كوپۇلتتى رەسەي قازىرگى مەملەكەتتىك ساياساتقا توتەپ بەرە الماي، اقىرىندا ىدىراپ تىنادى. بۇل تۋرالى ۋكراينانىڭ ۇلتتىق قاۋىپسىزدىك جانە قورعانىس كەڭەسىنىڭ حاتشىسى الەكسەي دانيلوۆ ايتتى.

الەكسەي دانيلوۆ رەسەي بيلىگى قازىرگى جاعدايدا ىشكى پروبلەمالاردى جەڭە المايتىنىنا، ناتيجەسىندە مەملەكەتتىڭ كۇيرەپ تىناتىنىنا سەنىمدى.

«رەسەي قازىرگى جاعدايدى ساقتاپ تۇرا المايدى. ول ىدىراپ تىنادى. ولار قازىر جالعىز ادام تۋرالى عانا ايتادى. مىسالى، شەشەن حالقى. ولار ورىس بولمايدى. سول سەكىلدى، يچكەريا نەمەسە تاتارستان دا بولەك بولادى»، - دەيدى دانيلوۆ.

دانيلوۆ ءوز پىكىرىن رەسەي كوپ ۇلتتى مەملەكەت ەكەندىگىمەن، الايدا ونداعى بارلىق حالىقتار ءبىر-بىرىنەن بولەك ءومىر ءسۇرىپ جاتقاندىعىمەن جانە ولاردىڭ ارقايسىسى تاۋەلسىز بولۋى كەرەكتىگىمەن تۇسىندىرگەن.

سونداي-اق، ۋكراينا ۇلتتىق قاۋىپسىزدىك جانە قورعانىس كەڭەسىنىڭ حاتشىسى كرەملدىڭ ۋادەلەرىنە قاراماستان، ۋكراينا مەن رەسەي پرەزيدەنتتەرى دونباستا، مۇمكىن ءتىپتى قىرىمدا كەلىسسوزدەر جۇرگىزۋى مۇمكىن ەكەنىن ايتىپتى. «مەنىڭ ويىمشا، كەلىسسوزدەر بولادى. ءارى قاراي دا قادامدار جاسالۋى ءتيىس»، - دەپتى دانيلوۆ.

دانيلوۆ رەسەيگە قاتىستى مۇنداي مالىمدەمەلەردى العاش رەت ايتىپ وتىرعان جوق. 2020 جىلى دا رەسەيدىڭ ىدىراۋى تۋرالى مالىمدەمە جاساعان.

«قازىرگى رەسەي ءبىر كەزدەرى قارۋدىڭ كۇشىمەن توپتاستىرىلعان جاساندى قۇرىلىم. ونىڭ ەرتە مە، كەش پە ىدىراپ تىنادى ايدان انىق. ءبىز رەسەيدىڭ ىدىراۋى بىردەن بولا قويمايتىنىن ءتۇسىنۋىمىز كەرەك. بىراق، ول پروتسەسس ءبىزدىڭ كوزىمىزدىڭ تىرىسىندە-اق بولاتىنى انىق!»، - دەگەن ول كەزدە.

تاقىرىپقا تۇزدىق رەتىندە، ساياساتتانۋشىلار شەشەنستان پرەزيدەنتى رامزان قادىروۆتىڭ كۇشەيىپ كەلە جاتقانىن ايتادى. «سوڭعى جىلدارى قادىروۆ ءوز شارتتارىن جاسىرىن تۇردە ماسكەۋگە ورىنداتىپ كەلەدى. سونداي-اق، ول رەسەي اتىنان باتىسقا ايبات شەگىپ، يسلامنىڭ بارلىق سىنشىلارىن رەپرەسسيامەن قورقىتۋدا»، - دەيدى ساراپشىلار.

كەرىمسال جۇباتقانوۆ،

قازاق-ورىس حالىقارالىق ۋنيۆەرسيتەتىنىڭ دوتسەنتى، تاريح عىلىمدارىنىڭ كانديداتى

Abai.kz