سەيسەنبى, 27 شىلدە 2021
1979 3 پىكىر 8 ماۋسىم, 2021 ساعات 14:33

باتىسقا جاۋاپ: وداقتىڭ كوميسسياسى نە دەيدى؟

ەۋرازيالىق ەكونوميكالىق وداقتىڭ كوميسسياcى رەسەي تاراپى ۇسىنعان ءۇشىنشى ەلدەرگە قارسى سانكتسيالار تۋرالى مالىمدەمە جاسادى. ەستەرىڭىزدە بولسا رەسەي بيلىگى "ەۋرازيالىق ەكونوميكالىق وداق ەلدەرى باتىستىق سانكتسيالارعا بىرلەسە جاۋاپ بەرۋى ءتيىس" دەگەن بولاتىن. 

ەەك الەمدەگى سانكتسيا الماسۋ قارقىنى ارتقانىن اتاپ ءوتىپ، ونىڭ وداققا مۇشە مەملەكەتتەر ءۇشىن دە ماڭىزدى ەكەنىن اتاپ ءوتتى. كوميسسيانىڭ اقپاراتى بويىنشا ەكونوميكالىق وداق ءوزارا بايلانىسىن ارتتىرىپ، ساۋدا قاتىناسىن ۇلعايتۋ ۇستىندە.

"سانكتسيالار جالپى جۇيەگە كەرى اسەر ەتەتىنى بەلگىلى. مىسالى ءبىر ەلدىڭ  وندىرىستىك كاسىپورنىنا كەرى اسەر ەتسە، بۇكىل سالا زارداپ شەگۋى مۇمكىن. ناتيجەسىندە بۇل بۇكىل وداقتىڭ مۇددەلەرىنە كەرى اسەر ەتەدى", - دەدى ەەك.

جوعارى ەۋرازيالىق ەكونوميكالىق كەڭەس پەن ەۋرازيالىق ۇكىمەتتەردىڭ قولدانىستاعى نۇسقاۋلىقتارىن ەسكەرە وتىرىپ، ەاەو مۇشە مەملەكەتتەرى  ءۇشىنشى ەلدەردىڭ كەرى اسەر ەتەتىن ارەكەتتەرىنە بىرلەسە جاۋاپ بەرۋ بويىنشا ءىس-قيمىلداردى تالقىلاۋ ءجۇرىپ جاتىر.

"ءبىز جەكەلەگەن مەملەكەتتەردىڭ سانكتسيالىق ساياساتى حالىقارالىق زاڭدارعا، ونىڭ ىشىندە بۇۇ جارعىسىنا قايشى كەلەدى دەپ سانايمىز. سوندىقتان، وداقتىڭ ەكونوميكالىق مۇددەلەرىن قورعاۋ ماقساتىندا بىرلەسە جاۋاپ شارالارىنا كەلىسىم جاساۋدى تالقىلاۋدى زاڭدى دەپ سانايمىز", - دەدى ەەك ساۋدا بلوگى.

بۇعان دەيىن قازاقستاننىڭ سىرتقى ىستەر مينيسترلىگى رەسپۋبليكادا باسقا مەملەكەتتەردىڭ سانكتسيالارىنا جاۋاپ رەتىندە وداق ەلدەرىنىڭ «شوعىرلاندىرىلعان شارالارى» بويىنشا كەلىسسوزدەر جۇرگىزىلمەيتىندىگىن اتاپ وتكەن بولاتىن.

Abai.kz

3 پىكىر