"كوروناۆيرۋستىق ينفەكتسياعا قارسى ەكىنشى وتاندىق ۆاكتسينا كلينيكالىق سىناقتاردىڭ ءبىرىنشى كەزەڭىنەن ءوتتى" دەپ مالىمدەدى ءبىلىم جانە عىلىم مينيسترلىگى عىلىم كوميتەتىنىڭ بيولوگيالىق قاۋىپسىزدىك ماسەلەلەرى عىلىمي -زەرتتەۋ ينستيتۋتىنىڭ باس ديرەكتورى كۋنسۋلۋ زاكاريا. 

"QazVac-پەن بىرگە عزي عالىمدارى ەكىنشى "Qaz Covac P" ۆاكتسيناسىن جاساپ شىقتى. بۇگىنگى كۇنى پرەپارات كلينيكالىق سىناقتاردىڭ ءبىرىنشى كەزەڭىنەن ءساتتى ءوتتى. قازىرگى ۋاقىتتا ول زەرتتەۋدىڭ ەكىنشى كەزەڭىندە. سونداي-اق، كوۆيدكە قارسى ۆاكتسينالاردىڭ باسقا تۇرلەرى ازىرلەنۋدە، ولار زەرتحانالىق تەكسەرۋدەن وتەدى", - دەدى كۇنسۋلۋ زاكاريا.

ول وتاندىق عىلىمنىڭ ماڭىزدى جەتىستىكتەرىنىڭ ءبىرى QazVac ساۋدا بەلگىسىمەن شىعارىلاتىن QazCovid-in وتاندىق ۆاكتسيناسىنىڭ بيولوگيالىق قاۋىپسىزدىك ماسەلەلەرى عىلىمي-زەرتتەۋ ينستيتۋتىنىڭ دامۋى بولدى دەپ ەسكە الدى.

ينستيتۋت باسشىسى مەملەكەت باسشىسى قاسىم-جومارت توقاەۆتىڭ تاپسىرماسى بويىنشا ۆاكتسينا گۋمانيتارلىق كومەك رەتىندە قىرعىزستانعا جىبەرىلگەنىن، ول ءساتتى تىركەلگەنىن جانە مەديتسينالىق ماقساتتا ماقۇلدانعانىن ايتتى.

Abai.kz