ەلىمىزدىڭ ءىنجۋ-مارجانى سانالاتىن شىرايلى شىعىسقا وتكەن اپتادا مەملەكەت باسشىسى نۇرسۇلتان نازارباەۆ رەسمي ساپارمەن كەلگەنى بەلگىلى. ساپارىنىڭ باستى ماقساتى - ءوڭىردىڭ يندۋستريالدىق دامۋ باعىتىمەن تانىسۋ بولعاندىقتان، ەلباسى وڭىردەگى بىرقاتار ونەركاسىپ ورىندارىنىڭ جۇمىسىمەن تانىستى، دەپ حابارلايدى Altaynews.kz مەنشىكتى ءتىلشىسى.

مەملەكەت باسشىسى نۇرسۇلتان نازارباەۆتىڭ ەڭ الدىمەن ات باسىن تىرەگەن نىسانى - «وسكەمەن ارماتۋرا زاۋىتى». بۇل زاۋىت ەلىمىزدەگى كەڭ سپەكترلى مۇناي-گاز ونىمدەرىن شىعاراتىن بىردەن-ءبىر كاسىپورىن بولىپ تابىلادى. ۇدەمەلى يندۋستريالدى-يننوۆاتسيالىق دامۋ باعدارلاماسىنا ەنگەن زاۋىتتا 2009 جىلدان باستاپ «ءوندىرىس قۋاتىن قايتا جاڭعىرتۋ» جوباسى ىسكە اسىرىلۋدا. ونىڭ جۇزەگە اسۋى ءونىم قۋاتىن، وندىرىلگەن ءونىم سانىن ارتتىرا وتىرىپ، جىلىنا 6500 ملن. تەڭگەنى قۇرايتىن ساۋدا ونىمدىلىگىن قامتاماسىز ەتۋگە مۇمكىندىك بەرمەك. بۇگىندە يتاليا مەن چەحيادان ءونىمنىڭ ساپاسىن ارتتىرۋعا مۇمكىندىك بەرەتىن 9 تەحنيكالىق قوندىرعى ساتىپ الىنىپتى. ەلباسى ۇكىمەت مۇشەلەرىمەن جانە وبلىس اكىمى بەردىبەك ساپارباەۆپەن بىرگە زاۋىتتىڭ تسەحىندا بولىپ، ءوندىرىس قۋاتىمەن تانىسىپ، جۇمىسشىلارمەن تىلدەستى.

ەلىمىزدىڭ ءىنجۋ-مارجانى سانالاتىن شىرايلى شىعىسقا وتكەن اپتادا مەملەكەت باسشىسى نۇرسۇلتان نازارباەۆ رەسمي ساپارمەن كەلگەنى بەلگىلى. ساپارىنىڭ باستى ماقساتى - ءوڭىردىڭ يندۋستريالدىق دامۋ باعىتىمەن تانىسۋ بولعاندىقتان، ەلباسى وڭىردەگى بىرقاتار ونەركاسىپ ورىندارىنىڭ جۇمىسىمەن تانىستى، دەپ حابارلايدى Altaynews.kz مەنشىكتى ءتىلشىسى.

مەملەكەت باسشىسى نۇرسۇلتان نازارباەۆتىڭ ەڭ الدىمەن ات باسىن تىرەگەن نىسانى - «وسكەمەن ارماتۋرا زاۋىتى». بۇل زاۋىت ەلىمىزدەگى كەڭ سپەكترلى مۇناي-گاز ونىمدەرىن شىعاراتىن بىردەن-ءبىر كاسىپورىن بولىپ تابىلادى. ۇدەمەلى يندۋستريالدى-يننوۆاتسيالىق دامۋ باعدارلاماسىنا ەنگەن زاۋىتتا 2009 جىلدان باستاپ «ءوندىرىس قۋاتىن قايتا جاڭعىرتۋ» جوباسى ىسكە اسىرىلۋدا. ونىڭ جۇزەگە اسۋى ءونىم قۋاتىن، وندىرىلگەن ءونىم سانىن ارتتىرا وتىرىپ، جىلىنا 6500 ملن. تەڭگەنى قۇرايتىن ساۋدا ونىمدىلىگىن قامتاماسىز ەتۋگە مۇمكىندىك بەرمەك. بۇگىندە يتاليا مەن چەحيادان ءونىمنىڭ ساپاسىن ارتتىرۋعا مۇمكىندىك بەرەتىن 9 تەحنيكالىق قوندىرعى ساتىپ الىنىپتى. ەلباسى ۇكىمەت مۇشەلەرىمەن جانە وبلىس اكىمى بەردىبەك ساپارباەۆپەن بىرگە زاۋىتتىڭ تسەحىندا بولىپ، ءوندىرىس قۋاتىمەن تانىسىپ، جۇمىسشىلارمەن تىلدەستى.

زاۋىتتا توكار بولىپ جۇمىس ىستەيتىن س.داۆىدەنكو ەلباسىعا «زاۋىتقا قوش كەلدىڭىز!» دەي كەلە، كاسىپورىننىڭ يندۋ-ستريالىق جوبالاردى باتىل جۇزەگە اسىرىپ جاتقانىن ايتتى. سونىمەن قاتار «بولاشاق» باعدارلاماسىمەن شەتەلدەردە وقىپ، ءبىلىم الىپ كەلگەن جاستار-دىڭ بۇگىنگى كۇنى ءوندىرىستىڭ وركەندەۋىنە ۇلكەن ۇلەس قوسىپ جۇرگەنىن جەتكىزدى.

سونداي جاستاردىڭ ءبىرى - ءىلياس مۇرزاتاەۆ. ەلباسىمەن كەزدەسۋ ساتىندە ءىلياس تا تەبىرەنە ءسوز الدى. ماسكەۋدە ءبىلىم الىپ، بۇگىندە تۋعان قالاسىندا ەڭبەك ەتىپ جۇرگەن ءىلياستىڭ مەملەكەت باسشىسى نۇرسۇلتان نازارباەۆقا دەگەن العىسى شەكسىز. قازىرگى ۋاقىتتا زاۋىتتا ينجەنەر-تەحنولوگ بولىپ جۇمىس ىستەيتىن ءىلياستىڭ جارقىن بولاشاققا دەگەن سەنىمى مول. ونىڭ مۇنداعى جالاقىسى دا جاقسى. كاسىپورىن باسشىلارى الەۋمەتتىك ماسەلەلەرگە دە كوڭىل ءبولىپ تۇرادى. ءبىر قىزىعى، ءىلياستىڭ اكەسى دە كەزىندە وسى زاۋىتتا ەڭبەك ەتكەن كورىنەدى.

- وزدەرىڭىز بىلەسىزدەر، قازىر الەم ەلدەرى داعدارىس جاعدايىن باسىنان كەشىپ وتىر. ەۋروپا سىندى الپاۋىت ەلدەردىڭ ءوزى داعدارىسقا قارسى نە ىستەرلەرىن بىلمەي، باستارى قاتۋدا. ءبىزدىڭ ەلىمىز وسىناۋ قيىندىققا قارسى الدىن الا ازىرلەندى. بۇگىنگى كۇنى كاسىپورىندار بىرقالىپتى ىرعاقپەن جۇمىس جاساۋدا، جالاقى قولدارىڭىزعا ۋاقتىلى تيەدى. جاڭا تەحنولوگيانى وندىرىسكە باتىل ەنگىزىپ جاتقاندارىڭىزعا كوز جەتكىزدىم. سىزدەرگە مىقتى دەنساۋلىق، تابىس تىلەيمىن! - دەدى ەلباسى نۇرسۇلتان نازارباەۆ. وسىدان كەيىن ەلباسى زاۋىت جۇمىسشىلارىمەن ەستەلىككە سۋرەتكە ءتۇستى.

ارماتۋرا زاۋىتىنىڭ تسەحتارىنىڭ بىرىنە سوڭعى جىلدارى ەلباسىنىڭ تاپسىرماسىمەن وڭىرىمىزدە قولعا الىنعان باعدارلامالاردىڭ جۇزەگە اسۋىن باياندايتىن ارنايى كورمە دە قويىلعان ەكەن. مەملەكەت باسشىسى كورمەنى ارالاپ شىقتى. وڭىرىمىزدە يندۋستريالاندىرۋ كارتاسى باعدارلاماسى قالاي جۇزەگە اسىرىلىپ جاتىر؟ ونى وسىناۋ كورمەدەن ايقىن كورۋگە بولادى. وبلىسىمىزدا يندۋستريالاندىرۋ كارتاسىنا قۇنى 612 ملرد. تەڭگە بولاتىن 39 ينۆەستيتسيالىق جوبا ەنگىزىلسە، 2010-2011 جىلدارى 154 ملرد. تەڭگەنى قۇرايتىن 21 جوبا ىسكە اسىرىلعان ەكەن. ال ۇستىمىزدەگى جىلى جالپى قۇنى 36,3 ملرد. تەڭگە بولاتىن 7 جوبانى ىسكە اسىرۋ جوسپارلانۋدا. ونىڭ ىشىندە «وسكەمەن قۇس فابريكاسى» اق سەكىلدى ءىرى جوبالار بار.

سونىمەن قاتار، كورمەدە ەلىمىزدە بيىل قولعا الىنعان 2012 - 2020 جىلدارعا ارنالعان مونوقالالاردى دامىتۋ باعدارلاماسىنىڭ وڭىرىمىزدەگى جاي-كۇيىن كورسەتەتىن دە ارنايى بۇرىش ۇيىمداستىرىلىپتى. مونوقالالار تىزىمىنە وبلىستان ريددەر، كۋرچاتوۆ، زىريان، سەرەبريانكا سىندى ءتورت شاعىن قالا ەنىپ وتىر. الداعى ۋاقىتتا بۇل قالالاردىڭ بويىنا قان جۇگىرىپ، ەرەكشە اجارلانباق. وسى جوبا اياسىندا ونەركاسىپ سالاسى بويىنشا 48 جوبا، شاعىن جانە ورتا بيزنەستى دامىتۋ سالاسىندا - 45, الەۋمەتتىك جانە ينجەنەرلىك ينفراقۇرىلىم بويىنشا 184 جوبانى جۇزەگە اسىرۋ كوزدەلىپ وتىرعان كورىنەدى. ال «قولجەتىمدى باسپانا - 2020» مەملەكەتتىك باعدارلاماسى شەڭبەرىندە 13 كوپپاتەرلى نەسيەلىك تۇرعىن ءۇيدىڭ، 20 كوپپاتەرلى جالعا بەرىلەتىن تۇرعىن ءۇيدىڭ قۇرىلىسى اياقتالماق.

ايماعىمىزدا «جۇمىسپەن قامتۋ - 2020» باعدارلاماسى دا جەمىستى جۇزەگە اسۋدا. اسىرەسە، اۋىلدى جەردە تۇراتىن كاسىپپەن اينالىسقىسى كەلەتىن كوپتەگەن ازاماتتار وسىناۋ ىزگى باعدارلامانىڭ يگىلىگىن كورىپ وتىر دەۋگە بولادى. وسىناۋ باعدارلاما قولعا الىنعان ەكى جىلدىڭ ىشىندە 183 جاڭا نەسيە سەرىكتەستىكتەرى قۇرىلىپ، 800-دەن استام ادام ءوز ءىسىن دوڭگەلەتۋ ءۇشىن نەسيە الىپتى. مىسالى، وتكەن جىلى 1 ميلليارد 209 ميلليون تەڭگەنىڭ، ال ۇستىمىزدەگى جىلى 1 ميلليارد 915 ميلليوننىڭ نەسيەسى بەرىلىپتى. ءوز كەزەگىندە وبلىس اكىمى بەردىبەك ساپارباەۆ وسىناۋ باعدارلامانىڭ اۋىل تۇرعىندارىنا قانات بىتىرگەنىن، ەرتەڭگى كۇنىنە سەنىمىن وياتقانىن تىلگە تيەك ەتتى.

سونداي جانداردىڭ ءبىرى - كۇرشىم اۋدانىندا تۇراتىن بولاتبەك ايتقوجين. ول 3 ميلليون تەڭگە نەسيە الىپ، كيىزدەن جاسالعان اياقكيىم شىعارۋ ءىسىن قولعا الىپتى. قاراماعىندا ءتورت ادام جۇمىس ىستەيدى.

- پيمالارىما سۇرانىس بار. ءتىپتى، تالاپ اكەتەدى. الداعى ۋاقىتتا ءوندىرىسىمدى كەڭەيتسەم، - دەيدى بولاتبەك. سونىمەن قاتار كورمەگە جارمالىق جيھاز جاساۋشى كاسىپكەر بەرىكحان نۇرپەيىسوۆتىڭ، ۇلاندىق جانىمحان كەنجەبازاردىڭ تىگىن بۇيىمدارى، كۇرشىمدىك ءلاززات كاكىموۆانىڭ بال وڭدەۋ تسەحىنىڭ ونىمدەرى دە قويىلىپتى.

«جۇمىسپەن قامتۋ - 2020» مەملە-كەتتىك باعدارلاماسى اياسىندا ءوزىنىڭ ارمانىن ءىس جۇزىنە اسىرعان تاعى ءبىر كا-سىپكەردىڭ ءبىرى - ۆلاديمير ستەپانەنكو. ول شەمونايحادا كوكونىس جانە جەمىس-جيدەك ونىمدەرىن كونسەرۆىلەيتىن تسەح اشىپتى. ءسويتىپ، كەشەگى جۇمىسسىز ازامات مەملەكەتتىڭ تاماشا باعدارلاماسىنىڭ ارقاسىندا ايماعىنا تانىمال كاسىپكەرگە اينالىپ شىعا كەلگەن. مەملەكەتتىك باعدارلامانىڭ شاپاعاتىن كورگەن كاسىپكەردىڭ ىسىنە قىزىعۋشىلىق تانىتقان ەلباسى نۇرسۇلتان نازارباەۆ پەن وبلىس اكىمى بەردىبەك ساپارباەۆ ودان جوبانىڭ ىسكە اسىرىلۋ بارىسىن سۇرادى.

- مەن «جۇمىسپەن قامتۋ - 2020» باعدارلاماسىنىڭ ەكىنشى باعىتى بو-يىنشا ءۇش ميلليون تەڭگە نەسيە الىپ، شارۋاعا قاجەتتى جابدىقتار ساتىپ الدىم. سونىمەن قاتار ول قارجىعا تسەح عيماراتىن دا جوندەۋدەن وتكىزدىم. ءبىزدىڭ شىعاراتىن ونىمدەرىمىز اۋدان حالقىنىڭ سۇرانىسىنا يە. اسىرەسە، تۇزدالعان قىزاناق پەن قيارعا سۇرانىس وتە جوعارى. ەكى ليترلىك بانكىدەگى كونسەرۆىلەنگەن ونىمدەرىمىزدىڭ باعاسى دا ارزان. نەبارى - 220 تەڭگە. ءبىر ليترلىك، ءتىپتى، 80 تەڭگە عانا تۇرادى. ال توساپتاردىڭ باعاسى 90-نان 200 تەڭگە ارالىعىندا. ءوز وڭىرىمىزدە ازىرگە بىزگە تەڭ كەلەر باسەكەلەس جوق، - دەگەن ۆلاديمير ستەپانەنكو وسىنداي قولداۋ-كومەگى ءۇشىن مەملەكەتكە زور ريزاشىلىعىن ءبىلدىردى.

"اباي-اقپارات"