ەلىمىزدە باس ءمۇفتي ناۋرىزباي قاجى تاعانۇلىنىڭ جەتەكشىلىگىمەن يسلام ەنتسيكلوپەدياسى جارىق كورەدى. بۇل تۋرالى وسكەمەندە ءوتىپ جاتقان قمدب عۇلامالار كەڭەسىنىڭ ححح ماجىلىسىندە مالىم بولدى.

كەڭەس جۇمىسىنا قاتىسقان بەلگىلى عالىم، م.اۋەزوۆ اتىنداعى ادەبيەت جانە ونەر ينستيتۋتى ەجەلگى ءداۋىر ادەبيەتى جانە تۇركولوگيا ءبولىمىنىڭ مەڭگەرۋشىسى، فيلولوگيا عىلىمىنىڭ كانديداتى، دوتسەنت ءتورالى قىدىر يسلام ەنتسيكلوپەدياسىنىڭ مازمۇنى مەن تۇجىرىمداماسى جايلى بايانداپ ءوتتى.
«ەنتسيكلوپەديا الىپپەلىك كورسەتكىش بويىنشا ازىرلەنەدى. ءبىرىنشى تومعا يسلام تۋرالى ماقالا ەنگىزىلەدى. ءار تومعا 3500-گە جۋىق سوزدىك ەنەدى. ەڭبەككە تۇلعالار مەن جاعرافيالىق مالىمەتتەردىڭ سۋرەتى قوسا بەرىلەدى. ءار توم 560-640 بەتتەن تۇرادى. جيناقتالعان مالىمەتتەرگە قاراي يسلام ەنتسيكلوپەدياسى 4-5 توم بولادى» دەپ اتاپ ءوتتى ءتورالى قىدىر.

ماجىلىستە عۇلامالار تاراپىنان قۇندى ەڭبەككە قاتىستى ۇسىنىستار مەن پىكىرلەر ايتىلدى. باس ءمۇفتي ناۋرىزباي قاجى تاعانۇلى يسلام ەنتسيكلوپەدياسىن ساپالى شىعارۋ ءۇشىن ماڭىزدى مالىمەتتەردى جيناقتاۋ قاجەتتىگىن ايرىقشا اتاپ ءوتتى.

ايتا كەتسەك، يسلام ەنتسيكلوپەدياسىن شىعارۋ جۇمىسىنا ءشامشيدين كەرىم، مۇحان يساحان سىندى عالىمدار ۇلەس قوسپاق. باس ءمۇفتي مۇسىلمان جاماعاتى ءۇشىن ماڭىزدى بولاتىن ەڭبەكتىڭ ءبىرىنشى تومىن مۇمكىندىگىنشە جۋىق ارادا جازىپ شىعۋدى تاپسىردى.

Abai.kz