قازاقستاندىق زىلتەمىرشى يگور سون توكيو وليمپياداسىنىڭ قولا مەدالىنە يە بولدى. الماتى وبلىسىنىڭ اكىمى اماندىق باتالوۆ قۇتتىقتاۋ جەدەلحاتىن جولدادى.

«XXXII جازعى وليمپيادا ويىندارىندا ۇلكەن ناتيجەگە قول جەتكىزۋىڭىزبەن شىن جۇرەكتەن قۇتتىقتايمىن! بارشا قازاقستاندىقتارمەن بىرگە جەتىسۋلىقتار دا ءسىز قاتىسقان دودانى ەرەكشە تولقىنىسپەن تاماشالادى. ءبىزدىڭ ءۇمىتىمىز بەن سەنىمىمىزدى تولىق اقتاپ، قازاقستاندىق اۋىر اتلەتتەردىڭ الەمنىڭ مىقتى سپورتشىلارىنىڭ قاتارىندا ەكەنىن دالدەدىڭىز.

ءبىز سىزبەن ماقتانامىز جانە قولا مەدال ءۇشىن راحمەت ايتامىز. بۇل جەڭىس - اسا تارتىستى سپورتتىق جارىستا ءسىزدىڭ شەبەرلىگىڭىز بەن جاتتىقتىرۋشىلاردىڭ ەسەلى ەڭبەگىنىڭ جەمىسى. الماتى وبلىسى تۇرعىندارىنىڭ اتىنان سىزگە مىقتى دەنساۋلىق، سپورتتا جاڭا بەلەستەر مەن جەڭىستەر تىلەيمىن!» - دەلىنگەن تەلەگراممادا.

سپورتشى 61 كگ-عا دەيىنگى ساناتتا جەتىستىككە جەتتى. ءبىرىنشى تۋردان كەيىن ول ارالىق ءتورتىنشى ورىندى يەلەندى. الايدا، سودان كەيىن ول ءۇشىنشى بولۋعا مۇمكىندىك بەرەتىنزىلتەمىردىڭ سالماعىن كوتەرىپ، جەڭىسكە جەتتى.  بارلىعى ول 294 (131+163) كگ زىلتەمىردى كوتەردى

ايتا كەتەيىك، يگور سون 16.11.1998 جىلى تۋعان. ءوز كەزەگىندە باستوبە اۋىلىنىڭ تۇرعىندارى جەرلەسى ءۇشىن وتە قۋانىشتى جانە قۇتتىقتاۋلارىن جاريالاۋدا.

- بۇگىن، 2021 جىلعى 25 شىلدە، ءبارىمىز ءۇشىن ايتۋلى كۇن: اۋىل اكىمىن سايلاۋ كۇنى جانە جەرلەسىمىز يگور سوننىڭ توكيوداعى (جاپونيا) وليمپيادا ويىندارىنداعى جەڭىسى. يگوردى جەڭىسىمەن شىن جۇرەكتەن قۇتتىقتايمىز. ءبىزدىڭ اۋداندا مىقتى سپورتشىلار كوپ. جاڭادان سايلانعان اكىم بولاشاق چەمپيوندارعا ۇلكەن كوڭىل بولگەنىن قالايمىز، - دەدى  باستوبە اۋىلىنىڭ تۇرعىنى ۆلاديمير لي.

يگور سون سپورتتىق اتاعى بار: اۋىر اتلەتيكادان قازاقستان رەسپۋبليكاسىنىڭ ەڭبەك سىڭىرگەن سپورت شەبەرى سپورتتىق جەتىستىكتەرى: 2019 جىلعى الەم چەمپيوناتىنىڭ كۇمىس جۇلدەگەرى پاتتايا ق. (تايلاند), 2019 جىلعى "كاتار كۋبوگى" حالىقارالىق ءتۋرنيرىنىڭ چەمپيونى گ. دوحا (كاتار), 2020 جىلعى حالىقارالىق ءتۋرنيردىڭ چەمپيونى تاشكەنت ق. (وزبەكستان), 2021 جىلعى ازيانىڭ ليتسەنزيالىق چەمپيوناتىنىڭ قولا جۇلدەگەرى تاشكەنت ق. (وزبەكستان), توكيو-2020 ءحححىى جازعى وليمپيادا ويىندارىنىڭ قولا جۇلدەگەرى.

Abai.kz