جاقىندا ەلىمىزدە جاپپاي اۋىل اكىمدەرىن سايلاۋ ناۋقانى باستالادى. بۇل دەموكراتيالىق وزگەرىستەر مەن ازاماتتىق قوعامدى دامىتۋدىڭ ءبىرى كورىنىسى بولسا دا، ەكىنشى ءبىر تۇسى بار. ول ايماقتاردا رۋشىلدىق، جەرشىلدىك ءبولىنۋدى قايتا جانداندىرىپ، قوعامنىڭ تۇتاستىعىنا كەرى اسەر ەتۋى مۇمكىن دەگەن كۇدىك. 

ەلىمىزدەگى تانىمال ۋيكيپەديا جەلىسىنەن كوپشىلىك تانىمال تۇلعالار مەن ساياساتكەرلەردىڭ ءومىربايانىن قاراپ، وقۋدى جاقسى كورەتىنى جاسىرىن ەمەس. بۇل تۇرعىدان ورىس ءتىلدى ۆيكيپەديا قازاق ءتىلى ۋيكيپەديادان جوعارى تۇرعانى دا شىندىق. بۇل ەندى ەلىمىزدەگى مەملەكەتتىك ءتىلدىڭ وتىز جىل ىشىندە ءالى اياعىنان تۇرمايع اقساپ جاتقانىنىڭ كەسىرىنەن. وكىنىشكە وراي ورىس ءتىلدى ۆيكيپەدياداعى ساياساتكەرلەردىڭ بيوگرافياسىنا نازار اۋدارساق، ولاردىڭ ءومىر جولىمەن قاتار، رۋىن، ءجۇزىن جازىپ قويعانىن اڭعارامىز. ارينە بۇعان شەنەۋنىكتىڭ ەش قاتىسى جوق، سەبەبى ماقالا دەربەس، سىرتتان سالىنادى. دەي-تۇرا ماقالاداعى اقپاراتتى تۇزەتۋگە كەز كەلگەن ازامات ارنايى شاعىم جاساپ، ىسكە اسىرۋىنا بولادى. ورىس ءتىلدى ۆيكيپەدياداعى بىرقاتار شەنەۋنىكتەردىڭ ءومىربايانىنا نازار اۋدارىپ كورەلىك.

بۇرىنعى اقپارات ءمينيسترى داۋرەن اباەۆ جايلى ۆيكيپەديادا ۇلى ءجۇزدىڭ، شاپىراشتى رۋىنان ەكەنى جازىلىپتى.

ءبىلىم جانە عىلىمي ءمينيسترى، كوپشىلىكتىڭ كوڭىلىنەن شىعىپ، جاستىق كرەاتيۆپەن ءوز سالاسىنا ۇلكەن وزگەرىس اكەلىپ جاتقان اسحات ايماعامبەتوۆتى ۆيكيپەديا جەلىسى ارعىن رۋىنىڭ ىشىندەگى، قاراكەسەك، ونىڭ ىشىندە قويانشى-تاعاي رۋىنان دەپ كورسەتەدى.

بىرنەشە مينيسترلىكتىڭ تىزگىنىن ۇستاعان باقىت سۇلتانوۆتى ۇلى ءجۇزدىڭ، شاپىراشتى رۋىنان ەكەنى جازىلعان.

ساياساتتاعى سان جىلدىق تاجىريبەسى بار، قارت قىرىمبەك كوشەرباەۆتى بۇل جەلى كىشى ءجۇزدىڭ، ءالىم رۋىنان دەيدى.

ومىرزاق شوكەەۆ بولسا ۇلى ءجۇزدىڭ، دۋلات رۋىنان، ونىڭ ىشىندە سيقىم دەپ كورسەتەدى.

الماتى قالاسىنىڭ اكىم بولعان، «سامۇرىق قازىنانى» سان جىل باسقارعان احمەتجان ەسىموۆ بولسا ۇلى ءجۇزدىڭ، شاپىراشتى رۋىنان. ۆيكيپەديا ونى ەلباسى نۇرسۇلتان نازارباەۆتىڭ جيەنى دەپ سيپاتتايدى.

Forbes بويىنشا قازاقستانداعى بايلاردىڭ تىزىمىندە ءتورتىنشى ورىنعا جايعاسقان تيمۋر قۇلىباەۆ بولسا ۇلى ءجۇزدىڭ دۋلاتى، ونىڭ ىشىندە سيقىم ەكەن.

ورىس ءتىلدى ۆيكيپەديا جەلىسىنىڭ وقىرمانى وتە كوپ. ونداعى اقپارات پەن تانىمدىق ماقالالار سانى قازاق تىلىندەگى اقپاراتتى ون ورايدى. ءتىپتى قازاق تاريحىنداعى تۇلعالار جايلى اقپاراتتار ورىس تىلىندە قازاق تىلىنەن قاراعاندا كوبىرەك. بۇل كوڭىلدى جابىرقاتاتىن اششى شىندىق. بۇل رەسمي ەنتسيكلوپەديا بولماسا دا، ونداعى اقپارات ارقىلى كوپشىلىك قوعامدىق وي ءتۇيىپ، پىكىر قالىپتاستىرادى. سوندىقتان ەلگە تانىمال، بيلىك تىزگىنىن ۇستاعان ازاماتتار بۇل جەلىدەگى رۋى مەن جۇزىنە قاتىستى اقپاراتتى الدىرىپ تاستاعانى دۇرىس دەپ سانايمىز. رۋىن اتا-بابا داستۇرىنە ساي بىلەتى، تاۋەلسىز ەلىنىڭ تۋىن ماقتان تۇتىپ، ۇلتىن ۇلىقتايتىن سانا بولعاندا، ۇلتتى بارلىعىنان جوعارى قوياتىن تۇسىنىك قالىپتاسقان ساتتە مەملەكەتتىك ورلەۋ مەن قوعامدىق كونسوليداتسيا ارتادى. الدە بۇل رۋدىڭ جازىلۋى «بىرەۋلەرگە» كەرەك پە؟

كا مىرزا

Abai.kz