قر مەملەكەتتىك حاتشىسى ەرلان قارين ۇجىمدىق قاۋىپسىزدىك تۋرالى شارت ۇيىمىنىڭ بىتىمگەرلىك كونتينگەنتىن ەلگە الدىرۋ قادامى تۋرالى پىكىر ءبىلدىردى. بۇل تۋرالى قازاقپارات سايتى حابارلادى.

«پرەزيدەنتتىڭ شەشىمتال ارەكەتتەرى ەلدە تۇراقسىزدىق ورناتۋ تۋرالى جسپاردى بۇزدى. ونىڭ ىشىندە ۇجىمدىق قاۋىپسىزدىك تۋرالى شارت ۇيىمىنىڭ بىتىمگەرلىك كونتينگەنتىن شاقىرۋ شەشىمى دە بار. بۇل ءسوزسىز. بۇل جەردە مەن كەيبىر «ساراپشىلاردىڭ» اراسىندا ءتۇرلى سپەكۋلياتسيالاردى كورىپ وتىرمىن»، - دەدى ەرلان قارين «حابار 24» تەلەارناسىنا بەرگەن سۇحباتىندا.

ونىڭ ايتۋىنشا، قازاقستاندا بولىپ جاتقان جاعدايدى سىرتتان تون ءپىشىپ، ەسكى ستەرەوتيپتەرمەن باعالاۋ ءۇردىسى بايقالىپ وتىر.

«وكىنىشكە قاراي، ولار بۇل وقيعالاردى ترافارەت بويىنشا باعالاۋدا. ەسكى شابلونمەن باعالاۋ ارقىلى قوعام پىكىرىنە مانيپۋلياتسيا ءجۇرىپ جاتىر. قالىپتاسىپ قالعان ستەرەوتيپتەر ارقىلى بەيبىت قارسىلىقتار مەن اكتسيالاردىڭ اياسىنداعى جاپپاي تارتىپسىزدىك دەپ كورسەتۋگە تىرىسۋدا. ونىڭ ۇستىنە ۇقشۇ بىتىمگەرلىك كونتينگەنتىن شاقىرۋ تاقىرىبىن ۋشىقتىرىپ جاتىر. بىراق وتە شەتىن احۋال بولعان ەدى. مەملەكەتتىڭ تۇتاستىعىن ساقتاۋ بويىنشا سونشالىق شەتىن احۋال تۋىنداعان بولاتىن»، - دەدى مەملەكەتتىك حاتشى.

Abai.kz