14 سءاۋىردە اشعابادتا تءۇركىمەنستان پرەزيدەنتىنىڭ كانديداتۋراسى حالك ماسلاحاتى زاڭ شىعارۋشى ورگاننىڭ تءوراعالىعىنا بەكىتىلدى.

بۇل جونىندە حالك ماسلاحاتىنىڭ العاشقى وتىرىسىندا پرەزيدەنت گۋربانگۋلى بەردىمۇحامەدوۆتىڭ ءوزى جاريالادى. وسىلايشا، تۇركىمەنستان پرەزيدەنتى، پرەمەر-مينيستر قىزمەتتەرىن قوسا اتقاراتىن 63 جاستاعى گۋربانگۋلى بەردىمۇحامەدوۆ ەندى حالك ماسلاحاتىنىڭ سپيكەرى.

حالك ماسلاحاتى - تۇركىمەن پارلامەنتىنىڭ جوعارعى پالاتاسى. 56 دەپۋتاتتان تۇرادى. ونىڭ سەگىزىن پرەزيدەنتتىڭ ءوزى تاعايىندايدى.

2006 جىلى ساپارمۇرات نيازوۆ قايتىس بولعاننان كەيىن بيلىك تىزگىنىن قولىنا العان گۋربانگۋلى بەردىمۇحامەدوۆ قوس پالاتالى پارلامەنت قۇرىپ، مۇنى دەموكراتيالىق دامۋعا جاسالىنعان قادام دەپ تۇسىندىرگەن.

ساراپشىلار ول ءوزىنىڭ ۇلى سەردار بەردىمۇحامەدوۆتى پرەزيدەنت ەتۋگە دايىنداپ جاتىر دەيدى.

بيىل اقپان ايىندا 39 جاستاعى سەردارا بەردىمۇحامەدوۆ ءۇشىن قوسىمشا ۆيتسە-پرەمەر قىزمەتى قۇرىلعان. ول سونىمەن بىرگە ەلدىڭ ىشكى ىستەر ءمينيسترى، قاۋىپسىزدىك كەڭەسىن باسقارادى ءارى تۇركىمەنستاننىڭ جوعارعى باقىلاۋ پالاتاسىنا توراعالىق ەتەدى. بۇدان بولەك "تۇركىمەن الابايى" قاۋىمداستىعىنىڭ جەتەكشىسى.

Abai.kz