ۇلى اقىن ماعجان بەكەنۇلىنىڭ «باتىر بايان» جىرىنىڭ جەلىسىمەن رەجيسسەر سلامبەك تاۋەكەل تۇسىرگەن «باتىر بايان» فيلمىندە باياننىڭ ءرولىن سومداپ، سول ارقىلى ءيسى قازاقتىڭ جۇرەگىندە باتىر بابالاردىڭ بەينەسىندەي ساقتالعان جۇماحان ابدىقادىروۆ وسىدان ون التى جىل بۇرىن جۇمىستان قايتىپ كەلە جاتقان كەزدە جول كولىك اپاتىنا ۇشىراپ، مەرتىككەن ەدى. سودان بەرى بىرنەشە رەت وتا جاساتسا دا دەنساۋلىعى وڭالماي قويعان-دى (اعانىڭ تاعدىرى تۋرالى «الماتى» ارناسى مەن abai.kz اقپاراتتىق پورتالى جۋىردا تاعى ماسەلە كوتەرگەن بولاتىن. http://old.abai.kz/node/13184 ) جازىلمايتىن اۋرۋ جوق. جۇماحان اعامىزدى دەرتىنەن ايىقتىراتىن وتا شەتەلدە جاسالادى ەكەن. الايدا، وتانىڭ قارجىسىن قازاق اكتەرىنىڭ قالتاسى قايدان كوتەرسىن. ەل-جۇرتتىڭ كومەك قولىن سوزىپ جيناعان اقشاسى جەتپەدى. ەندى مىنە، باتىر باياننىڭ حالىنەن حاباردار بولعان پرەزيدەنت پارمەن ەتىپ، وتاعا قاجەتتى قاراجاتتى «ن.نازارباەۆتىڭ مادەنيەت، ءبىلىم جانە الەۋمەتتىك باعدارلامالار قورىنان» دەرەۋ اۋدارتىپتى.

ءۇمىت وتىن جاندىرعان جاڭالىقتى ەستىپ، جۇماحان اعامىزعا حابارلاستىق.

- سىزگە كومەك بەرىلگەنىن ەستىپ بىزدە قۋانىپ جاتىرمىز، اعا.

ۇلى اقىن ماعجان بەكەنۇلىنىڭ «باتىر بايان» جىرىنىڭ جەلىسىمەن رەجيسسەر سلامبەك تاۋەكەل تۇسىرگەن «باتىر بايان» فيلمىندە باياننىڭ ءرولىن سومداپ، سول ارقىلى ءيسى قازاقتىڭ جۇرەگىندە باتىر بابالاردىڭ بەينەسىندەي ساقتالعان جۇماحان ابدىقادىروۆ وسىدان ون التى جىل بۇرىن جۇمىستان قايتىپ كەلە جاتقان كەزدە جول كولىك اپاتىنا ۇشىراپ، مەرتىككەن ەدى. سودان بەرى بىرنەشە رەت وتا جاساتسا دا دەنساۋلىعى وڭالماي قويعان-دى (اعانىڭ تاعدىرى تۋرالى «الماتى» ارناسى مەن abai.kz اقپاراتتىق پورتالى جۋىردا تاعى ماسەلە كوتەرگەن بولاتىن. http://old.abai.kz/node/13184 ) جازىلمايتىن اۋرۋ جوق. جۇماحان اعامىزدى دەرتىنەن ايىقتىراتىن وتا شەتەلدە جاسالادى ەكەن. الايدا، وتانىڭ قارجىسىن قازاق اكتەرىنىڭ قالتاسى قايدان كوتەرسىن. ەل-جۇرتتىڭ كومەك قولىن سوزىپ جيناعان اقشاسى جەتپەدى. ەندى مىنە، باتىر باياننىڭ حالىنەن حاباردار بولعان پرەزيدەنت پارمەن ەتىپ، وتاعا قاجەتتى قاراجاتتى «ن.نازارباەۆتىڭ مادەنيەت، ءبىلىم جانە الەۋمەتتىك باعدارلامالار قورىنان» دەرەۋ اۋدارتىپتى.

ءۇمىت وتىن جاندىرعان جاڭالىقتى ەستىپ، جۇماحان اعامىزعا حابارلاستىق.

- سىزگە كومەك بەرىلگەنىن ەستىپ بىزدە قۋانىپ جاتىرمىز، اعا.

- راحمەت! جاردەم ەتكەن ەل-جۇرتىما، ەلباسىنا ايتار العىسىم شەكسىز! پرەزيدەنتتىڭ پارمەن ەتىپ، كومەكتەسۋى - قازاق ونەرىنە، قازاق ونەرپازىنا دەگەن قامقورلىق! «باتىر بايان» ءفيلمى تۇسىرلەر كەزدە پرەزيدەنت ءوزى كەلىپ، باتاسىن بەرگەن بولاتىن. فيلمدە وتە ءساتتى شىقتى. ەندى، مىنە، تاعى دا پرەزيدەنت ءوزى باس بولىپ اۋرۋىما اراشا ءتۇسىپ وتىر. مىڭ دا ءبىر راحمەت!

ماعان وتا جاسايمىز دەگەن شەتەلدىك دارىگەرلەرمەن قايتا سويلەسىپ، قۇجاتتارىمدى دايىنداپ جاتىرمىن. دارىگەرلەر وتاعا كەزەككە قوياتىن شىعار، شەتەلگە وتاعا بارامىز دەگەننەن بەرى دە بىرنەشە جىل ءوتتى. ودان بەرى وتانىڭ باعاسى دا وزگەرىپ كەتۋى مۇمكىن. مىنا جاقتان رەسەي دارىگەرلەرىمەن دە سويلەسۋدەمىز. قۇداي ءساتىن سالسا، دارىگەرلەردەن قاشان شاقىرتۋ تۇسەدى، سول بەتتە اتتانامىز عوي.

- قوردان بولىنگەن اقشا قولىڭىزعا ءتيدى عوي؟

- ءيا، كەلىپ ءتۇستى. كەزىندە تەاتر قايراتكەرلەر وداعى اتىنان تۇڭعىشباي جاماقۇلوۆ مەنىڭ اتىما ەسەپ-شوت اشىپ، ۇندەۋ جاساعان بولاتىن. ءوزىم دە سول وداقتىڭ مۇشەسىمىن عوي. ول كەزدە شەتەلدەگى وتانىڭ قۇنى - 30 مىڭ ەۋرو دەگەن ەدى. قاجەت قارجى تولىق جينالماعان سوڭ، ەسەپ-شوتقا كەلىپ تۇسكەن قاراجات سول قالپى تۇرعان. سودان پرەزيدەنت مەنىڭ جاعدايىمدى قازاق باق-نان ەستىپ، بىلگەن سوڭ بىردەن «قاجەتتى كومەك جاساڭدار» دەپ بۇيىرىپتى. ءسويتىپ، 5 ميلليون تەڭگە اۋداردى. راحمەت!

- بىزدە سول جاقسى جاڭالىقتىڭ جارشىسى بولايىق دەگەن نيەتپەن حابارلاسىپ جاتىرمىز.

- سىزدەرگە راحمەت، امان بولايىق! ەلباسىمىزدىڭ كومەكتەسىپ جاتقانىنا وتباسىمىزبەن قۋانۋدامىز. بۇل - ونەردى ءتۇسىنۋ، باعالاۋ. اللانىڭ كوزى ءتۇزۋ بولىپ، پاتشامىزدىڭ ءوزى جاردەم ەتىپ جاتقانىنا ءتاۋبا!

- ال، اعا، امان بولىڭىز! قۇداي جەڭىلدىگىن بەرسىن!

سۇحباتتاسقان - ءومىرجان ابدىحالىقۇلى

«اباي-اقپارات»

"الماتى" ارناسىنىڭ "تاعدىر مەن تۇلعا" حابارىنىڭ اكتەر جۇماحان ابدىقادىروۆقا ارنالعان سانى