جۇما, 17 قىركۇيەك 2021
بيلىك 4637 3 پىكىر 15 ماۋسىم, 2021 ساعات 13:31

توقاەۆتىڭ تاپسىرماسى: ەكى اكىم قىزمەتىنەن بوساتىلدى

پرەزيدەنت قاسىم-جومارت توقاەۆتىڭ تاپسىرماسى بويىنشا سولتۇستىك قازاقستان وبلىسىندا جۇرگىزىلگەن تەكسەرىستەن كەيىن ەكى اۋداننىڭ اكىمى قىزمەتىنەن بوساتىلدى. بۇل تۋرالى مەملەكەت باسشىسىنىڭ ءباسپاسوز حاتشىسى بەرىك ءۋالي مالىمدەدى. 

ءباسپاسوز حاتشىسىنىڭ ايتۋىنشا، 24 مامىردا "كازاحستانسكايا پراۆدا" گازەتىندە جاريالانعان "زالوجنيكي راۆنودۋشيا" اتتى ماقالادا سولتۇستىك قازاقستان وبلىسىنا وڭتۇستىك وڭىرلەردەن كوشىپ كەلۋشىلەرگە ارناپ سالىنعان تۇرعىن ءۇي ساپاسىنىڭ ناشارلىعى تۋرالى ءسوز بولعان. سوعان بايلانىستى توقاەۆ تەكسەرۋ جۇرگىزۋدى تاپسىرعان بولاتىن.

"جۇرگىزىلگەن تەكسەرۋلەر قورىتىندىسى بويىنشا ماقالادا كەلتىرىلگەن دەرەكتەر راستالدى. ۇكىمەت پەن وبلىس اكىمدىگى كەمشىلىكتەردى جويۋ جۇمىسىمەن اينالىسىپ جاتىر. بۇل باعىتتاعى ۇيىمداستىرۋ جۇمىستارىندا ولقىلىقتارعا جول بەرگەنى ءۇشىن سولتۇستىك قازاقستان وبلىسى ايىرتاۋ جانە ەسىل اۋداندارىنىڭ اكىمى قىزمەتىنەن بوساتىلدى", - دەدى بەرىك ءۋالي Facebook-تە.

Abai.kz

3 پىكىر