الماتى قالاسى المالى اۋدانى بويىنشا مەملەكەتتىك كىرىستەر باسقارماسى قازاقستان رەسپۋبليكاسى قارجى مينيسترلىگىنىڭ مەملەكەتتىك كىرىستەر كوميتەتى  قر قم     2020 جىلعى 24 جەلتوقسانداعى №1232 بۇيرىعىمەن بەكىتىلگەن سالىق تولەۋشىلەرگە شولىپ تەكسەرۋدى جۇرگىزە وتىرىپ اكىمشىلەندىرۋ جونىندەگى پيلوتتىق جوبانى ىسكە اسىرۋ ماقساتىندا جابىق بازارلار، ساۋدا ۇيلەرى، دۇكەندەر، پاۆيلوندار اۋماعىندا كوتەرمە جانە (نەمەسە) بولشەك ساۋدانى جۇزەگە اسىراتىن سالىق تولەۋشىلەر QR-كودتى  (شتريح-كودتى) مەملەكەتتىك كىرىستەر كوميتەتىنىڭ  ۆەب-پورتالى ارقىلى (https://kgd.gov.kz) الىپ بكم ورنالاسقان جەرلەردە ءتۇرلى-ءتۇستى فورماتتا ورنالاستىرىلۋى ءتيىس.

سالىق تولەۋشى QR-كودتى (شتريح-كودتى) الۋ ءۇشىن پورتالداعى «اقپاراتتىق رەسۋرستار» قوسىمشا بەتىندە بەلسەندى تەرەزەدە جسن/بسن، باقىلاۋ-كاسسا ماشيناسىنىڭ زاۋىتتىق ءنومىرىن ەنگىزۋ، «باسىپ شىعارۋ» باتىرماسىن باسۋ ارقىلى QR-كودتى قالىپتاستىراتىنىن مالىمەت ءۇشىن حابارلايمىز. بۇل رەتتە اقپاراتتى ساقتاۋ قاۋىپسىزدىگىن قامتاماسىز ەتۋ ماقساتىندا ءبىر پايدالانۋشىعا تاۋلىگىنە QR-كودتى الۋدا 5 رەتتەن ارتىق ەمەس شەكتەۋ بەلگىلەنگەن.

الىنعان QR-كود (شتريح-كود). QR-كود فيسكالدى چەك بەرىلمەگەن، تاۋارلار ءۇشىن تولەمدى بانك كارتاسىمەن قابىلداۋدان باس تارتقان، الكوگول ونىمىنە ليتسەنزيا بولماعان جاعدايدا كاسىپكەردى ساتىپ الۋشىلارمەن سايكەستەندىرۋ ءۇشىن قاجەت. اتالعان جاعدايلاردا ساتىپ الۋشى پيلوتتىق جوباعا قاتىسۋشىعا قاتىستى شاعىمدى قاعاز جەتكىزگىشتە نەمەسە موبيلدىك قوسىمشا ارقىلى مەملەكەتتىك كىرىستەر ورگاندارىنا جىبەرۋگە قۇقىلى.

ساتىپ الۋشىدان شاعىم تۇسكەن كەزدە مكد شولىپ تەكسەرۋدى جۇرگىزۋ تۋرالى شەشىم شىعارادى جانە شەشىمدى مەملەكەتتىك كىرىستەر ورگانىنىڭ ينتەرنەت-رەسۋرسىندا شولىپ تەكسەرۋدى جۇرگىزۋگە دەيىن 3 ء(ۇش) جۇمىس كۇنى بۇرىن ورنالاستىرادى.

شولىپ تەكسەرۋ مەملەكەتتىك كىرىستەر ورگانىنىڭ لاۋازىمدى تۇلعاسىمەن

ساتىپ الۋشىمەن اقشا وپەراتسيالارىن جۇرگىزۋ كەزىندە پيلوتتىق جوباعا قاتىسۋشىنىڭ ءىس-قيمىلدارىن مىندەتتى تۇردە بەينەباقىلاۋ جانە (نەمەسە) فوتوعا ءتۇسىرۋ قۇرالدارىن قولدانا وتىرىپ، سونداي-اق بەينەكامەرانىڭ كومەگىمەن ساۋدا وبەكتىسىنىڭ سورەسىندە الكوگول ءونىمىنىڭ بار نەمەسە جوق ەكەنىن جۇرگىزەدى.

مەملەكەتتىك كىرىستەر ورگانىنىڭ لاۋازىمدى تۇلعالاردىڭ بەينە جانە فوتوفيكساتسياسى بار ماتەريالداردى ساقتاۋى مكب باسشىسىنىڭ بۇيرىعىمەن بەكىتىلگەن جاۋاپتى ادامدارعا جۇكتەلەدى.

شولىپ تەكسەرۋدى جۇرگىزۋ ناتيجەلەرى بويىنشا مكب قىزمەتكەرى شولىپ تەكسەرۋ اكتىسىن جاسايدى.

بۇزۋشىلىقتار تىركەلگەن جاعدايدا، بۇزۋشىلىققا جول بەرگەن پيلوتتىق جوباعا قاتىسۋشى «اكىمشىلىك قۇقىق بۇزۋشىلىق تۋرالى» قازاقستان رەسپۋبليكاسىنىڭ 2014 جىلعى 5 شىلدەدەگى № 235-V قرز كودەكسىنىڭ (بۇدان ءارى – اقبتك) نورمالارىنا سايكەس اكىمشىلىك جاۋاپكەرشىلىككە تارتىلادى.

سالىق تولەۋشى ءوزىنىڭ وبەكتىسىندە QR-كودتى (شتريح-كودتى) ورنالاستىرۋدان باس تارتقان جاعدايدا، ءبىرىنشى رەت، بۇزۋشىلىقتى جويۋ مەرزىمدەرىن كورسەتە وتىرىپ، زاڭناما نورمالارىن ەلەمەگەن جاعدايدا، كاسىپكەرگە قول قويعىزىپ، جادىناما (حابارلاما) تاپسىرۋ قاجەت. سالىق تولەۋشى جادنامادا (حابارلامادا) كورسەتىلگەن بۇزۋشىلىقتاردى جويۋ مەرزىمدەرىن ەلەمەگەن جاعدايدا اقبتك-ءنىڭ 288-بابىنىڭ نورمالارىنا سايكەس اكىمشىلىك جاۋاپكەرشىلىككە تارتۋ قاجەت.

الماتى قالاسى المالى اۋدانى بويىنشا بويىنشا مكب باس مامانى ش.الىشەر

Abai.kz