قازاق اۋدارماسى جەتىم بالانىڭ كۇيىن كەشۋدە. ءتارجىماشىلاردىڭ باسىن قوساتىن ارنايى بىرلەستىك پەن ۇيىمنىڭ جوقتىعى ەشكىمنىڭ باسىن اۋىرتپاۋدا.

ەشكىمدە اۋدارماشىلارسىز قازاق ءتىلىنىڭ كوسەگەسى كوگەرمەيتىنىن  30 جىل بويى تۇسىنبەي كەلە جاتقانى، وتە وكىنىشتى. گۇرجىلەر مەن ارمەندەر ءبىر كۇن 20 اۋدارما كىتاپ دەگەن مەملەكەتشىلىك رۋحپەن ءومىر سۇرەدى. 400-500 بەتتىك اعىلشىن جانە وزگە تىلدەن ءبىر كۇندە 400-500 تارجىماشىعا ءبولىپ بەرىپ، اۋدارىپ تاستايدى. سودان كەيىن 2 كۇندە سالا ماماندارىنا كەم كەتىگىن تۇزەتىپ، ءۇشىنشى كۇنى ۇلتىنا ۇسىنادى. جانە جاڭاعى شەكەدەن شەرتىپ تاڭدالىنىپ الىنعان 400-500 ادام ەش اقى سۇرامايدى. ۇلتىمنىڭ كادەسىنە ەكى ساعاتىمدى ارناپ جارادىم دەپ كەۋدەسىن ۇرىپ ماقتانادى. ءبىز شە؟

بىزدە قولىنان اۋدارما كەلەتىن، ءتۇرلى سالانىڭ كىتاپتارىن پارسى، اراب، تۇرىك، قىتاي جانە اعىلشىن مەن ورىستان ءتارجىمالاي بىلەتىن 1 ملن مەن 500 مىڭ ينتەللەكتۋالدى زور كۇش-قۋاتقا يەمىز. وسى ءىرى الەۋەتتى توپتى تەندەرگە جەم قىلىپ كەلەمىز. ەۋروازيالىق ەكونوميكالىق وداققا مۇشە بولساق تا، باسپا سالاسىن دامىتاتىن، قاعاز ءوندىرىسىن، باسپا ونىمدەرىنىڭ شيكىزاتىن رف تاسيتىن باتىل قادامعا نەگە بارمايمىز؟.. قازاق اۋدارماسىن كينو مەن تەلەونىمدەردى انا تىلىمىزگە اۋدارۋ ءۇشىن جۇرت بولىپ جۇمىلمايمىز. نەمەرەمىز بەن بالامىزدىڭ ءتىلى ورىسشا شىعۋدا دەپ زارلايمىز. وكىمەت ءبارىن ىستەيدى دەگەن ماسىلدىق سانادان ارىلىپ، اقشا تولەمەسە نەسىنە جىنىگەم دەگەن پەندەشىلىك ويدان ادالانىپ، مەن ۇلتىم ءۇشىن نە ىستەدىم دەگەن پالساپالىق ساۋالدى وزىمىزگە ءجيى قويساق. ەگەر وسى توپ ارقايسى كۇنىنە 5 مينۋتتىق ءبىر بالالار تۋىندىسىن اۋدارىپ وتىرسا، قازاق تىلىندەگى بەينەكونتەنتتەر سانى ارتادى.

بىزدە بىردە-ءبىر ونلاين اۋارما كىتاپحانا جوق! بۇنى نەمەن تۇسىندىرەمىز؟

بارىس جىلى وسى باعىتتا بالالار مەن جاسوسپىرىمدەر ءۇشىن اۋدارما كىتاپ پەن بەينەكينو ونىمدەردى سەل سۋىنداي تاسقىنداتتايىق! ءار ايماقتا اۋدارماشىلار بولىمشەلەرىن ومىرگە اكەلۋگە قول جەتكىزەيىك! لايىم سولاي بولسىن!

ءابىل-سەرىك الىاكبار

Abai.kz