ۇكىمەت اعاشتىڭ جەكەلەگەن تۇرلەرىن ەلدەن شىعارۋعا تىيىم سالۋدى ەنگىزۋدە. بۇل تۋرالى قر پرەمەر-ءمينيسترىنىڭ ءبىرىنشى ورىنباسارى ءاليحان سمايىلوۆتىڭ باسشىلىعىمەن سىرتقى ساۋدا ساياساتى جانە حالىقارالىق ەكونوميكالىق ۇيىمدارعا قاتىسۋ جونىندەگى ۆەدومستۆوارالىق كوميسسيانىڭ وتىرىسىندا بەلگىلى بولدى. موراتوري ناقتى شەشىم شىققانشا ءار التى اي سايىن اۆتوماتتى تۇردە ۇزارتىلماق. 

سونداي-اق، كۇنباعىس تۇقىمى مەن كۇنباعىس مايىن ەكسپورتتاۋعا كۆوتانى ۇلعايتۋدىڭ ورىندىلىعى مەن تابيعي ۋران مەن ونىڭ قوسىلىستارىنا ەكسپورتتىق كەدەندىك باج سالىعىن ەنگىزۋدىڭ ورىندىلىعىن تالقىلاعانى حابارلاندى.

سمايىلوۆ وندىرۋشىلەردىڭ مۇددەلەرىن ەسكەرە وتىرىپ، كۇنباعىس تۇقىمى مەن كۇنباعىس مايىن ەكسپورتتاۋعا كۆوتانىڭ وڭتايلى كولەمىن انىقتاۋ جانە ءونىم باعاسىنىڭ وسۋىنە جول بەرمەۋ قاجەت ەكەنىن باسا ايتقان.

Abai.kz