سەيسەنبى, 14 شىلدە 2020
COVID-19 قازاقستاندا. جۇقتىرعاندار — 61755. جازىلعاندار — 35911. قايتىس بولعاندار — 375
جاڭالىقتار 2242 0 پىكىر 25 شىلدە, 2012 ساعات 13:50

شارا قۇربانوۆا. «جەلتوقسان اقيقاتى» 7 ميلليون تەڭگە مە؟

«جەلتوقسان اقيقاتى» قوعامدىق بىرلەستىگىنىڭ مۇشەلەرىنىڭ اراسىندا تۋعان داۋ-دامايدىڭ باستالعانىنا ءبىراز ۋاقىت بولىپ قالدى. بۇل تۋرالى ەلىمىزدىڭ باتىس وڭىرىنەن شىعاتىن «التىن وردا» گازەتىندە، سوسىن «قازاقستان ZAMAN»، «جاس الاش» گازەتتەرىندە ماقالالار جاريالانعان بولاتىن.  اقيقاتقا اقيقات ىزدەپ كەلۋشىلەردىڭ ءبىرازى ەش سەبەپتەن-سەبەپسىز ۇيىمنان شەتتەتىلگەن ەدى. وسىعان بايلانىستى ون شاقتى نارازى توپ ۇيىم توراعاسى بەيسەنعازى ءسادۋۇلىنىڭ توراعالىقتان كەتۋىن تالاپ ەتىپ جۇرگەن جايى بار.  «ىزدەگەنگە سۇراعان» دەگەندەيىن، كەزەكتى وتپەي قالعان جينالىستا مۇنىڭ دا رەتى كەلگەندەي. «پق جەلتوقسان اقيقاتى» ۇيىمىنىڭ نارازى توبىنداعى مۇشەلەرى - جاقسىلىق تۇسايۇلى، الماگۇل مۇحامانوۆا، ءلاززات جاپاشەۆا، جۇلدىزاي بەيسەنباەۆا جانە اۋحان مۇقاتانوۆتار - ۇيىم توراعاسى بەيسەنعازىنىڭ كەڭسەگە كەلۋىن وتىنەدى. بەيسەنعازى ءسادۋۇلى مەن سايلاۋ لەپەس جانە ۇيىمنىڭ قالالىق ءتورايىمى كۇمىس كۇرگەنباەۆا ولارعا ەشقانداي جينالىستىڭ بولمايتىنىن ايتادى. الايدا، جاقسىلىق تۇسايۇلى - توراعا بەيسەنعازىعا وزدەرىنىڭ مامىردىڭ 29-نان بەرگى ءتۇزىپ قويعان حاتتامالارىمەن تانىسۋدى سۇرادى. بۇعان كەلىسپەگەن توراعا حاتتامانى تورتكە ءبولىپ، ول از بولعانداي جۇلدىزاي بەيسەنباەۆاعا قاراتا شاشىپ كەپ جىبەردى. 1986 جىلدىڭ جەلتوقسانىنىڭ باتىرى اتانىپ وتىرعان، 70 جاستىڭ شىرقاۋىنا كوتەرىلگەن جۇلدىزاي اپامىزعا ونىمەن قويماي، قازاق ءتىلىن دۇرىس بىلمەيتىنىن بەتىنە باسىپ، بالاعاتتاپ تا جىبەردى.

«جەلتوقسان اقيقاتى» قوعامدىق بىرلەستىگىنىڭ مۇشەلەرىنىڭ اراسىندا تۋعان داۋ-دامايدىڭ باستالعانىنا ءبىراز ۋاقىت بولىپ قالدى. بۇل تۋرالى ەلىمىزدىڭ باتىس وڭىرىنەن شىعاتىن «التىن وردا» گازەتىندە، سوسىن «قازاقستان ZAMAN»، «جاس الاش» گازەتتەرىندە ماقالالار جاريالانعان بولاتىن.  اقيقاتقا اقيقات ىزدەپ كەلۋشىلەردىڭ ءبىرازى ەش سەبەپتەن-سەبەپسىز ۇيىمنان شەتتەتىلگەن ەدى. وسىعان بايلانىستى ون شاقتى نارازى توپ ۇيىم توراعاسى بەيسەنعازى ءسادۋۇلىنىڭ توراعالىقتان كەتۋىن تالاپ ەتىپ جۇرگەن جايى بار.  «ىزدەگەنگە سۇراعان» دەگەندەيىن، كەزەكتى وتپەي قالعان جينالىستا مۇنىڭ دا رەتى كەلگەندەي. «پق جەلتوقسان اقيقاتى» ۇيىمىنىڭ نارازى توبىنداعى مۇشەلەرى - جاقسىلىق تۇسايۇلى، الماگۇل مۇحامانوۆا، ءلاززات جاپاشەۆا، جۇلدىزاي بەيسەنباەۆا جانە اۋحان مۇقاتانوۆتار - ۇيىم توراعاسى بەيسەنعازىنىڭ كەڭسەگە كەلۋىن وتىنەدى. بەيسەنعازى ءسادۋۇلى مەن سايلاۋ لەپەس جانە ۇيىمنىڭ قالالىق ءتورايىمى كۇمىس كۇرگەنباەۆا ولارعا ەشقانداي جينالىستىڭ بولمايتىنىن ايتادى. الايدا، جاقسىلىق تۇسايۇلى - توراعا بەيسەنعازىعا وزدەرىنىڭ مامىردىڭ 29-نان بەرگى ءتۇزىپ قويعان حاتتامالارىمەن تانىسۋدى سۇرادى. بۇعان كەلىسپەگەن توراعا حاتتامانى تورتكە ءبولىپ، ول از بولعانداي جۇلدىزاي بەيسەنباەۆاعا قاراتا شاشىپ كەپ جىبەردى. 1986 جىلدىڭ جەلتوقسانىنىڭ باتىرى اتانىپ وتىرعان، 70 جاستىڭ شىرقاۋىنا كوتەرىلگەن جۇلدىزاي اپامىزعا ونىمەن قويماي، قازاق ءتىلىن دۇرىس بىلمەيتىنىن بەتىنە باسىپ، بالاعاتتاپ تا جىبەردى. قول باستاپ جۇرگەن كوسەمنىڭ مۇنىسىنا قارسى كەلگەن اۋحان مۇقاتانوۆ اعامىز ول كىسىگە جونسىزدىگىن ايتقاندا، توراعا مەن ونىڭ ورىنباسارى سايلاۋ لەپەس 70-كە كەلگەن قاريانىڭ جاعاسىنان الدى. الايدا، جۇگىرۋدەن تالاي جۇلدەنى قانجىعاسىنا بايلاعان سپورتشى، مارافونشى اعامىزعا كۇشىمىز جەتپەي قالادى دەدى مە ەكەن، جانىنداعى سايلاۋ لەپەسپەن بىرىگە ءتۇسىپ اۋحان مۇحاتانوۆتى سوققىعا جىعادى. سول كۇنگى سوققىنىڭ اسەرىنەن باستان اۋىر جاراقات العان اقساقال مەن ونىڭ جانىنداعى جولداستارى، «جۇدىرىق يەلەرىن» تەز ارادا سوتقا بەردى. «جەلتوقسانشى اقساقال، مارافونشى اۋقان مۇقاتانوۆتى - «جەلتوقسان اقيقاتى» ۇيىمى توراعاسى بەيسەنعازى ءسادۋۇلى سوققىعا جىقتى» دەگەن نارازى قاۋىم تەز ارادا-اق ءباسپاسوز ءماسليحاتىن جاريالاعان ەدى. وسىعان بايلانىستى «جاس الاش» گازەتى توراعا بەيسەنعازى ءسادۋۇلىن جانە «جەلتوقسان اقيقاتى» بىرلەستىگىندەگى توراعا تاراپىنداعى مۇشەلەرىنىڭ جۇگەنسىزدىگىن ايىپتاپ، «جەر استىنان جىك شىقتى» اتتى ماقالا جاريالادى.  الايدا بۇل ماقالانى  «بىرجاقتى جازىلعان» دەپ كەلىسپەگەن بەيسەنعازى ءسادۋۇلىنىڭ تاراپىنداعى توپ وسى ماقالاعا وراي ءوزارا جينالىس وتكىزدى. ال بىراق وسى كۇنگى جينالىسقا نارازى توپتىڭ وكىلدەرى: - الماگۇل مۇحامانوۆا، ءلاززات جاپاشەۆا، جاقسىلىق تۇسايۇلى، شولپان انتاەۆا مۇراتقىزىنا - توراعا بەيسەنعازى ءسادۋۇلى سىرتقا شىعۋلارىن، ولاردىڭ «بۇگىنگى جينالىسقا ەشقانداي قاتىسى جوق» ەكەندىكتەرىن ەسكەرتتى. بىراق كەلگەن توپ وزدەرىنىڭ دە «جەلتوقسان اقيقاتىنىڭ» مۇشەلەرى ەكەندىگىن جانە وسى ۇيىمعا تالاي رەت ءوز ەڭبەكتەرىنىڭ سىڭگەندىگىن ايتىپ، جينالىستان كەتپەيتىندىكتەرىن ءبىلدىردى. جاقسىلىق تۇسايۇلى ۇسىنعان ەكىنشى حاتتامانى سايلاۋ لەپەس سول زاماتتا-اق جىرتىپ سالدى. بۇعان كەلىسپەگەن ولار قارسىلاسۋعا ءماجبۇر بولىپ، سوڭىندا، ەكى توپتىڭ داۋى قۇقىق قورعاۋ ورگاندارىنىڭ كومەگىنە جۇگىنۋگە تۋرا كەلدى. وسى كۇنگى بەس ساعاتقا سوزىلعان جينالىستا پوليتسيا وكىلدەرى «جەلتوقسان اقيقاتى» ۇيىمىنىڭ مەكەمەسىنە ءۇش رەت باس سۇقتى. نارازى توپ ءالى دە وزدەرىنىڭ - «ۇيىم توراعاسى ورنىنان كەتسىن، ءموردى تاپسىرسىن!» دەگەن تالاپتارىنان قايتار ەمەس. ولاردىڭ ىشىندە تالدىقورعان قالالىق ۇيىمىنىڭ ءتورايىمى بولىپ جۇمىس اتقارىپ جۇرگەن ءلاززات راحىمجانقىزى جاپاشەۆا ءوز سوزىندە بىلاي دەگەن ەدى:

- «بەيسەنعازى، ءسىز 7 ميلليون تەڭگەنى تەندەر بويىنشا الدىم دەيسىز. 7 ميلليوندى قازاقستان بويىنشا اندا-مۇندا بارىپ جۇمىستار اتقاردىم دەدىڭىز. ال پويىزعا بيلەتتى وزىڭىزگە عانا العان شىعارسىز. بىراق قاسىڭىزداعى 20 ادام بيلەتتى ءوز اقشامىزعا ساتىپ الدىق دەپ وتىر. باسقا دا ءىس-شارالارعا ۇيىم مۇشەلەرى ءوز قالتالارىنان اقشا جينايتىنىن ايتىپ وتىر. ءسىز جالپى، «جەلتوقسان اقيقاتىن»  ناسيحاتتاۋ ءۇشىن 7 ميلليون تەڭگەگە نە ىستەدىڭىز؟ تاۋەلسىزدىگىمىزدى، ەلباسىمىزدى ماداقتايتىن جۋرنال، بيلبوردتار مەن كىتاپتار شىعاردىڭىز با؟ «جەلتوقسان اقيقاتى» گازەتىنىڭ دە شىقپاي تۇرعانىنا ءبىراز ۋاقىت بولدى. وسى قارجىنىڭ جۇمسالۋ رەتىن دالەلدەپ، ۇيىم مۇشەلەرىنە ەسەپ بەرىڭىز! قازاقستاننىڭ «مەملەكەتتىك ساتىپ الۋ تۋرالى» زاڭى بار. وسىعان بايلانىستى 7 ميلليوندى قايدا جىبەردىڭىز؟»-دەگەن ساۋالداردى قويعان ەدى. بىراق توراعا جانە ۇيىم مۇشەسى سايلاۋ لەپەس ولاردىڭ ساۋالىنا جاۋاپ بەرۋدىڭ ورنىنا ءلاززات جاپاشەۆانى، ونىڭ جانىنداعى الماگۇل مۇحامانوۆانى  جينالىستان كۇشتەپ شىعارىپ تاستادى. بۇعان دەيىن ءلاززات جاپاشەۆا ءوز سوزىندە: - «وسىنداي جاعدايلاردى توراعاعا ايتقانىم ءۇشىن ول ماعان «سەنى ۇيىمنان شىعاردىم جانە قر 20 جىلدىعىنا سەنىڭ اتىڭا ەلباسىمىزدان مەدال بەرىلدى. بىراق ونى ساعان بەرمەيمىن» دەپ، كوپشىلىكتىڭ كوزىنشە «كەت!» دەگەندى ايتتى. الگى مەدال تۋرالى ول باسقاشا ەتىپ بىلاي دەيدى: - «ول مەدال ساعان بەرىلگەن جوق. قاتەلىك كەتىپتى. مەدال جاناليەۆا دەگەن جەلتوقسانشىعا بەرىلگەن ەكەن» دەپ مەنىڭ فاميليامدى ءوز ەركىمەن وزگەرتىپ وتىر. رقب ۇجىمىندا «جاناليەۆا ليازات راحيمجانوۆنا 30.01.1970 جىلى تۋعان» دەگەن ادام جوق! مىنە، وسىنداي ارەكەتتەردەن سوڭ بۇل جەردە قالاي جۇمىس ىستەۋىڭە بولادى؟ كەشە عانا قىرانداردىڭ ۇياسى بولعان «جەلتوقسان اقيقاتى» - بۇگىنگى كۇنى شىمشىقتاردىڭ قارا توبىرىنا اينالدى!» - دەيدى.

 

بۇگىندە وسى ۋشىققان ماسەلەگە بايلانىستى سوتقا بەرىلگەن توراعا بەيسەنعازى ءسادۋۇلى مەن سايلاۋ لەپەستى قارالاۋشىلار - 1986 جىلداعى قازاق جاستارىنىڭ جەلتوقسانداعى كوتەرىلىسى كەزىندە بەيسەنعازىنىڭ ميليتسيادا قىزمەت ەتكەندىگىن ايتادى. الايدا، ولار بۇل اقپاراتتىڭ  قازىر تەكسەرۋ ۇستىندە ەكەندىگىن جەتكىزدى. ولاردىڭ پىكىرىنشە، سول جەلتوقساندا قازاق جاستارىنا قارسى تۇرعان ميليتسيا قىزمەتكەرى بۇگىندە جەلتوقسان ۇيىمىن باسقارۋى ءتيىس ەمەس. ءتىپتى، ولار بەيسەنعازى ءسادۋۇلىنىڭ ايەل ادامدارعا - سونىڭ ىشىندە الماگۇل مەن لاززاتقا جينالىستاردا تالاي رەت قول كوتەرگەندىگىن ءسوز ەتەدى. وتكەندەگى ءباسپاسوز ءماسليحاتىندا ءلاززات جاپاشەۆا مەن الماگۇل مۇحامانوۆا:

- «سوناۋ 86-نىڭ جەلتوقسانىنىڭ قاقاعان ايازىندا قىزداردى قورعاشتاپ، كەۋدەسىن ساپەر كۇرەكتەرگە توسقان قازاقتىڭ جىگىتتەرى ازامات ەدى. ال بۇگىندە، جەلتوقساننىڭ كەزىندە ميليتسيا قىزمەتىندە جۇرگەن بەيسەنعازى، ءوزىنىڭ سول دورەكىلىگىنە سالىپ، ۇيىمداعى ايەلدەرگە ىلعي قول كوتەرەدى. ءبىز ودان تەك بىرلەستىكتىڭ جارعىسى بويىنشا جۇمىس ىستەۋىن تالاپ ەتىپ ءجۇرمىز. ءىس شارالارىندا رقب-نىڭ جارلىعىن قولدانباي، ۋستاۆتان تىس جۇمىستار ءجۇرىپ جاتىر. قانشاما ۇسىنىستار، تالاپتار جىبەرىلدى. ەشقايسىسىنا جاۋاپ جوق. جۇمسالعان قارجى تۋرالى ەسەپ بەرۋىن تالاپ ەتكەندە ءتىپتى اۋىز اشتىرماي كەلەدى»، - دەگەن بولاتىن.

بىراق بەيسەنعازى ءسادۋۇلى ءوزىنىڭ 1994 جىلدان باستاپ ميليتسيادا قىزمەتتە بولعانىن جانە مايور اتاعىن العاندىعىن مالىمدەيدى.

بەيسەنعازى ءسادۋۇلى جاريالاعان ءباسپاسوز مالىمدەمەسىندە، وسى 86-جىلعى جەلتوقساننىڭ بۇگىندە شەجىرەسىن جازىپ جۇرگەن جازۋشى تالعات ايتبايۇلى قازىرگى «جەلتوقسان اقيقاتى» بىرلەستىگىندەگى ءبىراز كەمشىلىكتەردى اتاي كەلە بىلاي دەدى:

- «جەلتوقسان اقيقاتىنىڭ» مۇشەلەرىن نەگە شىعارىپ تاستايسىزدار؟ بۇعان ەشقانداي قۇقىلارىڭىز جوق. ويتكەنى، ولاردىڭ ءبارى دە جەلتوقسانشىلار. ولاردى ءوز جۇمىستارىڭدا پايدالانعاندارىڭىز راس! بۇل تاريحتا جەلتوقساندىقتاردىڭ جانە حالىقتىڭ مۇددەسى ساقتاۋلى تۇر. ال ەندى بىرلەستىكتىڭ توراعاسى - بۇگىندە اقساقالعا قول كوتەرگەنىڭ قالاي؟ مۇنداعى ايەلدەرگە نەگە قول كوتەرەسىڭ؟ مۇنىڭ قولباسشى بولار ازاماتقا سىن»، - دەگەندى كەسىپ ايتتى.

 

ۇيىمنان شەتتەتىلگەن توپ ءوز نارازىلىقتارى جايلى 2012 جىلدىڭ 29-شى مامىرىندا الماتى قالالىق اۋەزوۆ اۋدانى اكىمشىلىگىنە شاعىمدانعان ەكەن. وسىعان بايلانىستى اكىمشىلىكتەن 2012 جىلى شىلدەنىڭ 16-سى كۇنى كەلگەن حاتتا: «اۋەزوۆ اۋدانى اكىمىنىڭ اپپاراتى «جەلتوقسان اقيقاتى» رەسپۋبليكالىق قوعامدىق بىرلەستىگىنىڭ قۇرىلتايشىلار مۇشەلەرىنىڭ 2012 جىلدىڭ 29 مامىرىندا قابىلدانعان شەشىمىن مۇقيات قاراستىردى. قۇرىلتايشىلار شەشىمىنە سايكەس، ب. نۇكەن ورنىنان بوساتىلىپ، اتالعان ۇيىم توراعاسىنىڭ ۋاقىتشا مىندەتىن اتقارۋشى رەتىندە ج. جەكسەمباەۆتىڭ تاعايىندالعانى نازارعا الىندى. س.سايفەدەنوۆ»، - دەپ جازىلىپتى. سوندا، قۇرىلتايشىلاردىڭ شىعارعان شەشىمىنە سايكەس مۇنان بىلاي «جەلتوقسان اقيقاتىن» جاقسىلىق جەكسەمباەۆ باسقارادى ما؟ ال بەيسەنعازى ءسادۋۇلىنىڭ جاعىنداعى توپ بۇعان نە دەر ەكەن؟ داۋدىڭ باسى - تەندەرگە تۇسكەن 7 ميلليوننان باستاۋ العانى بۇگىندە بارشا جەلتوقساندىقتارعا ايان بولدى.

كەلەسى، بەيسەنعازى ءسادۋۇلىنىڭ تاراپىنداعى توپتىڭ وتكىزگەن ءباسپاسوز ءماسليحاتىندا -مۇنىڭ الدىنداعى داۋدىڭ ارى قاراي ۋشىعا تۇسۋىنە سەبەپ بولعان - جۇلدىزاي بەيسەنباەۆانىڭ، اۋقان مۇقاتانوۆ پەن بەيسەنعازى ءسادۋۇلىنىڭ، سايلاۋ لەپەستىڭ اراسىنداعى ورىن العان قاقتىعىستاردى - سايلاۋ لەپەس پەن  قالالىق ۇيىمنىڭ ءتورايىمى كۇمىس كۇرگەنباەۆانىڭ ايتۋىنشا - «اۋقان اقساقال بايقاۋسىزدا جەرگە قاتتى قۇلاعان. وعان ەشكىم ادەيىلەپ قول جۇمساعان جوق» دەگەندى ايتادى. بەيسەنعازى ءسادۋۇلىنىڭ جاقتاستارى وزدەرى جاريالاعان ءباسپاسوز مالىمدەمەسىندە - «پق جەلتوقسان اقيقاتى» رەسپۋبليكالىق قوعامدىق بىرلەستىگىنىڭ توراعاسى بەيسەنعازى ءسادۋۇلىنا جاسالعان ادىلەتسىز قىپ-قىزىل جالا، نە بولماسا ۇيىم مۇشەلەرىنىڭ اراسىنا تۋعىزاتىن ىرىتكى دەپ بىلەمىز»،-دەي وتىرىپ، وزدەرىنىڭ ۇستىنەن شاعىمدانۋشى توپقا - توراعا بەيسەنعازى ءسادۋۇلىنىڭ ۇيىمنىڭ قانداي مۇلكىن تالان-تاراجعا سالعاندىعىن، ىنتالى توپ مۇشەلەرىنىڭ قايسىسىن تىزىمنەن الىپ تاستاعاندىعىن زاڭدى انىقتاماسىمەن اتىن اتاپ كورسەتۋىن، توراعانىڭ جينالىستا كىمدەرگە ءجابىر كورسەتكەندەرىن، توراعانىڭ اينالاسىنا جينالعان تۋىسقاندارىنىڭ كىمدەر ەكەندىگىن اتاپ كورسەتۋىن، 20 جىلدىققا اتاپ بەرىلگەن مەدالداردىڭ جەلتوقسانشى ەمەستەرگە بەرگەندەرىن دالەلدەۋىن، سوسىن ۇيىمعا تۇسكەن ميلليونداعان اقشانى انىقتاپ بەرۋىن سۇراپ تالاپ ەتىپ وتىر. ەگەر وزدەرىن ايىپتاپ وتىرعان نارازى توپ وسى تالاپتارعا جاۋاپ بەرىپ، دالەلدەمەلەر كورسەتپەسە، وزدەرىنە جالا جاۋىپ وتىرعاندىعى جونىندە سوتقا ارىزداناتىنىن جەتكىزدى. سونداي-اق، توراعا تاراپىنداعىلار - «جاس الاش» گازەتىنىڭ وزدەرىن ايىپتايتىن بىرجاقتى ەتىپ جازىلعان ماقالاسىن جانە  «الماتى» تەلەارناسىنىڭ تەلەجۋرناليستىنىڭ ءوز سوزىندە: «...ءباسپاسوز ءماسليحاتىنا قاتىسقان جەلتوقساندىق باسقا دا ۇيىم توراعالارى ايقاي-شۋ شىققان سوڭ نارازى بولىپ شىعىپ كەتتى» دەگەن سوزدەرىن ارانداتۋشىلىق دەپ قابىلدادى. بىراق سول كۇنگى ءباسپاسوز ءماسليحاتىنا كەلىپ قاتىسقان باسقا دا جەلتوقسانشى ۇيىمداردىڭ توراعالارى بۇل «دودانى» ۇيىم مۇشەلەرىنىڭ اراسىنداعى ءوزارا ماسەلەلەرى دەپ شىعىپ كەتكەن بولاتىن.

 

توراعا تاراپىنداعىلار جينالىستاردا ءجيى-ءجيى اۋىزعا الىنا بەرگەن 2010 جىلعى تەندەردىڭ قارجىسىنىڭ قايدا جۇمسالعانى جونىندە، بەيسەنعازى ءسادۋۇلى وزدەرىنىڭ مادەنيەت مينيسترلىگىنە ەسەپ بەرگەندىكتەرىن ايتىپ وتكەن ەدى. تاعى دا باسقا وزدەرىنىڭ وسى كۇنگە دەيىن 117 ءىس-شارا ۇيىمداستىرعاندارىن اتاپ ءوتتى.

ال بۇگىندە قاسيەتتى رامازان ايىنىڭ العاشقى كۇنىندە بەيسەنعازى ءسادۋۇلى مەن سايلاۋ لەپەستىڭ ارەكەتىنە بايلانىستى - الماتى قالالىق مامانداندىرىلعان اۋدانارالىق اكىمشىلىگىندە ساعات 10-دا وتكىزىلەدى دەپ شەشكەن سوت باسقا كۇنگە قالدىرىلدى. سەبەبى، سۋديا عالىم كەلدىباەۆتىڭ انىقتاۋى بويىنشا بىلاي دەپ ايتىلعان:

«ۆوزۆراتيت دەلو وب ادمينيستراتيۆنوم پراۆونارۋشەني ۆ وتنوشەني لەپەسوۆا سايلاۋ بيرتايۋلى ي نۋكەن بەيسەنگازى سادۋلى ۆ سوۆەرشەني پراۆونارۋشەنيا، پرەدۋسموترەننوگو ست. 79-3 چ.2 كودەكسا رك وب اپ ۆ بوستاندىكسكوە رۋۆد گ. الماتى دليا نادلەجاششەگو وفورملەنيا ي ۆوزبۋجدەنيا ۋگولوۆنوگو دەلا.

وپرەدەلەنيە وبجالوۆانيۋ نە پودلەجيت. سۋديا گ.پ.كەلدىباەۆ»، - دەگەن انىقتامالىقتى ارىزدانۋشىلارعا تاپسىردى. ۇيىم توراعاسىنا قارسى «شابۋىلداپ» جۇرگەن نارازى توپ - كەلەشەكتە جەلتوقسان پارتياسىن قۇراتىندىعىن جانە مۇنى ەلىمىزدىڭ تۇكپىر-تۇكپىرىندەگى «جەلتوقسان اقيقاتى» ۇيىمىنىڭ وبلىستىق فيليالدارى توراعالارى قولدايتىنىن جەتكىزدى.

مىنە، وسىلاي كەيىنگى كەزدە ايتەۋىر، وزىمەن-ءوزى قىرقىسقان ءبىر توپتاردى عانا كورەسىڭ.

كەشە قوعامدىق قوزعالىستار بولىپ قۇرىلعان ۇيىمدار - «ۇلت ءۇشىن ولەمىن!» دەپ كوكىرەگىن قاققاندا كەرەمەت ەدى. سونىڭ ءبىرى «جەلتوقسان اقيقاتى» ۇيىمى وزدەرىنىڭ يگى جۇمىستارىمەن ەل الدىندا كورىنىپ، ماقتانىشقا اينالىپ كەلە جاتقان ەدى. ال بۇگىن ولاردىڭ اراسىنا دا جىك ءتۇستى. نە ءۇشىن؟ اينالىپ كەلگەندە - «داۋدىڭ باسى دايرابايدىڭ كوك سيىرى»  دەگەندەيىن، باستى ماسەلە تەندەردەن تۇسكەن 7 ميلليوننىڭ ىزىنە   شام الىپ تۇسكەندەر تەگەۋرىندەپ العان بەتتەرىنەن قايتار ەمەس.

«اباي-اقپارات»

0 پىكىر