جۇما, 29 ناۋرىز 2024
كوكمۇنار 3134 5 پىكىر 27 قازان, 2021 ساعات 17:21

قازاقستان-رەسەي بايلانىسى: ەلشىمىز نە دەيدى؟

كەشە مەملەكەتتىك دۋما پلەنارلىق وتىرىسىندا «دەربەس دەرەكتەرمەن الماسۋ سالاسىندا اكىمشىلىك ماسەلەلەر بويىنشا ءوزارا قۇقىقتىق كومەك كورسەتۋ تۋرالى» زاڭ جوباسى رەسەي، قازاقستان، قىرعىزستان مەملەكەتتەرى اراسىندا قابىلداندى.

بۇل كەلىسىمگە مەملەكەت باسشىلارى بىلتىر 18 جەلتوقساندا قول قويعان بولاتىن.

رەسەي ادىلەت مينيسترلىگى باسشىسىنىڭ ورىنباسارى اندرەي لوگينوۆتىڭ ايتۋىنشا، قابىلدانعان زاڭ جوباسى مەملەكەتتىك باسقارۋ ورىندارىنا جانە سۋديا لاۋازىمىنا قىزمەتكەر تاعايىنداعان كەزدە بارلىق مالەمەتتى ۇسىنۋ بولىپ سانالادى، ياعني سايلانۋشى تۇلعانىڭ جەكە باسىن كۋالاندىراتىن قۇجاتتارى، شەتەل ازاماتتىعىن العان يا الماعانى تۋرالى قۇجات، ۆيزالارى، جىلجىمايتىن مۇلكى، مۇلىكتىك سيپاتىنداعى مىندەتتەمەلەرى، شەت مەملەكەتتىڭ اۋماعىندا قىلمىستىق نەمەسە اكىمشىلىك جاۋاپتىلىققا تارتىلعان نە تارتىلماعانى تۋرالى بارلىق اقپاراتتار الىنىپ، كەلىسىمگە كەلگەن مەملەكەتتەر اراسىندا ەركىن تاراتىلا الادى.

تاقىرىپقا تۇزدىق:

رەسەيدەگى قازاقستان ەلشىسى ەرمەك كوشەرباەۆ:

«قازاقستان كاسپي ءوڭىرىن بىرىڭعاي كولىك-لوگيستيكالىق، تۋريستىك جانە ءبىلىم بەرۋ حابى رەتىندە قاراستىرادى. ەكىجاقتى بايلانىستىڭ الەۋەتى ءالى دە ءوز كۇشىندە. اسىرەسە وڭىرارالىق ىنتىماقتاستىققا ءجىتى نازار اۋدارىلادى. ماسەلەن، ءبىرىنشى جارتىجىلدىقتا قازاقستان وڭىرلەرى مەن استراحان وبلىسى اراسىنداعى تاۋار اينالىمى 8,2 ملن اقش دوللورىنا جەتكەن. استراحان وبلىسىندا قازاقستان كاپيتالى سالىنعان 34 كاسىپورىن تىركەلگەن»، - دەيدى ەلشىمىز.

ديپلومات استراحان شەكارا ماڭىندا ساۋدا ورتالىعىن سالۋدى، ءوزارا ءونىم الماسۋدى ۇلعايتۋدى، قازاقستاندا كەمە جاساۋعا تاپسىرىستار الۋدى، كاسپيدە جاڭا كرۋيزدىك مارشرۋتتار اشۋدى قولعا الۋ كەرەك دەپ سانايدى.

«وعان قوسا استراحان وبلىسىندا رەسەيدەگى ەڭ ۇلكەن قازاق دياسپوراسى – 160 مىڭداي ادام  قونىستانعان. بۇگىندە قازاقتار كوپ شوعىرلانعان ايماقتىڭ 20 جۋىق مەكتەبىندە قازاق ءتىلى وقىتىلادى. استراحاندا ورنالاسقان جوو، ورتا كاسىپتىك ءبىلىم بەرەتىن وقۋ ورىندارىندا 1,5 مىڭ قازاقستان ازاماتتارى ءبىلىم الۋدا. سوندىقتان مادەني-گۋمانيتارلىق ىنتىماقتاستىقتى دامىتۋعا دا ۇلكەن ءمان بەرىلەدى»، - دەدى ەرمەك كوشەرباەۆ.

ايجان تەمىرحان

Abai.kz

5 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2276
عيبىرات

قايسار رۋحتى عازيز جان

مۇحتار قۇل-مۇحاممەد 3593