قازاقستاندا 2025 جىلعا قاراي 11 مىڭ كم اۆتوموبيل جولدارىن اقىلى ەتۋ جوسپارلانۋدا. بۇل تۋرالى قازاقستان رەسپۋبليكاسىنىڭ يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ مالىمدەدى. 

«جالپى، 2025 جىلعا قاراي 11 مىڭ شاقىرىم اۆتوموبيل جولىنا اقى تولەۋدى ەنگىزۋ جوسپارلانىپ وتىر. ءبىرىنشى كەزەڭدە، 2021 جىلى 5,8 مىڭ شاقىرىمعا اقىلى ترافيكتى اشۋ جوسپارلانىپ وتىر»، - دەدى بەيبىت اتامقۇلوۆ تۇرعىندار الدىنداعى ەسەپ بەرۋ كەزدەسۋىندە.

بۇعان دەيىن يندۋستريا جانە ينفراقۇرىلىمدىق دامۋ ءمينيسترى قازاقستانداعى اقىلى جولداردا ءجۇرۋ باعالارى تۋرالى ايتقان بولاتىن.

«جولداردىڭ ساپاسىنا ولاردى كۇتىپ ۇستاۋ ءتاسىلى دە اسەر ەتەدى. ول ءۇشىن قىزمەت كورسەتۋ شىعىندارىن تولىعىمەن جاباتىن جانە رەسپۋبليكالىق بيۋدجەتكە تۇسەتىن سالماقتى ازايتاتىن تولەم ەنگىزىلۋدە. وسى جەردە مەن باعالارعا توقتالعىم كەلەدى. اقى تولەۋ مولشەرلەمەلەرى قازاقستان رەسپۋبليكاسى ۇكىمەتىنىڭ قاۋلىسىمەن 2013 جىلى استانا-ششۋچينسك جولىندا العاشقى اقىلى جۇيە ەنگىزىلگەن كەزدە بەكىتىلدى، ال جاڭا ۋچاسكەلەردە بۇل تاريفتەر وزگەرىسسىز قالدى»، - دەپ ءتۇسىندىردى بەيبىت اتامقۇلوۆ.

Abai.kz