يزرايل اسكەرى گازا سەكتورىنداعى بىرقاتار نىساندارعا، سونىڭ ىشىندە زىمىران ءوندىرۋ الاڭى مەن حاماس-تىڭ جەر استى تۋننەل جەلىلەرى سالىنىپ جاتقان بەتون زاۋىتىنا سوققى جاسادى.

يزرايل اۋە كۇشتەرىنىڭ ۇشاقتارى حاماس-تىڭ زىمىران ءوندىرۋ الاڭىنا جانە حاني يۋنيستەگى بەتون زاۋىتىنا شابۋىل جاسادى دەپ حابارلادى The Jerusalem Post سەيسەنبى كۇنى.

يزرايل اسكەرى وكىلىنىڭ مالىمدەمەسىنە سايكەس، زاۋىتتا شىعارىلعان بەتون حاماس جەر استى تۋننەلدەرىنىڭ جەلىسىن قۇرۋعا پايدالانىلعان. بۇل نىساندار گازا سەكتورىنداعى ازاماتتىق ايماقتىڭ ورتالىعىندا، مادەني ورىندارعا، مەشىتتەر مەن سۋ قۇبىرلارىنا جاقىن ورنالاستىرىلعان.

پالەستينا اقپارات قۇرالدارىنىڭ حابارلاۋىنشا جاراقات العاندار مەن قازا تاپقاندار جوق.

Abai.kz