كوپشىلىككە فارا دەگەن اتپەن تانىمال قازاقستاندىق اكتەر فارحات ءابدىرايىموۆ گرۋزيادا ءتۇسىرىلىم الاڭىندا قايتىس بولدى. 

«قازاقفيلم» كينوستۋدياسىنىڭ مالىمەتىنشە، اكتەردىڭ ولىمىنە ينفاركت سەبەپ بولعان.

- بۇگىن، 56 جاسىندا بەلگىلى قازاقستاندىق اكتەر جانە پروديۋسەر فارحات ءابدىرايىموۆ گرۋزيادا ءتۇسىرىلىم الاڭىندا قايتىس بولدى. اكتەردىڭ تۋىستارىنىڭ ايتۋىنشا، ولىمگە ينفاركت سەبەپ بولعان.

"قازاقفيلم" كينوستۋدياسىنىڭ ۇجىمى فارحات نۇرسۇلتانۇلىنىڭ وتباسى مەن جاقىندارىنا ورتاقتاسىپ كوڭىل ايتادى. بۇل بۇكىل قازاقستاندىق كينو ءۇشىن ۇلكەن قازا.

اكتەرمەن قوشتاسۋ كۇنى مەن ورنى كەيىنىرەك حابارلانادى, - دەلىنگەن حابارلامادا.

فارحات ءابدىرايىموۆ 1966 جىلى 21 قاڭتاردا الماتى قالاسىندا تۋعان. ول 20-دان اسا فيلمدە ەپيزود، باستى رولدەردە ويناعان.

Abai.kz