سەيسەنبى, 21 قىركۇيەك 2021
1742 1 پىكىر 15 ماۋسىم, 2021 ساعات 12:09

سوت جانبولات مامايدىڭ ءفيلمىن ءوشىرۋدى مىندەتتەدى

الماتى سوتى قالانىڭ بۇرىنعى اكىمى، «نۇر وتان» پارتياسى توراعاسىنىڭ ءبىرىنشى ورىنباسارى باۋىرجان بايبەكتىڭ ساياساتكەر جانبولات مامايعا قارسى شاعىمىن قاناعاتتاندىردى.

«سوت شەشىمى بويىنشا: بايبەك باۋىرجان قادىرعاليۇلىنىڭ ماماي جانبولات پەن يمانباەۆا ينگاعا قاتىستى ار-نامىس، قادىر-قاسيەت پەن ىسكەرلىك بەدەلدى قورعاۋ تۋرالى تالاپ ارىزى قاناعاتتاندىرىلسىن»، - دەدى سۋديا رايحان سارتاەۆا.

ول جانبولات ماماي مەن ينگا يمانباي تۇسىرگەن فيلم جانە الەۋمەتتىك جەلىلەردەگى جازبالار «بايبەك باۋىرجان قادىراليۇلىنىڭ ابىرويىن، قادىر-قاسيەتى مەن ىسكەرلىك بەدەلىن تۇسىرەدى ءارى شىندىققا جاناسپايدى» دەپ تانىدى.

سونىمەن قاتار، سۋديا ج.ماماي مەن ي.يمانبايدى بۇل اقپاراتتى جوققا شىعارۋعا جانە ورنالاستىرىلعان ماتەريالداردى الەۋمەتتىك جەلىلەردەن جانە بەينەحوستينگتەن 10 كۇن ىشىندە الىپ تاستاۋعا مىندەتتەدى.

بۇعان دەيىن ادۆوكات ايجان تاشەنوۆا ب.بايبەكتىڭ مۇددەسىن قورعاپ، الماتى قالاسى اۋەزوۆ اۋدانىنىڭ No2 اۋداندىق سوتىنا ارىز تۇسىرگەن. ال، ينگا يمانباي سوت ىسىنە تۇسىنىكتەمە بەرىپ، ولۋگە دايىن ەكەنىن، بىراق سوزىنەن باس تارتپايتىنىن باسا ايتقان.

جانە، ج.ماماي مەن ي. يمانباي بايبەكتەن سوتقا ونىڭ جەكە قاتىسۋىن تالاپ ەتتى. ال، 3 ماۋسىم كۇنى جانبولات ماماي ەكس-اكىمنىڭ قارىنداسى ايگۇل بايبەكتىڭ ءدال سونداي فيلم ءتۇسىرۋ ءۇشىن جالپى سوماسى 425 ميلليونعا ەكى مەملەكەتتىك كەلىسىمشارت العانىن مالىمدەگەن.

Abai.kz

1 پىكىر