ۆاتيكان مەن قىتايدان قانداي قۇجاتتار تابىلدى؟
قازاقستان تاريحى قايتا جازىلىپ جاتىر ما، الدە ءبىز وسى ۋاقىتقا دەيىن ءوز وتكەنىمىزدىڭ تەك «شەت-جاعاسىمەن» عانا تانىس بولدىق پا؟
مەملەكەتتىك كەڭەسشى (پرەزيدەنت اكىمشىلىگى باسشىسىنىڭ ءبىرىنشى ورىنباسارى) ەرلان قارين قازاقستان تاريحىنا ارنالعان جاڭا اكادەميالىق كوپتومدىقتىڭ دايىندىق جۇمىستارىنا قاتىستى سەنساتسيالىق مالىمدەمە جاسادى. ونىڭ ايتۋىنشا، بۇل ەڭبەك عىلىمي اينالىمعا وسىعان دەيىن ەش جەردە جاريالانباعان، مۇلدەم بەيمالىم قۇجاتتار تاسقىنىن الىپ كەلمەك!
بۇل نە قىلعان قۇجاتتار؟
- گەوگرافيا اۋقىمى تاڭعالدىرادى: اكادەميالىق باسىلىمدى دايىنداۋ ءۇشىن 90 مۇراعات پەن مۇراجايدىڭ ماتەريالدارى زەرتتەلگەن. ونىڭ 35-ءى — شەتەلدىك ارحيۆتەر!
- ساندار سويلەيدى: عالىمدار 5 مىڭنان استام مۇراعاتتىق دەرەكتەردى ىندەتە زەرتتەپ شىققان.
- باستى ينتريگا: ەرلان كارين اتاپ وتكەندەي، مۇلدەم جاڭا، بۇرىن-سوڭدى ەشكىمنىڭ قولى تيمەگەن بىرەگەي ماتەريالدار ۆاتيكان مەن قىتايدىڭ جابىق ارحيۆتەرىنەن تابىلعان!
بۇل دەگەنىمىز — ءبىزدىڭ مەملەكەتتىلىگىمىز بەن دالا وركەنيەتىمىزدىڭ تاريحىنداعى كوپتەگەن اقتاڭداقتار مەن جۇمباق سۇراقتاردىڭ جاۋابى تابىلدى دەگەن ءسوز. ريم پاپالارىنىڭ حاتتارى مەن قىتاي يمپەراتورلارىنىڭ قۇپيا جازبالارىندا قازاق دالاسى تۋرالى نە ايتىلعان؟ ءبىزدى الدا قانداي تاريحي جاڭالىقتار كۇتىپ تۇر؟
كوپتومدىقتى ازىرلەۋ جونىندەگى رەداكتسيالىق القانىڭ سوڭعى، 14-ءشى وتىرىسى ءوتىپ، نەگىزگى عىلىمي كەزەڭ اياقتالدى. ەندىگى كەزەك — ءماتىندى ادەبي وڭدەۋ، كارتالار مەن يلليۋستراتسيالاردى تسيفرلىق فورماتقا وتكىزۋ جانە كىتاپتى باسۋ جۇمىستارى. تەزىرەك وقىرمانعا جول تارتسا ەكەن دەيمىز!
Abai.kz
