سەنبى, 31 شىلدە 2021
1501 2 پىكىر 18 ماۋسىم, 2021 ساعات 12:11

2 ترلن تەڭگەنى تەرميتتەر جەگەن بە؟

الەۋمەتتىك جەلىلەردە ۇلتتىق بانك قورىنداعى 2 ترلن تەڭگەنى تەرميتتەر جەپ قويعان دەگەن حابارلاما جاپپاي تاراۋدا. الايدا بۇل اقپارات شىندىققا جاناسپايدى دەيدى قۇزىرلى ورگاندار. 

StopFake اقپاراتتى تەكسەرۋ پورتالى تارالعان جاڭالىقتىڭ جالعان ەكەنىن مالىمدەدى. اتالمىش اقپاراتتى قالجىڭ نەگىزىندە كونتەنت جاسايتىن qazinform24 پاراقشاسى ينستاگرام وقىرماندارى ءۇشىن جاساعانى انىقتالدى. پاراقشا ساركازم تۇرعىسىنان ماقالا جازىپ، تەك كوڭىل كوتەرۋ نەگىزىندە قۇرىلعانى بەلگىلى بولدى. ول تۋرالى پاراقشانىڭ انىقتاما بولىمىندە جازىلعان. پاراقشادا جاريالانعان ءازىل اقپاراتتاردى حالىقتىڭ شىن قابىلداپ تۇرعانى ءبىرىنشى رەت ەمەس. بۇعان دەيىن پاراقورلىقتى زاڭداستىرۋ، ءامىرجان قوسانوۆتىڭ قاسكەلەڭ اكىمى بولۋى ءۇشىن سايلاۋعا ءتۇسۋ سىندى ازىلدەرىن ەل حالقى شىنايى قابىلداعان بولاتىن.

Abai.kz

 

2 پىكىر