جۇما, 29 ناۋرىز 2024
4527 7 پىكىر 17 ماۋسىم, 2021 ساعات 16:40

جەنەۆاداعى كەزدەسۋ: قالاي ءوتتى، نە ايتىلدى؟

16-ماۋسىم كۇنى پۋتين مەن بايدەننىڭ كەزدەسۋى ءوتتى. كۇللى الەم كوز تىككەن كەزدەسۋ شۆەيتساريانىڭ جەنەۆاسىندا ءوتتى. باستى سۇراق بايدەن حالىقارالىق قاعيدالاردىڭ بارلىعىن بۇزىپ، قالىپتاسقان گەوساياسي ويىن ەرەجەلەرىن ەسكەرمەستەن الەمدىك قاۋىپسىزدىككە تۇتاس قاۋىپ ءتوندىرىپ وتىرعان پۋتينمەن قاي تىلدە، قانداي ەكپىندە سويلەسەدى دەگەن نەگىزدە بولدى.

جەنەۆانىڭ باستى كوشەسىندە رەسەي ديپلوماتتارىنىڭ ءوتۋ مارشرۋتىنا ساي ارنايى ساياسي ۇرانى بار سوزدەر ءىلىندى. وندا ناۆالنىيعا قاتىستى سوزدەر جازىلعان. "ناۆالنىيدى نوۆيچوكپەن ۋلادى. وسى كۇنگە دەيىن ءالى زەرتتەۋ جۇرگىزىلمەدى. قالايشا، پرەزيدەنت پۋتين؟" دەگەن ءۇش سويلەمدى ءۇش باننەرگە ءبولىپ، جەنەۆانىڭ قاق ورتاسىنا ساياسي بەلسەندىلەر ورنالاستىرعان.

ناۆالنىي وتراۆلەن نوۆيچكوم»: ۆ جەنەۆە پوستاۆيلي بيلبوردى ك پريەزدۋ پۋتينا ▻ پوسلەدنيە نوۆوستي

بايدەننىڭ ۇشاعى شۆەيتسارياعا 15 ماۋسىم كۇنى كەلىپ جەتتى. ءدال وسى ۋاقىتتا رەسەيلىك دەلەگاتسيانىڭ ءبىر بولىگى دە جەنەۆا اسپانىندا بولاتىن. الايدا اۋەجاي بايدەن ۇشاعىن قابىلداپ جاتقاندىقتان، رەسەيلىك دەلەگاتسياعا ءبىر ساعات اينالىپ ۇشا تۇرۋعا كەڭەس بەردى. بۇل ارەكەتتى رەسەي ساراپشىلارى "كەمسىتۋ جانە قاساقانا ويلاستىرىلعان" دەپ قابىلدادى.

كەزدەسۋ جەنەۆاداعى لا-گرانج ۆيللاسىندا ءوتتى. الدىن-الا كەلىسىلگەن حاتتاما بويىنشا رەسەي مەن اقش پرەزيدەنتتەرىن شۆەيتساريا پرەزيدەنتى كۇتىپ الدى. حاتتاماعا ساي ءبىرىنشى رەسەي پرەزيدەنتى كەلدى. اراعا 15 مينۋت سالىپ اقش باسشىسىنىڭ كولىگى لا-گرانج ۆيللاسىنا كەلىپ جەتتى. ادەتتەگىدەي شۆەيتساريا باسشىسى گي پارمەلەن بايدەندى كۇتىپ الدى. حاتتاماعا ساي رەسەي، اقش، شۆەيتساريا باسشىلارى بىرلەسكەن سۋرەتكە ءتۇسىپ، ەكى ەل باسشىسىنىڭ جابىق فورماتتاعى كەزدەسۋى باستالدى.

پۋتين مەن بايدەن ورتاق پرەسس-كونفەرەنتسيا وتكىزبەدى. سەبەبى ۆاشينگتون ونى قاجەت دەپ تاپپاعان بولاتىن. كەزدەسۋ جوسپارلانعان ۋاقىتتان 1 ساعات بۇرىن اياقتالدى. ەكى ەل باسشىسى قىسقا فورماتتى كەزدەسۋدەن كەيىن، كەڭەيتىلگەن فورماتتا كەزدەسۋ وتكىزدى. قىسقا فورمات لا-گرانج ۆيللاسىنىڭ كىتاپحاناسىندا ۇيىمداستىرىلدى. وعان التى ادام، ەكى اۋدارماشى جانە رەسەي تاراپىنان پۋتين مەن لاۆروۆ، اقش-تان بايدەن مەن بلينكين قاتىستى.

گوسۋدارستۆەننىي سەكرەتار سشا ەنتوني بلينكەن، پرەزيدەنت سشا دجو بايدەن، پرەزيدەنت رف ۆلاديمير پۋتين ي مينيستر ينوستراننىح دەل رف سەرگەي لاۆروۆ ۆو ۆرەميا ۆسترەچي ۆ رامكاح روسسيسكو-امەريكانسكوگو سامميتا نا ۆيللە لا-گرانج ميحايل مەتتسەل/تاسس

جۋرناليستەر كەزدەسۋ الدىندا بايدەننەن "پۋتينگە سەنەسىز بە" دەپ ايعايلاپ سۇراعان ەدى. سەبەبى ارنايى جۋرناليستەردى ۆيللانىڭ كەزدەسۋ وتەتىن بولىمىنە كىرگىزبەگەن بولاتىن. اتالمىش سۇراققا بايدەن باس يزەپ جاۋاپ قاتقانداي بولدى. الايدا "اق ءۇيدىڭ" بايلانىس بويىنشا باسشىسى كەيت بەدينگفيلد بايدەن سۇراققا باس يزەپ، جاۋاپ قاتپاعانىن جەتكىزىپ وتىر. بۇل بويىنشا ول: "ول جەردە جۋرناليستەر ىشكە كىرگىسى كەلىپ، ءبىر-ءبىرىن يتەرىپ جاتتى. اقش باسشىسى ءتۇرلى قويىلىپ جاتقان سۇراقتاردىڭ بىرىنە دە جاۋاپ قاتپادى، ول جۋرناليستەرگە ريزا ەكەنىن ءبىلدىرۋ ماقساتىندا باسىن يزەدى. ول ەكى كۇن بۇرىن كونفەرەنتسيادا جاۋاپ بەرىپ تاستاعان. الدىمەن تەكسەرۋ، ارتىنشا سەنۋ فورماتىن ۇستاناتىنىن ايتقان بولاتىن", - دەپ جازدى ول تۆيتتەر پاراقشاسىنا.

جابىق فورماتتاعى كەزدەسۋدەن كەيىن كەڭەيتىلگەن فورماتتاعى كەزدەسۋ جالعاسىن تاپتى. جالپى جيىنتىعى ەكى ەل باسشىسىنىڭ كەزدەسۋى 3.5 ساعاتقا سوزىلدى. ساراپشىلار كەمى 5 ساعاتتىق كەزدەسۋ بولادى دەپ بولجاعان ەدى، الايدا ولاي بولمادى. كەڭەيتىلگەن فورماتتاعى كەزدەسۋدەگى العاشقى جاريالانعان رەسمي سۋرەتكە قاراپ، ساراپشىلار ونىڭ اۋىر سيپاتتا ءوتىپ جاتقانىن جەتكىزدى.

پرەزيدەنت سشا دجو بايدەن (سلەۆا) ي پرەزيدەنت روسسي ۆلاديمير پۋتين (ۆتوروي سپراۆا) ۆو ۆرەميا روسسيسكو-امەريكانسكيح پەرەگوۆوروۆ ۆ راسشيرەننوم سوستاۆە نا ۆيللە لا-گرانج ميحايل مەتتسەل/تاسس

رەسمي كەزدەسۋ بارىسى تولىق كورسەتىلمەدى. حاتتاماعا ساي ەكى ەل باسشىسى وڭاشا نەگىزدە جۋرناليستەردىڭ سۇراقتارىنا جاۋاپ بەردى. ءبىرىنشى بولىپ پۋتين جۋرناليستەردىڭ الدىندا ءسوز سويلەدى.

ءپۋتيننىڭ جاۋابى سول ەسكى سارىندا بولدى. "رەسەيدەگى ادام قۇقىعىن ايتپاس بۇرىن، اقش-تا كۇن سايىن ادام ءولىپ جاتقانىن نەگە ايتپايسىڭدار" دەگەندەي ءسوز ايتتى. ۋكراينا بويىنشا "مينسك كەلىسىمى" باسشىلىققا الىنۋى ءتيىس، ناۆالنىي ءىسى بويىنشا ايتار بولسام ول قىلمىس جاسادى، ءبىز كيبەرشابۋىل جاسامادىق" دەگەن سول بۇرىنعى انىنە باستى.

بايدەن پرەسس-كونفەرەنتسياسىنا رەسەيلىك جۋرناليستەردى قاتىستىرمادى. بايدەننىڭ جاۋابى دا وزىندىك پوزيتسيادان ايتىلدى. ەڭ ەرەكشەلىگى "رەسەي مەن اقش يراننىڭ يادرولىق قارۋدى يەمدەنبەۋى جولىندا بىرلەسە جۇمىس جاسايدى" دەپ مالىمدەدى. رەسەي تاراپى بۇل مالىمدەمەگە قاتىستى ناقتى جاۋاپ بەرمەدى. الايدا بۇل راس بولسا، وندا رەسەي ءوزىنىڭ ءبىر بەيرەسمي سيريا ماسەلەسى بويىنشا وداقتاسىن جوعالتىپ الدى دەگەن ءسوز. بۇل ماسكەۋدىڭ كەلىسسوز باسىنداعى ەڭ ۇلكەن جەڭىلىسى بولار.

ەكى ەل باسشىسىنىڭ كەزدەسۋى ايتارلىقتاي جاڭالىققا تولى بولمادى. بۇرىنعى اۋەن. بۇل كەزدەسۋ ماسەلەلەردى رەتتەۋ ەمەس، قوس باسشىنىڭ ءبىر-ءبىرىنىڭ تامىرىن باسىپ كورۋ بولسا كەرەك. باستى ناتيجە رەتىندە ەكى عانا ناقتى قادامدى اتاساق بولادى. ول رەسەي-اقش ديپلوماتتارىنىڭ جۇمىس ورىندارىنا قايتا ورالاتىندىعى جانە يادرولىق سوعىس بولماۋ ماقساتىنداعى كەلىسسوزدەردى جاقسارتۋعا نەگىزدەلگەن ورتاق قۇجاتقا قول قويۋ. بولدى.

بايدەن "اقش ورالدى" ۇرانىن ۇستانۋدا. سول ماقساتتا ول رەسەي باسشىسىمەن كەزدەسپەس بۇرىن "ۇلكەن جەتىلىكپەن" كەزدەسىپ، ناتو ەلدەرىنىڭ باسشىلارىمەن كەلىسسوزدەر وتكىزدى. ەۋروپا بويىنشا ۇلكەن تۋر جاسادى. سوندىقتان رەسەي باسشىسىمەن كەزدەسۋدە نە ايتاتىنى، قاي پوزيتسيانى قاتاڭ ۇستايتىنى الدىن-الا ناقتىلانىپ قويعان. پوزيتسيا ايقىن: رەسەيدىڭ حالىقارالىق ويىن ەرەجەسىن بۇزۋىنا ەندى اقش كونبەيدى، ەركەلىگىن كوتەرمەيدى.

كا مىرزا

Abai.kz

7 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2277
عيبىرات

قايسار رۋحتى عازيز جان

مۇحتار قۇل-مۇحاممەد 3596