جىل باسىنان بەرى 14358 ەتنيكالىق قازاق تاريحي وتانىنا ورالىپ، قانداس مارتەبەسىن الدى دەپ حابارلايدى ەڭبەك جانە حالىقتى الەۋمەتتىك قورعاۋ مينيسترلىگى.

مينيسترلىك 1991 جىلدان بەرى قازاقستانعا 1 ميلليون 84 مىڭ ەتنيكالىق قازاقتىڭ ورالعانىن ايتادى. ەتنيكالىق قازاقتاردىڭ باسىم بولىگى بيىل وزبەكستاننان كەلگەن - 76,3 پايىز، 9,4 پايىزى قىتايدان، 6,4 پايىزى تۇرىكمەنستاننان، 2,5 پايىزى موڭعوليادان جانە 5,4 پايىزى باسقا ەلدەردەن قونىس اۋدارعان.

قانداس مارتەبەسىن العانداردىڭ ىشىندە قونىس اۋدارۋشىلاردىڭ 55 پايىزى ەڭبەككە جارامدى، 27,9 پايىزى ەڭبەككە جارامدى جاستاردان كىشى جانە 17,1 پايىزى زەينەتكەرلەر. ءبىلىم دەڭگەيى بويىنشا ەڭبەككە جارامدى ۇمىتكەرلەردىڭ 11,1 پايىزى جوعارى ءبىلىمدى، 39,8 پايىزى ورتا، 45,5 پايىزى جالپى ورتا جانە 3,6 پايىزىنىڭ ءبىلىمى جوق.

Abai.kz