اق ءۇي اقش پرەزيدەنتى دجو بايدەننىڭ رەسەي باسشىسى ۆلاديمير پۋتينمەن كەزدەسۋى قانشادا باستالاتىنىن ايتتى، - دەپ حابارلايدى Tengrinews.kz.

اقش پەن رەسەي پرەزيدەنتتەرىنىڭ جەنەۆاداعى كەزدەسۋى 16 ماۋسىمدا جەرگىلىكتى ۋاقىت بويىنشا 13.35-تە (نۇر-سۇلتان ۋاقىتىمەن 17.35-تە) باستالادى دەپ حابارلاندى. كەزدەسۋ باستالاردان 10 مينۋت بۇرىن بايدەن پۋتينمەن جانە شۆەيتساريا پرەزيدەنتى گي پارمەلەنمەن سۋرەتكە تۇسەدى.

دەلەگاتسيالار قاتىساتىن بايدەن مەن ءپۋتيننىڭ كەڭەيتىلگەن كەزدەسۋى نۇر-سۇلتان ۋاقىتىمەن 18.55-تە باستالادى، ال 20.40-تا وسى كەزدەسۋدىڭ ەكىنشى كەزەڭى وتەدى.

اق ءۇي مالىمەتىنشە، بايدەن پۋتينمەن كەزدەسۋدەن كەيىن ءباسپاسوز ءماسليحاتىن وتكىزەدى.

Abai.kz