قازاقستانمەن شەكارالاس ءنوۆوسىبىر وبلىسىنداعى «كاراسۋك» فيتوسانيتارلىق باقىلاۋ بەكەتىندە  كارانتيندىك تالاپتار بويىنشا رۇقسات ەتىلمەيتىن 281,5 توننا ءونىمدى رەسەيگە وتكىزبەكشى بولعان كولىك توقتاتىلدى. بۇل جاعدايدى 8-14 قاراشا ارالىعىندا ۆەتەرينارلىق جانە فيتوسانيتارلىق قاداعالاۋ جونىندەگى فەدەرالدى قىزمەت وكىلدەرى حابارلاعان.

وزبەكستان رەسپۋبليكاسىنان شىققان قۇرما، ءجۇزىم، ارشىلعان جەرجاڭعاق سياقتى ونىمدەردىڭ فيتوسانيتارلىق سەرتيفيكاتى بولماعاندىقتان جۇكتى الىپ كىرۋگە تيىم سالعان.

قاراشا ايىنىڭ باسىنان بەرى ورىنبور ارقىلى قازاقستان جانە قىرعىزستاننان شىعارىلعان فيتوسانيتاريالىق قاۋپى جوعارى دەپ سانالاتىن كارانتيندىك شەكتەۋ قويىلعان ونىمدەردى 12 رەت زاڭسىز الىپ كىرۋ ارەكەتى تىركەلگەن.

قازاقستاننان 21,28 توننا كۇرىش پەن پىسكەن پومەلو، 123,49 توننا بۇرىش، قۇرما، جاڭعاقتار مەن كەپكەن جەمىستەر جارامسىز فيتوسانيتارلىق سەرتيفيكاتپەن رەسەي اۋماعىنا كىرگەن. ال، كۇرىش داقىلىنىڭ ساپاسى مەن قاۋىپسىزدىگىن كۋالاندىراتىن تاڭبا دا، قۇجات تا بولماعان.

Abai.kz