سەنبى, 8 مامىر 2021
بيلىك 2331 2 پىكىر 19 ءساۋىر, 2021 ساعات 13:51

اقوردا كادرلىق اۋىس-ءتۇيىس جاسادى

بۇگىن قر پرەزيدەنتى قاسىم-جومارت توقاەۆ بىرقاتار كادرلىق اۋىس-ءتۇيىس جاسادى. پرەزيدەنت جارلىقتارى اقوردا سايتىندا جاريالاندى. ول بويىنشا:

ەرلان اليمباەۆ

ەرلان التىنبايۇلى الىمباەۆ قر سىرتقى ىستەر ءمينيسترىنىڭ ورىنباسارى لاۋازىمىنا تاعايىندالدى.

ول وسىعان دەيىن قازاقستاننىڭ ۇندىستانداعى، شري-لانكا دەموكراتيالىق سوتسياليستىك رەسپۋبليكاسىنداعى، بانگلادەش حالىق رەسپۋبليكاسىنداعى، نەپال فەدەراتيۆتىك دەموكراتيالىق رەسپۋبليكاسىنداعى، بۋتان كورولدىگىندەگى، مالديۆ رەسپۋبليكاسىنداعى توتەنشە جانە وكىلەتتى ەلشىسى لاۋازىمدارىن اتقارىپ كەلگەن. ەندى ول اتالعان لاۋازىمداردان بوساتىلدى.

ەرلان الىمباەۆ 46 جاستا. قىزىلورلدا وبلىسىنىڭ تۋماسى. 1997 جىلدان بەرى ءسىم-دە جۇمىس ىستەيدى. ديپلوماتيالىق كارەراسىن ازياداعى، تاياۋ شىعىس پەن افريكاداعى ەلشىلىك دەپارتامەنتتەرىندە رەفەرەنت رەتىندە باستاعان. II دارەجەلى توتەنشە جانە وكىلەتتى ەلشى دەگەن ديملوماتيالىق شەنى بار.

نۋرلان جالگاسباەۆ

قازاقستاننىڭ ۇندىستانداعى توتەنشە جانە وكىلەتتى ەلشىسى لاۋازىمىنا نۇرلان ءادىلۇلى جالعاسباەۆ تاعايىندالدى.

نۇرلان جالعاسباەۆ 51 جاستا. اقتوبە وبلىسىنىڭ تۋماسى. قازاقستاننىڭ ليتۆاداعى، گۇرجىستانداعى، نورۆەگياداعى، يتالياداعى ەلشىلىكتەرىندە ءتۇرلى قىزمەتتەر اتقارعان. بۇۇ-داعى قازاقستاننىڭ تۇراقتى وكىلى بولعان. II دارەجەلى توتەنشە جانە وكىلەتتى ەلشى دەگەن ديملوماتيالىق شەنى بار.

ءراپىل سەيىتحانۇلى جوشىباەۆ قازاقستان رەسپۋبليكاسىنىڭ قىرعىز رەسپۋبليكاسىنداعى توتەنشە جانە وكىلەتتى ەلشىسى لاۋازىمىنا تاعايىندالدى. وسىعان دەيىن قىرعىزستانداعى ەلشىلىكتى باسقارىپ كەلگەن قايرات ايتمۇحامبەتۇلى نۇرپەيىسوۆ لاۋازىمىنان بوساتىلدى.

مارگۋلان بايمۋحان فوتو: gov.kz

مارعۇلان باقىتۇلى بايمۇحان قازاقستان رەسپۋبليكاسىنىڭ بەلگيا كورولدىگىندەگى توتەنشە جانە وكىلەتتى ەلشىسى لاۋازىمىنا، ەۋروپا وداعىنىڭ جانىنداعى جانە سولتۇستىك اتلانت شارتى ۇيىمىنداعى (ناتو) قازاقستان رەسپۋبليكاسى وكىلدىگىنىڭ باسشىسى لاۋازىمىنا تاعايىندالدى.

ول بۇعان دەيىن قازاقستان رەسپۋبليكاسى سىرتقى ىستەر ءمينيسترىنىڭ ورىنباسارى لاۋازىمىن اتقارىپ كەلگەن.

Abai.kz

2 پىكىر