ءماجىلىس سپيكەرى ەرلان قوشانوۆتىڭ توراعالىعىمەن بيۋرو وتىرىسى ءوتىپ، وندا الداعى جالپى وتىرىستىڭ كۇن ءتارتىبى ناقتىلاندى. دەپۋتاتتارعا سىبايلاس جەمقورلىققا قارسى ءىس-قيمىل ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى زاڭ جوباسىن ءبىرىنشى وقىلىمدا قاراۋ ۇسىنىلدى.

زاڭ جوباسىندا مەملەكەتتىك قىزمەتشىلەر، ولارعا تەڭەستىرىلگەن ادامدار، ولاردىڭ جۇبايلارى شىعىستارىنىڭ اتالعان ادامداردىڭ كىرىستەرىنە سايكەستىگىن باقىلاۋ ەنگىزىلەدى ءارى فيسكالدىق جانە مانساپتىق سانكتسيالار بەلگىلەنەدى. بۇل رەتتە ءاربىر جاعدايدا ادامعا شىعىستارىنىڭ زاڭدىلىعىن نەگىزدەۋ مۇمكىندىگى بەرىلەتىن بولادى. اتالعان جاڭالىقتاردى حالىقتى جالپىعا بىردەي دەكلاراتسيالاۋمەن تولىق اۋقىمدى قامتۋدى ەسكەرە وتىرىپ، 2027 جىلدان باستاپ قولدانىسقا ەنگىزۋ جوسپارلانىپ وتىر. تۇزەتۋلەردىڭ ەكىنشى بلوگى سىبايلاس جەمقورلىق فاكتىلەرى تۋرالى حابارلاعان ادامداردى قورعاۋ جۇيەسىن قالىپتاستىرۋعا باعىتتالعان.

سونىمەن قاتار ءماجىلىس بيۋروسى «جاڭا قازاقستان» دەپۋتاتتىق توبىن تىركەدى.

Abai.kz