جازۋشى تابىل قۇلىياس دۇنيەدەن ءوتتى
![](https://abai.kz/content/uploads/2022/02/07ff1854efd35d2272dc0544fb249198.jpg)
جازۋشى، ساتيريك، قر ەڭبەك سىڭىرگەن قايراتكەرى، حالىقارالىق الاش ادەبي سىيلىعىنىڭ يەگەرى تابىل قۇلىياس دۇنيەدەن ءوتتى.
تابىل قۇلىياس - 1935 جىلى 15 جەلتوقساندا اقتوبە وبلىسى، ويىل اۋدانى، «قاراكول» كەڭشارىندا تۋعان. 1978 جىلى قازمۇۋ-دى بىتىرگەن. 1950 جىلدان باستاپ رەسپۋبليكالىق «پيونەر» جۋرنالى، «قازاقستان پيونەرى» (قازىرگى «ۋلان»), «لەنينشىل جاس» (قازىرگى «جاس الاش») گازەتتەرىندە ماقالا، ولەڭدەرى شىعىپ تۇردى. 1957 جىلدان ويىل اۋداندىق «ەڭبەك تۋى»، «جارشى» گازەتتەرىندە ايماقتىق، رەسپۋبليكالىق باسىلىمدار دا وچەركتەرى جاريالانا باستادى. «كوكشەتاۋ پراۆداسى»، جامبىل وبلىستىق «ەڭبەك تۋى» گازەتتەرىندە قىزمەت ىستەگەن. 1970 جىلى رەسپۋبليكالىق تەلە-راديونىڭ تورعاي، اقمولا وبلىستارىنداعى مەنشىكتى ءتىلشىسى، قازاق تەلەۆيدەنيەسىنىڭ ناسيحات رەداكتسياسىندا رەداكتور قىزمەتىن اتقارا ءجۇرىپ، «جەبە» ساتيرالىق جۋرنالىن شىعاردى. تۇڭعىش ساتيرالىق كىتابى «كەسىلگەن بۇرىم» 1977 جىلى جارىق كوردى. «ساۋدا ساقال سيپاعانشا»، «قوڭىراۋلى كۇلكى-گرامما »، « جالماۋىز »، « قۇيىن »، «اقمىلتىق» (ەكى توم), «جەگى» ساتيرالىق كىتاپتارى، «شەمەن شەر»، «دۇنيە داۋرەن»، «ىزەت» سياقتى وچەركتەرى، جيەنعالي تىلەپبەرگەنوۆ تۋرالى «اڭىز ىزىمەن» رومانى شىقتى . لكجو-نىڭ قۇرمەت گراموتاسىمەن، «تىڭ يگەرگەنى ءۇشىن»، «ەڭبەك ارداگەرى» مەدالدارىمەن ماراپاتتالعان. ب. قىدىربەكۇلى اتىنداعى سىيلىقتىڭلاۋرەاتى، ويىل اۋدانىنىڭ قۇرمەتتى ازاماتى، قازاقستاننىڭ ەڭبەك سىڭىرگەن قايراتكەرى.
Abai.kz