استانا. 18 ءساۋىر. قازاقپارات - بۇگىن قر پارلامەنتى ءماجىلىسىنىڭ جالپى وتىرىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قازاقستان رەسپۋبليكاسى كونستيتۋتسياسىنىڭ 78-بابىن ىسكە اسىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ءبىرىنشى وقىلىمدا ماقۇلداندى.

اتالعان جوباعا ءماجىلىس دەپۋتاتتارى باستاماشىلىق جاساعان. سونداي-اق، قۇجات قر كونستيتۋتسياسىنىڭ 78-بابىن قولدانۋعا بايلانىستى قولدانىستاعى كەيبىر زاڭنامالىق اكتىلەردەگى ولقىلىقتاردى جويۋ ماقساتىندا ازىرلەنگەن. اتاپ ايتقاندا، اتا زاڭنىڭ  13-بابىندا بەلگىلەنگەن اركىمنىڭ سوتتا قورعالۋ قۇقىعى ادامنىڭ جانە ازاماتتىڭ كونستيتۋتسيالىق قۇقىقتارىن، بوستاندىقتارى مەن زاڭدى مۇددەلەرىن قامتاماسىز ەتۋدىڭ كەپىلدىگى بولىپ تابىلادى. ال، مۇنداي كونستيتۋتسيالىق قۇقىق، سونداي-اق سوتتاردىڭ قر كونستيتۋتسيالىق كەڭەسىنە جۇگىنۋ مۇمكىندىگى جولىمەن ىسكە اسىرىلۋى مۇمكىن.

استانا. 18 ءساۋىر. قازاقپارات - بۇگىن قر پارلامەنتى ءماجىلىسىنىڭ جالپى وتىرىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قازاقستان رەسپۋبليكاسى كونستيتۋتسياسىنىڭ 78-بابىن ىسكە اسىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ءبىرىنشى وقىلىمدا ماقۇلداندى.

اتالعان جوباعا ءماجىلىس دەپۋتاتتارى باستاماشىلىق جاساعان. سونداي-اق، قۇجات قر كونستيتۋتسياسىنىڭ 78-بابىن قولدانۋعا بايلانىستى قولدانىستاعى كەيبىر زاڭنامالىق اكتىلەردەگى ولقىلىقتاردى جويۋ ماقساتىندا ازىرلەنگەن. اتاپ ايتقاندا، اتا زاڭنىڭ  13-بابىندا بەلگىلەنگەن اركىمنىڭ سوتتا قورعالۋ قۇقىعى ادامنىڭ جانە ازاماتتىڭ كونستيتۋتسيالىق قۇقىقتارىن، بوستاندىقتارى مەن زاڭدى مۇددەلەرىن قامتاماسىز ەتۋدىڭ كەپىلدىگى بولىپ تابىلادى. ال، مۇنداي كونستيتۋتسيالىق قۇقىق، سونداي-اق سوتتاردىڭ قر كونستيتۋتسيالىق كەڭەسىنە جۇگىنۋ مۇمكىندىگى جولىمەن ىسكە اسىرىلۋى مۇمكىن.

قازاقستان رەسپۋبليكاسىنىڭ كونستيتۋتسياسىنىڭ 78-بابى ناقتى قىلمىستىق جانە ازاماتتىق ىستەردى، سونداي-اق اكىمشىلىك قۇقىق بۇزۋشىلىق تۋرالى ىستەردى قاراۋ كەزىندە كونستيتۋتسيالىق كەڭەسكە جۇگىنۋىنىڭ قۇقىقتىق شارتتارىن جاسايدى. سونىمەن بىرگە دەپۋتاتتار كونستيتۋتسيانىڭ اتالعان بابىنىڭ ەرەجەلەرىن ىسكە اسىرۋ ءىس جۇرگىزۋ زاڭناماسىندا ورىن العان ولقىلىقتارمەن قيىنداتىلعانىن، وندا قازاقستان رەسپۋبليكاسى كونستيتۋتسيالىق كەڭەسىنىڭ نورماتيۆتىك-قۇقىقتىق اكتىنى نەمەسە ونىڭ بولىكتەرىن كونستيتۋتسيالىق ەمەس دەپ تابۋدىڭ قۇقىقتىق سالدارى رەتتەلمەگەنىن العا تارتادى.

«زاڭ جوباسىن قابىلداۋ سوتتىڭ كونستيتۋتسيالىق كەڭەسكە جۇگىنۋىنە بايلانىستى سوت ءىسىن جۇرگىزۋدە تۋىندايتىن بىرقاتار قۇقىقتىق قاتىناستاردى رەتتەۋگە مۇمكىندىك بەرەدى. ادامنىڭ جانە ازاماتتىڭ كونستيتۋتسيالىق قۇقىقتارىن قورعاۋ كەپىلدىگىن ارتتىرادى»،-دەدى دەپۋتات نۇرلان ءابدىروۆ.