ەلەكتر ەنەرگەتيكاسى ينۆەستيتسيالىق ىنتىماقتاستىقتىڭ نەگىزگى باعىتتارىنىڭ ءبىرى بولىپ تابىلاتىن بىرىككەن اراب امىرلىكتەرىمەن ۇكىمەتارالىق كەلىسىم قازاقستان ءۇشىن ۇلكەن باسىمدىقتاردى قامتيدى. بۇل تۋرالى ءماجىلىس دەپۋتاتى دۇيسەنباي تۇرعانوۆ ەكى ەل اراسىنداعى كەلىسىمگە قاتىستى ءوزىنىڭ پىكىرىن ايتتى.

دەپۋتاتتىڭ ايتۋىنشا، بۇگىنگى تاڭدا ەلدىڭ پاندەميادان كەيىنگى دامۋى جاعدايىندا ەلەكتر ەنەرگەتيكاسى سياقتى ستراتەگيالىق سالالارعا ينۆەستيتسيالار تارتۋ - بۇل تۇتاستاي العاندا، قازاقستاننىڭ ينۆەستيتسيالىق كليماتىنا، وتاندىق كاسىپكەرلىكتى دامىتۋعا جانە ۇلتتىق ەكونوميكانىڭ نەگىزگى سالالارىنا وزىق الەمدىك تەحنولوگيالاردى تارتۋعا وڭ اسەر ەتەتىنى ءسوزسىز.

- قازىر ەلىمىز جاڭا ەكولوگيالىق كودەكسكە سايكەس ەڭ وزىق قولجەتىمدى تەحنولوگيالارعا كوشەدى. سوندىقتان كەلىسىم شەڭبەرىندە ستراتەگيالىق جوبالاردى ىسكە اسىرۋدى قامتيتىن مۇمكىندىكتەر ەلىمىزگە «جاسىل» ەكونوميكانى بەلسەندى دامىتۋعا، قورشاعان ورتاعا تەرىس اسەر ەتۋمەن كۇرەسۋگە مۇمكىندىك بەرەدى، - دەدى دۇيسەنباي تۇرعانوۆ.

دەپۋتات اتاپ وتكەندەي، مۇنىڭ ءبارى جاڭارتىلاتىن ەنەرگيا كوزدەرى ۇلەسىنىڭ ارتۋىنا، جالپى العاندا ەلەكتر ەنەرگەتيكاسىنىڭ تەحنولوگيالىق دەڭگەيىنىڭ ۇلعايۋىنا ىقپال ەتەتىن بولادى.

Abai.kz