تىلدىك ديسكريميناتسيا جاعدايىندا ءسىز بەينە ءتۇسىرىلىم جاساعانىڭ ءجون، سودان كەيىن تىلدەردى دامىتۋ باسقارماسىنا (نەمەسە كوميتەتىنە), تۇتىنۋشىلاردىڭ قۇقىقتارىن قورعاۋ باسقارماسىنا، ءتيىستى مينيسترلىككە، قر ساۋدا جانە ينتەگراتسيا مينيسترلىگىڭ تۇتىنۋشىلاردىڭ قۇقىقتارىن قورعاۋ كوميتەتىنە، اكىمشىلىكتىڭ ىشكى ساياسات بولىمىنە شاعىم جىبەرۋىڭىز كەرەك، قازاقستاندىق بۇقارالىق اقپارات قۇرالدارىنا، قاجەت بولعان جاعدايدا، سول جەردە پوليتسيا شاقىرۋ قاجەت، ىشكى ىستەر باسقارماسىنا، دەپارتامەنتىنە، پروكۋراتۋراعا شاعىمدانۋ كەرەك. مەنىڭ ەل. ادرەسىمە سمايليك جىبەرىڭىزشى، سىزگە ارىزداردىڭ ۇلگىلەرىن جىبەرەيىن.

تۇتىنۋشىلاردىڭ قۇقىقتارىن قورعاۋ تۋرالى قازاقستان رەسپۋبليكاسىنىڭ 2010 جىلعى 4 مامىرداعى № 274-IV زاڭى.

http://adilet.zan.kz/kaz/docs/Z100000274_

24-باپ. ساتۋشىنىڭ (دايىنداۋشىنىڭ، ورىنداۋشىنىڭ) مىندەتتەرى

ساتۋشى (دايىنداۋشى، ورىنداۋشى):

1 باپ: «تاۋار (جۇمىس، كورسەتىلەتىن قىزمەت) تۋرالى، سونداي-اق ساتۋشى (دايىنداۋشى، ورىنداۋشى) تۋرالى قازاق جانە ورىس تىلدەرىندە اقپارات بەرۋگە مىندەتتى.»

12 باپ: « قازاقستان رەسپۋبليكاسىنىڭ زاڭناماسىندا كوزدەلگەن جاعدايلاردى قوسپاعاندا، ساتۋشىعا (دايىنداۋشىعا، ورىنداۋشىعا) فوتو-, بەينەتۇسىرىلىمدى قولدانۋعا قاتىستى تۇتىنۋشىلاردىڭ قۇقىقتارىن شەكتەۋگە تىيىم سالىنادى.»

اكىمشىلىك قۇقىق بۇزۋشىلىق تۋرالى قر كودەكسى 2014 جىلعى 5 شىلدەدەگى № 235-V قرز.

https://adilet.zan.kz/kaz/docs/K1400000235

75-باپ. قازاقستان رەسپۋبليكاسىنىڭ تiل تۋرالى زاڭناماسىن بۇزعانى ءۇشiن جاۋاپتىلىق

1. لاۋازىمدى ادامنىڭ تiل بiلمەۋىن ءۋاج ەتىپ جەكە جانە زاڭدى تۇلعالاردىڭ قۇجاتتارىن، وتىنىشتەرىن قابىلداۋدان باس تارتۋى، سونداي-اق ولاردى ءمانi بويىنشا قاراماۋى – ەسكەرتۋ جاساۋعا نەمەسە ون ايلىق ەسەپتiك كورسەتكiش مولشەرiندە ايىپپۇل سالۋعا اكەپ سوعادى.

2. وسى باپتىڭ ءبىرىنشى بولiگiندە كوزدەلگەن، اكiمشiلiك جازا قولدانىلعاننان كەيiن ءبىر جىل ىشىندە قايتالاپ جاسالعان ارەكەتتەر – جيىرما ايلىق ەسەپتiك كورسەتكiش مولشەرiندە ايىپپۇل سالۋعا اكەپ سوعادى.

3. دەرەكتەمەلەر مەن كورنەكi اقپاراتتى ورنالاستىرۋ جونiندەگi تالاپتاردى بۇزۋ –ەسكەرتۋ جاساۋعا اكەپ سوعادى.

4. وسى باپتىڭ ءۇشىنشى بولiگiندە كوزدەلگەن، اكiمشiلiك جازا قولدانىلعاننان كەيiن ءبىر جىل ىشىندە قايتالاپ جاسالعان ارەكەت – لاۋازىمدى ادامدارعا، شاعىن كاسiپكەرلiك سۋبەكتiلەرiنە نەمەسە كوممەرتسيالىق ەمەس ۇيىمدارعا – بەس، ورتا كاسiپكەرلiك سۋبەكتiلەرiنە – ون، iرi كاسiپكەرلiك سۋبەكتiلەرiنە جيىرما بەس ايلىق ەسەپتiك كورسەتكiش مولشەرiندە ايىپپۇل سالۋعا اكەپ سوعادى.

5. جەكە تۇلعالاردىڭ تiل تاڭداۋ قۇقىقتارىن شەكتەۋ، تiلدىك بەلگىلەرى بويىنشا كەمسiتۋ –

لاۋازىمدى ادامدارعا ون ايلىق ەسەپتiك كورسەتكiش مولشەرiندە ايىپپۇل سالۋعا اكەپ سوعادى.

6. وسى باپتىڭ بەسiنشi بولiگiندە كوزدەلگەن، اكiمشiلiك جازا قولدانىلعاننان كەيiن ءبىر جىل ىشىندە قايتالاپ جاسالعان ارەكەتتەر – جيىرما ايلىق ەسەپتiك كورسەتكiش مولشەرiندە ايىپپۇل سالۋعا اكەپ سوعادى.

جۇلدىزاي فورتتىڭ جازباسى

Abai.kz