رەسەي وداقتاستارىن اۋعانستاننان كەلەتىن قءاۋىپ-قاتەردەن قورعاۋ ءۇءشىن بارلىق ءارەكەتتەردى ىسكە قوسادى. وسىلاي دەپ ءولكەنىڭ سىرتقى ىستەر ءمينيسترى سەرگەي لاۆروۆ تءاجىك-اۋعان شەكاراسىنداعى جاعداي تۋرالى پىكىرىن بىلدىرگەن كەزدە ايتتى.

ء"بىزدىڭ وداقتاستارىمىزعا تونەتىن قانداي دا ءبىر اگرەسسيۆتى قادامدار بولسا، بارلىق ارەكەتتەرىمىزبەن كومەكتەسۋگە دايىنبىز، ونىڭ ىشىندە تاجىك-اۋعان شەكاراسىن قورعاۋدا رەسەيلىك اسكەري بازانى قولدانامىز", - دەدى لاۆروۆ.

لاۆروۆتىڭ سوزىنشە، ءبىر كۇن بۇرىن تاجىك-اۋعان شەكاراسىنا بارعان ۇجىمدىق قاۋىپسىزدىك جونىندەگى كەلىسىم ۇيىمىنىڭ (ۇقكۇ) حاتشىلىعى وكىلدەرى ونداعى جاعدايعا باعا بەرىپ، مالىمەت بەردى.

6 شىلدەدە ۇقكۇ بىرلەسكەن شتابىنىڭ باسشىسى، گەنەرال-پولكوۆنيك اناتولي سيدوروۆ شاعىن توپپەن تاجىك-اۋعان شەكاراسىنداعى جاعدايدى باعالاۋ ءۇشىن تاجىكستانعا بارعان.

وسىعان دەيىن "ريا نوۆوستي" اگەنتتىگى تاجىك ۇلتتىق قاۋىپسىزدىك قىزمەتىندەگى دەرەككوزدەرىنە سىلتەمە جاساپ، تالىبتەر تاجىكستانمەن شەكتەسەتىن 1430 شاقىرىم جەردىڭ 70% استامىن باسىپ العانىن جازعان.

تاجىك پرەزيدەنتى شەكارانى قورعاۋ ءۇشىن قوسىمشا 20 مىڭ اسكەردى جۇمىلدىرۋدى تاپسىرعان.

Abai.kz