استانا. 28 مامىر. قازاقپارات - جاڭاوزەن قالاسىنىڭ بۇرىنعى اكىمى جالعاس باباحانوۆ قىلمىستىڭ 6 ءتۇرلى كورىنىسى بويىنشا ايىپتالۋدا.

بۇل تۋرالى بۇگىن ماڭعىستاۋ وبلىسى مەن جاڭاوزەن قالاسىنىڭ لاۋازىمدى تۇلعالارىنا قاتىستى قىلمىستىق ىستەر بويىنشا استاناعى بريفينگتە قر ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگىنىڭ (قارجى پوليتسياسىنىڭ) رەسمي وكىلى مۇرات جۇمانباي ءمالىم ەتتى.

«جاڭاوزەن قالاسىنىڭ تاعى ءبىر بۇرىنعى اكىمى جالعاس باباحانوۆقا قاتىستى قىلمىستىق ءىستىڭ تەرگەۋى اياقتالدى. ول قىزمەتتىك وكىلەتتىگىن تەرىس پايدالانۋدىڭ 6 ءتۇرلى كورىنىسى بويىنشا ايىپتالۋدا»، - دەدى رەسمي وكىل.

تەرگەۋمەن انىقتالعانداي، 2005 جىلدان باستاپ جىل سايىن «قازمۇنايگاز» بارلاۋ ءوندىرۋ» اق، جاڭاوزەن قالاسى اكىمىنىڭ اپپاراتى جانە «جاناشىر» تۇرعىنداردى الەۋمەتتىك قورعاۋ جانە قولداۋ قورى اراسىندا دەمەۋشىلىك كومەك كورسەتۋ جونىندە كەلىسىمشارتتار جاسالىپ وتىرعان. ولاردىڭ نەگىزىندە «قازمۇنايگاز» بارلاۋ ءوندىرۋ» اق جاڭاوزەن قالاسىنىڭ الەۋمەتتىك ينفراقۇرىلىمىنىڭ دامۋىنا قاجەتتى قاراجاتتاردى ءبولىپ وتىرعان.

استانا. 28 مامىر. قازاقپارات - جاڭاوزەن قالاسىنىڭ بۇرىنعى اكىمى جالعاس باباحانوۆ قىلمىستىڭ 6 ءتۇرلى كورىنىسى بويىنشا ايىپتالۋدا.

بۇل تۋرالى بۇگىن ماڭعىستاۋ وبلىسى مەن جاڭاوزەن قالاسىنىڭ لاۋازىمدى تۇلعالارىنا قاتىستى قىلمىستىق ىستەر بويىنشا استاناعى بريفينگتە قر ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگىنىڭ (قارجى پوليتسياسىنىڭ) رەسمي وكىلى مۇرات جۇمانباي ءمالىم ەتتى.

«جاڭاوزەن قالاسىنىڭ تاعى ءبىر بۇرىنعى اكىمى جالعاس باباحانوۆقا قاتىستى قىلمىستىق ءىستىڭ تەرگەۋى اياقتالدى. ول قىزمەتتىك وكىلەتتىگىن تەرىس پايدالانۋدىڭ 6 ءتۇرلى كورىنىسى بويىنشا ايىپتالۋدا»، - دەدى رەسمي وكىل.

تەرگەۋمەن انىقتالعانداي، 2005 جىلدان باستاپ جىل سايىن «قازمۇنايگاز» بارلاۋ ءوندىرۋ» اق، جاڭاوزەن قالاسى اكىمىنىڭ اپپاراتى جانە «جاناشىر» تۇرعىنداردى الەۋمەتتىك قورعاۋ جانە قولداۋ قورى اراسىندا دەمەۋشىلىك كومەك كورسەتۋ جونىندە كەلىسىمشارتتار جاسالىپ وتىرعان. ولاردىڭ نەگىزىندە «قازمۇنايگاز» بارلاۋ ءوندىرۋ» اق جاڭاوزەن قالاسىنىڭ الەۋمەتتىك ينفراقۇرىلىمىنىڭ دامۋىنا قاجەتتى قاراجاتتاردى ءبولىپ وتىرعان.

«كەلىسىمشارتتاردىڭ تالاپتارىنا سايكەس، ءبولىنىپ وتىرعان قاراجات ينجەنەرلىك جۇيەلەردى قايتا قۇرۋ جانە دامىتۋعا، جاعدايى تومەن جانۇيالارعا، مۇگەدەكتەر، زەينەتكەرلەر، ۇلى وتان سوعىسىنىڭ قاتىسۋشىلارى، تۋبەركۋلەزبەن اۋىراتىن جانە الەۋمەتتىك جاعىنان قورعالماعان باسقا دا تۇرعىندارعا الەۋمەتتىك قولداۋ جانە قورعاۋعا، وعان قوسا قۇقىق قورعاۋ ورگاندارىن تەحنيكالىق قامتاماسىز ەتۋگە جانە تاعى باسقا ماقساتتارعا باعىتتالۋى ءتيىس ەدى. الايدا باباحانوۆتىڭ تىكەلەي نۇسقاۋىمەن ءبولىنىپ وتىرعان اقشانىڭ ءبىر بولىگى ماقساتسىز جۇمسالعان»، -دەيدى م. جۇمانباي.

ج. باباحانوۆ ءوزىنىڭ قىزمەتتىك جاعدايىن پايدالانا وتىرىپ، «جاناشىر» قورىنىڭ باسشىلىعىنا جەكە كاسىپكەرگە ونىڭ ساۋدا ورنىن دەمونتاجداۋ ءۇشىن 4 ملن. تەڭگەنى اۋدارۋعا  جانە الەۋمەتتىك جاعدايى تومەن ازاماتتاردىڭ قاتارىنا جاتپايتىن جاڭاوزەن قالاسى اكىمشىلىگىنىڭ قىزمەتكەرىنە 6 ملن. تەڭگە تۇراتىن پاتەردى ساتىپ الۋ تۋرالى نۇسقاۋ بەرگەن دەگەن ايىپ تاعىلۋدا.

باباحانوۆ «جاناشىر» قورىنىڭ باسشىلىعىنا قۇقىق قورعاۋ ورگاندارىن تەحنيكالىق قامتاماسىز ەتۋگە بولىنگەن اقشادان قوردىڭ قاجەتتىگىنە 2,6 ملن. تەڭگە تۇراتىن اۆتوكولىكتى جانە كەڭسەگە پايدالانۋعا 4,1 ملن. تەڭگە تۇراتىن پاتەردى ساتىپ الۋعا، وعان قوسا قالانىڭ اكىمدىگىنە «جوسپارلانباعان شىعىستار» بابىمەن جالپى سوماسى 9,3 ملن. تەڭگە تۇراتىن 2 جەڭىل اۆتوكولىكتى ساتىپ الۋعا نۇسقاۋ بەرگەن دەپ ايىپتالۋدا.