وندا جاتتىعۋ "تالىپتەر اسكەري كولىكتەرمەن سودىرلارىن تاجىك اۋماعىنا جىبەردى" دەگەن ستسەناري بويىنشا وتكەن.

وندا ستسەناري بويىنشا، اۋە ۇشاعى ارقىلى بارلاۋشىلار بۇل اقپاراتتى شەكارا قىزمەتى مەن ۇلتتىق قاۋىپسىزدىك كوميتەتىنە جىبەرەدى. ال اسكەرلەر دەرەۋ سودىرلار مىنگەن كولىكتەرگە قارسى شابۋىل جاساۋى ءتيىس.

"تاجىكستاندا وتكەن اسكەري جاتتىعۋ ەگەر اۋعانستاندا جاعداي ۋشىعىپ كەتسە، ۇقشۇ-نىڭ جاۋاپ بەرۋگە دايىن ەكەنىن كورسەتتى", - دەيدى اسكەري جاتتىعۋعا جەتەكشىلىك ەتكەن گەنەرال-پولكوۆنيك الەكساندر لاپين. ول ءدال وسىنداي جاتتىعۋ قاراشا ايىندا دا وتەتىنىن جەتكىزدى.

بۇل جولى ۇقشۇ-عا مۇشە ەلدەردىڭ ءتورت مىڭ اسكەرى مەن 500-دەن استام شابۋىلعا توتەپ بەرەتىن كولىك قاتىسقان.

"تاليبان" قوزعالىسى اۋعانستاندا باسىپ العان كەزدە، كورشى ەلدەرگە شابۋىل جاسامايمىز دەپ ۋادە ەتكەن. بىراق ورتالىق ازيا ەلدەرى، اسىرەسە تاجىكستان بۇل جاعدايعا الاڭدايدى. تاجىكستان بيلىگى قاۋىپ ءتونىپ جاتسا، اۋعانستاننان قاشىپ جاتقان بوسقىندارعا توتەپ بەرە المايمىز دەپ قورقادى.

ۇقشۇ-عا ارمەنيا، بەلارۋس، قازاقستان، قىرعىزستان، رەسەي جانە تاجىكستان كىرەدى.

Abai.kz