ماڭعىستاۋ وبلىسىنىڭ بورجاقتى جەرىندە كەنە قاپتادى. بۇل تۋرالى كتك ارناسى حابارلاعان.

ءشارۋالاردىڭ ايتۋىنشا، بۇل قۇرعاقشىلىق پەن ءتورت تۇلىككە جەم-ءشوپتىڭ جەتىسپەۋشىلىگىنەن تۋىنداعان جاعداي.

- بەس بوتانىڭ ولگەن سەبەبى كەنەنىڭ كەسىرى. قازىر مىنا جىعىلعانعا جۇدىرىق دەپ كەنە دە قاپتاپ كەتتى. كەنە ول جەردىڭ جاماندىعىنان عوي بۇل قۇرعاقشىلىقتان سودان پايدا بولادى. سوسىن ونىڭ ۇستىنە مىنا مال دا ارىق  بۇلار دا بويىنا ينفەكتسيا العىش. كەنە دە سول ارىق مالعا جابىسادى. اۋرۋدىڭ ءبارى مالى ارىق مالعا جابىسادى، – دەيدى شارۋا بەردىحان الەنوۆ.

شارۋالاردىڭ سوزىنشە، كەنە كوتەرەم مالعا ءۇيىر بولادى. قاپتاعان كەنەلەر ءتىپتى تۇيەنى ساۋعا مۇرشا بەرمەي جاتقان كورىنەدى. ۇساق جاندىكتەر مالدىڭ قانىن سورىپ، ءتۇرلى اۋرۋ جۇقتىرىپ اقىر سوڭىندا ءولتىرىپ تىنادى ەكەن.

تۇرعىندار كەنەدەن ارىلۋ ءۇشىن قورالارىن 2-3 كۇن سايىن ۋلايمىز دەپ وتىر. بىراق زيانكەستىڭ كەتەتىن ءتۇرى جوق. ال ۆەتەريناريا باسقارماسىنداعىلار كەنەدەن قۇتىلۋ ءۇشىن مالدىڭ قىستاپ شىققان قوراسىن ۋاقىتىلى تازالاۋ كەرەك دەيدى. بۇدان باسقا جول جوق. سەبەبى، كەنەنى ۋلاۋعا ارنايى قارجى بولىنبەيدى ەكەن.

- كەنەلەۋ بۇل جاڭاعى مالدىڭ قوراسىن مەحانيكالىق تازالاماۋدان، دەزينفەكتسيالاماۋدان جانە دە ءارتۇرلى ەتنو-ەكزوپارازيتتەرگە قارسى ەگىلمەۋىنەن بولاتىن جاعداي. نەگىزى كەنەلەر كوبىنە قۇمدى جەردە ءومىر سۇرەدى. ەتنوپارازيتتەردىڭ نەگىزگى كوبەيۋى سەبەبى ول جاڭاعى مالدى ءبىر ورىندا جىل ون ەكى اي بويى ۇستاۋ. قورانى دەزينفەكتسيالاماۋ. دەزينفەكتسيالاۋدىڭ الدىندا ءبىرىنشى مەحانيكالىق تازالاۋ كەرەك, – دەيدى ماڭعىستاۋ وبلىستىق ۆەتەريناريا باسقارماسىنىڭ ەپيزووتيالىق قاۋىپسىزدىك ءبولىمىنىڭ باس مامانى ادىلەت قازتۇرعان.

Abai.kz