينالدى.

وكىنىشكە قاراي، بيىل دا رامازان ايى بۇكىل الەمدى جايلاعان پاندەميا كەزەڭىنە تۇسپا-تۇس كەلىپ وتىر. سوندىقتان ازاماتتارىمىز قالىپتاسقان كەيبىر راسىمدەردى ورىنداۋدا قازاقستان مۇسىلماندارى ءدىني باسقارماسىنىڭ ۇسىنىمدارىنا قۇلاق اسقانى ءجون. بۇل رەتتە حالقىمىز جاۋاپكەرشىلىك تانىتادى دەپ سەنەمىز.

نيەت ەتكەن جاندارعا ۇستاعان ورازالارىڭىز بەن تىلەگەن دۇعا-تىلەكتەرىڭىز قابىل بولسىن دەيمىن. بەرەكە-بىرلىگىمىز ارتا بەرسىن. ءار شاڭىراق شاتتىققا كەنەلسىن. ەلىمىز امان، جۇرتىمىز تىنىش بولسىن!

ماۋلەن اشىمباەۆ، 

قر سەناتىنىڭ توراعاسى

Abai.kz