كوروناۆيرۋس بويىنشا جاعداي ۋشىعۋ ۇستىندە. وتكەن تاۋلىكتە ۆيرۋس جۇقتىرۋ بويىنشا ءۇندىستان ءبىرىنشى ورىنعا شىققان. ءبىر تاۋلىك ىشىندە ءۇندىستاندا 147 مىڭ ادامنان ۆيرۋس انىقتالعان. اقش-تا بۇل كورسەتكىش 76 مىڭ، تۇركيادا  62 مىڭ، فرانتسيادا 43 مىڭ، گەرمانيادا 32 مىڭ، پولشادا 21 مىڭدى قۇرادى. الەم ەلدەرىنىڭ كوپشىلىگى كارانتيندىك شەكتەۋلەردى كۇشەيتۋدە. 

Worldometers مالىمەتىنشە الەمدە ۆيرۋس جۇقتىرعاندار سانى 139 ملن ادامعا جەتتى. كوز جۇمعاندار سانى 2984721 ادامدى قۇرادى.

ۆيرۋس جۇقتىرۋ بويىنشا 1 ملن ادامعا شاققاندا كورسەتكىش چەحيادا جوعارى بولىپ ءتۇر. وندا كورسەتكىش 148,269, اقش-تا  96,682, ال فرانتسيادا 78,759.

قازاقستان بۇل رەيتينگتە 110 ورىندى الىپ، ملن ادامعا شاققاندا 14,565 جاندى قۇراعان. ال ءولىم كورسەتكىشى بويىنشا قازاقستان 107 ورىندى يەمدەندى. ەلىمىز تەست تاپسىرۋ بويىنشا 71 ورىندا.

Abai.kz