28-قاڭتار كۇنى «Nur Otan» پارتياسىنىڭ كەزەكتەن تىس XXI سەزى جۇمىسىن باستادى، وعان ەلىمىزدىڭ بارلىق وڭىرىنەن 389 دەلەگات ونلاين-فورماتتا قاتىسىپ جاتىر. 

سەزگە بەينەكونفەرەنتسبايلانىسى رەجيمىندە ەل باسشىلىعى، ساياسي كەڭەس مۇشەلەرى، ايماقتىق فيليالدار وكىلدەرى، دەپۋتاتتار مەن ۇكىمەت مۇشەلەرى قاتىسۋدا. بۇگىنگى سەزدە پارتيانىڭ توراعاسىن سايلاۋ، جارعىعا وزگەرىستەر مەن تولىقتىرۋلار ەنگىزۋ، ساياسي كەڭەس قۇرامىنا وزگەرىستەر ەنگىزۋ تۋرالى ماسەلەلەر تالقىلانۋدا.

سەزد بارىسىندا پارتيانىڭ كەزەكتەن تىس XXI سەزىنىڭ شەشىمىمەن قازاقستان رەسپۋبليكاسىنىڭ پرەزيدەنتى قاسىم-جومارت كەمەلۇلى توقاەۆ ءبىراۋىزدان «Nur Otan» پارتياسىنىڭ توراعاسى بولىپ سايلاندى.

پرەزيدەنت ءسوز الىپ: «Nur Otan» پارتياسىنا توراعالىق ەتۋ – اسا جاۋاپتى جۇمىس. وسى مىندەتتى اتقارۋدى ماعان ۇسىنىپ، قولداۋ كورسەتكەندەرىڭىز ءۇشىن شىنايى ريزاشىلىعىمدى بىلدىرەمىن - دەدى.

Abai.kz