دۇيسەنبى, 29 قاراشا 2021
1449 1 پىكىر 7 قازان, 2021 ساعات 12:54

ددسۇ وكىلى: قازاقستان ايماقتا ۇزدىك بولىپ قالۋدا

"قازاقستان دۇنيەجۇزىلىك دەنساۋلىق ساقتاۋ ۇيىمىنىڭ ينفەكتسيالاردىڭ الدىن الۋ مەن باقىلاۋ جونىندەگى نۇسقاۋلىقتارى مەن قۇرالدارىن ايماقتا قولدانۋ بويىنشا ۇزدىك بولىپ قالا بەرەدى", - دەدى ددسۇ-نىڭ قازاقستانداعى وكىلى. 

"مەن قازاقستاننىڭ يننوۆاتسيالىق ءرولىن اتاپ وتكىم كەلەدى. جاڭا تاسىلدەردى ەنگىزۋ وتە قيىن. دەگەنمەن، مەن قازاقستاننىڭ بۇل مىندەتتى ورىنداۋداعى ماڭىزدى جەتىستىگىن اتاپ وتكەندى ءجون سانايمىن. قازاقستان دۇنيەجۇزىلىك دەنساۋلىق ساقتاۋ ۇيىمىنىڭ ينفەكتسيالاردىڭ الدىن الۋ جانە باقىلاۋ جونىندەگى نۇسقاۋلىقتارى مەن قۇرالدارىن ايماقتا قولدانۋدا ۇزدىك بولىپ قالا بەرەدى. قازاقستان ءبىزدىڭ ساراپشىلارمەن بىرگە حالىقارالىق ۇسىنىستارعا سايكەس COVID-19 ينفەكتسياسىنىڭ الدىن الۋ بويىنشا ۇلتتىق نۇسقاۋلىقتاردى ەنگىزگەن ەل بولۋدا. وسىلايشا، قازاقستان ورتالىق ازياداعى بۇل شارانى 2020 جىلى اياقتاعان ءبىرىنشى ەل بولدى", - دەدى ددسۇ وكىلى كلارينۆال.

ددسۇ وكىلى دەنساۋلىق ساقتاۋ مينيسترلىگىنە، عىلىمي ورتاعا جانە مەديتسينا ماماندارىنا پاندەمياعا قارسى عىلىمي دالەلدەردى قولدانعانى ءۇشىن ريزاشىلىعىن ءبىلدىردى.

Abai.kz

1 پىكىر