لەۆ گۋميلەۆ اتىنداعى ەۋرازيا ۇلتتىق ۋنيۆەرسيتە­تىنىڭ ستۋدەنت جاستارى اقىن، «الاش ايناسى» گازەتى مادەنيەت ءبولىمىنىڭ رەداكتو­رى المات يسادىلمەن كەزدەسىپ، ولەڭ-جىرمەن ورنەكتەلگەن ادەمى رۋحاني كەش وتكىزدى. كەش بارىسىندا تالاپتى ستۋدەنت­تەر اقىن ولەڭدەرىن وقىپ، ونىڭ شىعارماشى­لى­عىنا قاتىستى ساۋالدارىنا تۇشىمدى جاۋاپ الدى.

لەۆ گۋميلەۆ اتىنداعى ەۋرازيا ۇلتتىق ۋنيۆەرسيتە­تىنىڭ ستۋدەنت جاستارى اقىن، «الاش ايناسى» گازەتى مادەنيەت ءبولىمىنىڭ رەداكتو­رى المات يسادىلمەن كەزدەسىپ، ولەڭ-جىرمەن ورنەكتەلگەن ادەمى رۋحاني كەش وتكىزدى. كەش بارىسىندا تالاپتى ستۋدەنت­تەر اقىن ولەڭدەرىن وقىپ، ونىڭ شىعارماشى­لى­عىنا قاتىستى ساۋالدارىنا تۇشىمدى جاۋاپ الدى.

كيەلى كەگەن ءوڭىرىنىڭ توپىراعىندا تۋعان المات ءيسادىل - پوەزيا الەمىندە وزىندىك قول­تاڭ­­باسىمەن تانىلعان، كەيىنگى كەزدە بالالار ادەبيەتىنە دە قالام تارتىپ جۇرگەن  ارىندى اقىنداردىڭ ءبىرى.  سوندىقتان دا بولار، كەش بارىسىندا اقىن الماتتىڭ ءوسىپ-ءونىپ، وقىپ، ءبىلىم العان ورتاسى جانە ونىڭ شىعارماشىلىق قىزمەتى تۋرالى جىلى اڭگىمەلەر ايتىلدى. اقىننىڭ جاستار پوەزياسىنا اكەلگەن سونى لەبى، ايشىقتى ورنەگى ەرەكشە ءسوز بولىپ، پروفەسسور تۇرلىبەك مامەسەيىت، فيلولوگيا عىلىمدارىنىڭ دوكتورى، اقىن جانات اسكەر­بەكقىزى، ايتىسكەر اقىن سەرىكزات دۇيسەنعا­زين، قالامداس دوستارى قالقامان سارين، تاناكوز تولقىنقىزى، ەرلان ءجۇنىس جانە تاعى باسقا مەيماندار وزدەرىنىڭ جۇرەكجاردى لەبىزدەرىن جەتكىزدى.

اقىندار قوناق كادە رەتىندە ءوز جىرلارىن وقىسا، فيلولوگيا فاكۋلتەتىنىڭ ءانشى قىز-جىگىتتەرى اۋىلدىڭ التى اۋىزىن ايتىپ، ءوز ونەرلەرىن پاش ەتتى. ستۋدەنت جاستار المات يسادىلگە شىعارماشىلىعى، ۇستانعان باعىتى جايىندا سۇراقتار قويۋدى دا ۇمىتقان جوق. ا.ءيسادىل ءوزىنىڭ «جولدار، جولدار»،   «كوڭىل الاڭ» سەكىلدى جىر جيناقتارىنا كىرگەن ولەڭ-جىرلارىن، سونداي-اق ورىس جانە تۇرىك اقىندارىنان اۋدارعان  شىعارمالارىن وقىپ بەردى. الماتتىڭ «جالعىز»، «كوڭىل الاڭ»، «بالكونداعى وي» سەكىلدى ولەڭدەرى،  ستۋدەنتتىك جىلداردىڭ، جالىن مەن سەزىمنەن تۇراتىن جاستىق شاقتىڭ تىلگە جەڭىل، جۇرەككە جىلى تيەتىن جىرلارى تالعامپاز وقىرمانعا ەرەكشە اسەر ەتتى.  كەش سوڭى اقىننان قولتاڭبا الىپ، ەستەلىك سۋرەتكە تۇسۋمەن اياقتالدى.

سەرىكزات دۇيسەنعازين، ايتىسكەر اقىن، ەۋرازيا ۇلتتىق ۋنيۆەرسيتەتى جانىنداعى اقىندار مەكتەبىنىڭ جەتەكشىسى:

-  المات ءيسادىل -  قازاق پوەزياسىنا 90-جىلداردىڭ ورتاسىندا قوسىلعان تاماشا تالانتتاردىڭ ءبىرى. مەن ءوزىم اقىن الماتپەن العاش رەت نارىنقول اۋدانىندا كەزدەستىم. شىعارماشى­لىعىمەن دە سول جولى  تانىس بولدىم. ونىڭ ءوز كۇشىمەن، ءوز تالانتىمەن تانىلىپ جۇرگەن جاس اقىن ەكەندىگىنە كوزىم جەتتى. بۇگىندە ول قازاقتىڭ بەدەلدى ءارى كاسىبي اقىندارىنىڭ بىرىنە اينالدى. الماتتىڭ شىعارمالارى جاستاردىڭ اراسىندا ءجيى وقىلادى. سول سەبەپتى ءبىز ونى ەۋرازيا ۇلتتىق ۋنيۆەرسيتەتىنە ارنايى شاقىرىپ، جاس اقىندارمەن جۇزدەستىرۋدى ءجون كوردىك. نەگىزگى ماقسات - قازىرگى پوەزيانى جاستارعا تانىستىرۋ. ءبىز وسى ماقساتقا جەتتىك دەپ ويلايمىز.

اۆتور: جانبولات شاكىموۆ، ەۇۋ-ءدىڭ فيلولوگيا فاكۋلتەتىنىڭ 4-كۋرس ستۋدەنتى

«الاش ايناسى» گازەتى