جاندوس بۇركىتباەۆقا دەنساۋلىق ساقتاۋ ءمينيسترى مىندەتىن اتقارۋ جۇكتەلدى. بۇل اقپاراتتى قر دەنساۋلىق ساقتاۋ مينيسترلىگىنىڭ ءباسپاسوز قىزمەتى راستادى. 

ايتا كەتەيىك، بۇعان دەيىن جاندوس بۇركىتباەۆ دەنساۋلىق ساقتاۋ ۆيتسە-ءمينيسترى قىزمەتىن اتقارىپ كەلگەن بولاتىن. جاندوس بۇركىتباەۆ 1972 جىلى 27 اقپاندا جامبىل وبلىسىندا دۇنيەگە كەلگەن.

1996 جىلى C. اسفەندياروۆ اتىنداعى الماتى ۇلتتىق مەديتسينا ۋنيۆەرسيتەتىن (ەمدەۋ ءىسى), 2003 جىلى ل. گۋميلەۆ اتىنداعى ەۋرازيا ۇلتتىق ۋنيۆەرسيتەتىن (مەملەكەتتىك جانە جەرگىلىكتى باسقارۋ), 2007 جىلى وڭتۇستىك قازاقستان مەملەكەتتىك مەديتسينا اكادەمياسىن (فارماتسيا), 2018 جىلى قدسجم قازاقستان مەديتسينا ۋنيۆەرسيتەتىن، 2020 جىلى «تۇران-استانا» ۋنيۆەرسيتەتىن قۇقىقتانۋ ماماندىعى بويىنشا تامامداعان. رەسەي فەدەراتسياسىنىڭ دەنساۋلىق ساقتاۋ مينيسترلىگىنىڭ ن.ي. پيروگوۆ اتىنداعى ۇلتتىق مەديكو-حيرۋرگيالىق ورتالىعىنىڭ دوكتورانتى.

ەڭبەك جولى: الماتى قالاسىنداعى شۇعىل مەديتسينالىق كومەكتىڭ قالالىق كلينيكالىق اۋرۋحاناسىنىڭ دارىگەرى (1996-1998); الماتى قالاسىنداعى رەسپۋبليكالىق اپاتتار مەديتسيناسى ورتالىعىنىڭ دارىگەرى (1998-1999); قازاقستان رەسپۋبليكاسى دەنساۋلىق ساقتاۋ، ءبىلىم جانە سپورت مينيسترلىگىنىڭ، ءبىلىم جانە عىلىم باسقارماسىنىڭ باس مامانى (1999-2000); قازاقستان رەسپۋبليكاسى دەنساۋلىق ساقتاۋ ىستەرى جونىندەگى اگەنتتىگىنىڭ ءدارى-دارمەك ساياساتى، مەديتسينالىق جانە فارماتسەۆتيكالىق ونەركاسىپتى دامىتۋ، ۇيىمداستىرۋ-باقىلاۋ جۇمىسى ءبولىمىنىڭ باس مامانى (2000-2001); قر دسم فارماتسەۆتيكالىق جانە مەديتسينالىق ونەركاسىپ جانە اقپاراتتىق-تالدامالىق سۇيەمەلدەۋ ءبولىمىنىڭ باستىعى (2001-2002); قر دسم فارماتسەۆتيكالىق جانە مەديتسينالىق ونەركاسىپ جانە ءدارى-دارمەك ساياساتى باسقارماسىنىڭ باستىعى (2002-2004); «اقتوبەرەنتگەن» اق كەڭەسشىسى (2005-2007); قر پارلامەنت ءماجىلىسىنىڭ الەۋمەتتىك-مادەني دامۋ بويىنشا كوميتەتىنىڭ قىزمەتتى قامتاماسىز ەتۋ ءبولىمى مەڭگەرۋشىسىنىڭ ورىنباسارى (2007-2008); استانا قالاسىنىڭ «قان ورتالىعى» شجق قكك باسشىسى (2008-2011); قر دەنساۋلىق قر دسم «ترانسفۋزيولوگيا عىلىمي-وندىرىستىك ورتالىعى» شجق (2011-2019); قر دسم «ۇلتتىق عىلىمي ونكولوگيالىق ورتالىق» جشس باسقارما توراعاسى (2019-2021).

ۆيتسە-مينيستر قىزمەتىندە – 2021 جىلدىڭ قاڭتارىنان بەرى.

Abai.kz