زاڭ جوباسىن پارلامەنت بەكىتسە، قازاقستان تاجىكستانعا اسكەري كومەك رەتىندە 3 ملن-نان استام قارۋ-جاراق بەرەدى.

قورعانىس مينيسترلىگىنىڭ حابارلاۋىنشا، بۇل كەلىسىمگە حالىقارالىق شارتتارعا سايكەس بيىل قول قويىلعان.

اسكەري تەحنيكالار جامبىل وبلىسىنىڭ وتار ستانتسياسىنداعى اسكەري اۋماقتان الىنىپ، تەمىر جول ارقىلى دۋشانبەنىڭ روحاتي ستانتسياسىنا جەتكىزىلمەك. كەلىسىمگە سايكەس اسكەري مۇلىكتەن سالىق الىنبايدى. تاجىكستان تاراپى شىعىندى ءوز جاۋاپكەرشىلىگىنە الادى.

دۋشانبە مەن استانا اراسىنداعى ديپلوماتيالىق قاتىناس 1993 جىلدىڭ 7 قاڭتارىنان باستالعان. ەكى ەل 2015 جىلى ستراتەگيالىق ارىپتەستىك جونىندەگى كەلىسىمگە قول قويعان.

19-20 مامىردا قازاقستان پرەزيدەنتى قاسىم-جومارت توقاەۆ رەسمي ساپارمەن تاجىكستانعا بارعان. وندا ەكى ەل پرەزيدەنتىنىڭ كەزدەسۋى بارىسىندا ساۋدا-ەكونوميكالىق قاتىناستى نىعايتۋ، ينۆەستيتسيا تارتۋ، كولىك-ترانزيت مۇمكىندىگىن ارتتىرۋ جونىندە كەلىسىمگە كەلگەن. سونىمەن بىرگە قازاقستاننان وقۋ ورىندارىن اشۋ جونىندە دە تالقىلاعان. دەلەگاتسيا مۇشەلەرى 6 قۇجاتقا قول قويعان. ول قۇجاتتاردىڭ اراسىندا اسكەري كومەك جونىندە كەلىسىم بولماعان.

Abai.kz