2021 جىلدىڭ 20 قازانىندا الماتى قالاسى قوعامدىق دامۋ باسقارماسىنىڭ قولداۋىمەن «جاستار ءۇنى» رەسپۋبليكالىق قوعامدىق بىرلەستىگى «پرەزيدەنت جولداۋى: كۇردەلى ماسەلەلەر مەن جۇيەلى شەشىمدەر» اتتى دوڭگەلەك ۇستەل وتكىزدى.

دوڭگەلەك ۇستەلدىڭ ماقساتى – پرەزيدەنتىمىز قاسىم-جومارت كەمەلۇلى توقاەۆ جاريالاعان جولداۋدى تالقىلاۋ، جۇيەلى جوسپار باعىتىندا جۇمىستانۋ، ءۇش تۇعىرلى ءتىل ساياساتىنىڭ اۋقىمىن كەڭەيتۋ، الەۋمەتتىك ماسەلەلەرگە ءجىتى نازار اۋدارۋ بولدى.

جيىنعا ايماقتانۋشى ماقسات جاقاۋ، ساياساتتانۋشى اسحات قاسەنعالي، جۋرناليست نۇرگەلدى ابدىعاني، الەۋمەتتانۋشى رۋستام ساعاديەۆ پەن مەدەت قۇرالوۆ جانە قوعام بەلسەندىلەرى مەن بۇقارالىق اقپارات قۇرالدارىنىڭ وكىلدەرى قاتىستى.

العاشقى ءسوز ساياساتتانۋشى اسحات قاسەنعاليعا بەرىلدى. ول ءوز سوزىندە جاس ۇرپاقتىڭ بولاشاعىن تەرەڭ بىلىممەن، ىزدەنىسپەن، دامۋمەن ۇشتاستىرۋى باسەكەگە قابىلەتتى مامان اتانۋدىڭ باعدارى ەكەندىگىنە ەرەكشە توقتالىپ، ءبىلىمدى ۇرپاق – ەل بولاشاعى، ساپالى ءبىلىم – بولاشاقتىڭ كىلتى ەكەنىن ايتىپ ءوتتى. ال الەۋمەتتانۋشى مەدەت قۇرالوۆ: «پرەزيدەنتىمىزدىڭ جاڭا جولداۋى مەملەكەتىمىزدىڭ دامۋ جولىنداعى ۇلكەن ۇمتىلىستارىن كورسەتەدى. اتالعان جولداۋدا ەكونوميكامىزدىڭ ورلەۋىنە ىقپال ەتەتىن ءار سەكتور جەكە-جەكە كورسەتىلىپ، ولاردى ارى قاراي جەتىلدىرۋ مەن دامىتۋدىڭ ناقتى ماقساتتارى اتاپ ايتىلعان. قازاقستان حالقىنىڭ ءال-اۋقاتىن ارتتىرۋ، ادام كاپيتالى، ءسىز بەن ءبىزدىڭ سالاۋاتتى ءومىر ءسۇرۋىمىز، ءبارى-ءبارى قامتىلعان. جولداۋدا نىسانعا الىنعان ءار ماسەلەنىڭ ماڭىزى زور»، - دەپ ويىمەن ءبولىستى.

سونىمەن ءواتار، دوڭگەلەك ۇستەلگە قاتىسۋشىلار ەلىمىزدى ودان ارى دامىتۋ مەن ونىڭ ازاماتتارىنىڭ ءومىرىن جاقسارتۋدىڭ ماڭىزدى قادامدارى ايقىندالعان پرەزيدەنت جولداۋىن ءبىراۋىزدان قولدادى جانە وسى مىندەتتەردى شەشۋگە بەلسەندى قاتىسۋعا دايىن ەكەندىكتەرىن ءبىلدىردى.
ال جيىن سوڭىندا «جاستار ءۇنى» رەسپۋبليكالىق قوعامدىق بىرلەستىگىنىڭ ديرەكتورى اسەت بازارباي العا قويىلعان مىندەتتەر مەن تاپسىرمالاردى ورىنداۋدا ءاربىر قاتىسۋشىنىڭ وزىندىك ۇلەسى بار ەكەنىن ايتىپ، دوڭگەلەك ۇستەلگە قاتىسقان بارلىق قاتىسۋشىلارعا مازمۇندى دا سىندارلى كەزدەسۋ ءۇشىن العىس ءبىلدىردى!

اقبوتا ەربولقىزى

Abai.kz