قاسىم-جومارت توقاەۆ Sputnik V ۆيرۋسىنا قارسى رەسەيلىك ۆاكتسينانىڭ ءالى حالىقارالىق سەرتيفيكات الماعانىنا تاڭ قالدى. بۇل تۋرالى رەسەيلىك باق مالىمدەگەن.

«مەن Sputnik V ۆاكتسيناسىن العاندىقتان، بۇل ۆاكتسينا وتە ءتيىمدى ەكەنىن بىلەمىن. جانە ونىڭ ءالى حالىقارالىق سەرتيفيكات الماعاندىعى مەنى تاڭ قالدىرادى»، - دەدى توقاەۆ شىعىس ەكونوميكالىق فورۋمىنىڭ پلەنارلىق وتىرىسىندا.

حالىقارالىق سەرتيفيكات الۋ ءۇشىن دۇنيەجۇزىلىك دەنساۋلىق ساقتاۋ ۇيىمىنىڭ بىرقاتار شارتتارىن ورىنداۋ قاجەت.

«مەنىڭ بىلۋىمشە، شامامەن 26 بالل بار. قاجەتتى سەرتيفيكاتتى الۋ ءۇشىن وسى پۋنكتتەردەن ءوتۋ قاجەت سياقتى»، - دەدى مەملەكەت باسشىسى.

سونداي-اق، ول قازاقستانعا ۆاكتسينا جەتكىزۋ بويىنشا كەلىسسوزدەر كەزىندە رەسەيگە ەشقانداي العىشارتتار قويماعانىن ايتتى. جانە، پرەزيدەنت «Sputnik V» بۇكىل الەمدە مويىندالعانىن جانە 60 -تان استام ەل وسى ۆاكتسينانى قولدانىپ جاتقانىن العا تارتتى.

بۇعان دەيىن حابارلانعانداي، شىعىس ەكونوميكالىق فورۋمى (ەەف) شەڭبەرىندە قازاقستاننىڭ تسيفرلىق ترانسفورماتسياسى، تسيفرلاندىرۋ پلاتفورمالىق مودەلىنە كوشۋ جانە تۇجىرىمدامانى ىسكە اسىرۋ بويىنشا رەسەيلىك جيناق بانكىمەن ىنتىماقتاستىق تۋرالى مەموراندۋمعا قول قويىلدى.

Abai.kz