بىرەن-ساران باق بەتىندە «تاڭا­تاروۆتىڭ قۇلاعىن تىستەپ الىپتى، ونى اقشاعا ساتىپ العىسى كەلىپتى»، - دەگەن سوزدەر جىلت-جىلت ەتكەن. سول وقيعا­لاردىڭ انىق-قانىعىن ءبىلۋ ماقسا­تىندا داڭقتى بالۋاندى ىزدەگەنبىز. اڭگىمە­لەسۋدىڭ دە ءساتى ءتۇستى.     
كۇللى قازاق جۇرتى وڭ جامباسىمىزعا كەلەتىن ەركىن كۇرەستەن جۇلدەسىز قالامىز با دەپ قامىعا باستاعان ساتتە اقجۇرەك تاڭاتاروۆ الماس قىلىشتاي جارق ەتىپ، جۇلدەنى جۇلىپ الدى. ۇلت نامىسىن جەكە مۇددەدەن اناعۇرلىم بيىك قوياتىن باتىر ۇلدىڭ مىسىن باسىپ، جاۋىرىنىن جەر يىسكەتۋ ەكىنىڭ ءبىرىنىڭ قولىنان كەلە بەر­مەيدى، ارينە. قولىنان كەلمەگەن سوڭ بو­لار، قونىشتان باسۋدىڭ دا وڭتايلى قي-سى­نىن ىزدەۋ كەرەك. سونداي سپورت «ساۋ­دا­­گەرلەرى» مۇنىڭ دا الدىن وراعان. ارميان­دار ەكەن. ويلارى تاڭاتاروۆتى نا­رىق­تىڭ تاۋارىنداي ساتىپ الماق ەكەن.

بىرەن-ساران باق بەتىندە «تاڭا­تاروۆتىڭ قۇلاعىن تىستەپ الىپتى، ونى اقشاعا ساتىپ العىسى كەلىپتى»، - دەگەن سوزدەر جىلت-جىلت ەتكەن. سول وقيعا­لاردىڭ انىق-قانىعىن ءبىلۋ ماقسا­تىندا داڭقتى بالۋاندى ىزدەگەنبىز. اڭگىمە­لەسۋدىڭ دە ءساتى ءتۇستى.     
كۇللى قازاق جۇرتى وڭ جامباسىمىزعا كەلەتىن ەركىن كۇرەستەن جۇلدەسىز قالامىز با دەپ قامىعا باستاعان ساتتە اقجۇرەك تاڭاتاروۆ الماس قىلىشتاي جارق ەتىپ، جۇلدەنى جۇلىپ الدى. ۇلت نامىسىن جەكە مۇددەدەن اناعۇرلىم بيىك قوياتىن باتىر ۇلدىڭ مىسىن باسىپ، جاۋىرىنىن جەر يىسكەتۋ ەكىنىڭ ءبىرىنىڭ قولىنان كەلە بەر­مەيدى، ارينە. قولىنان كەلمەگەن سوڭ بو­لار، قونىشتان باسۋدىڭ دا وڭتايلى قي-سى­نىن ىزدەۋ كەرەك. سونداي سپورت «ساۋ­دا­­گەرلەرى» مۇنىڭ دا الدىن وراعان. ارميان­دار ەكەن. ويلارى تاڭاتاروۆتى نا­رىق­تىڭ تاۋارىنداي ساتىپ الماق ەكەن.
- لوندون كىلەمىندەگى العاشقى كەز­دەسۋىمدە ۋكراين بالۋانى اندرەي كۆيات­كوۆسكيدى جەڭگەننەن كەيىن كەلەسى جەكپە-جەكتە ارميان سافاريانمەن بەلدە­سەتىنىم ايقىندالدى. قارسىلاسىم بەلگىلى بولا سالىسىمەن ارمەنيا كۇرەسىنىڭ ۇرشى­عىن ءيىرىپ تۇرعان ماماندار باپكەرىم ەكەۋمىزدى جاعالاي باستادى. ارمياندار جاي كەلمەپتى، مەنىمەن الداعى كەزدە­سۋدى ساۋدالاۋعا كەلىپتى. باستاپقىدا ولار مەنىڭ مىسىمدى باسپاق نيەتپەن پسي­حولوگيالىق شابۋىل جاساعان بولار دەپ توپشىلادىم. ءسويتىپ بەلدەسۋىمدى قان­شاعا باعالايتىندارىن سۇراپ كورىپ ەدىم، 50 مىڭ اقش دوللارىن ساناپ بەرۋگە دايىن ەكەندىكتەرىن ايتتى. مەن وزدەرىنە قارسى پسيحولوگيالىق شابۋىل جاساپ، «50 مىڭ دوللار ازدىق ەتەتىنىن، ەگەر ونى ۇتىپ جارتىلاي فينالعا شىعار بولسام، فينالعا بەرىلەر جولدامانى 100-150 مىڭ دوللارعا ساتىپ جىبەرە الاتىنىمدى» ءسوز ەتتىم. سوزىمنەن سەس العان بولۋى كەرەك، ولار قايتا اينالىپ كەلىپ، مەنىڭ جەڭىلىسىم ءۇشىن 100 مىڭ دوللار ساناپ بەرەتىندەرىن جەتكىزدى. وسىدان كەيىن ولاردىڭ مەنى جەڭە المايتىنىنا كوزىم جەتتى. سول ساتتە نامىستان كۇيىپ كەتە جازدادىم. ءسال ءۇنسىز تۇردىم دا الگىلەرگە: «مەن مەملەكەتتىڭ نامىسى، ەلدىڭ ەلدىگى سىنالاتىن ساتتە ميلليون دوللار ۇسىنساڭدار دا جەڭىستى قولدان بەرمەيمىن. اقشاعا ساتىلاتىن لەگيونەر ەمەسپىن. قازاق ەلىنىڭ ازاماتىمىن. مىقتى بولساڭدار بوزكىلەمدە جىعىڭدار»، - دەپ جاۋاپ بەردىم.
اقشادان باس تارتقان ەكەنمىن، ەندى ءادىل بەلدەسۋدە قالايدا جەڭۋىم كەرەك دەپ ءوز-ءوزىمدى قامشىلادىم. ناتيجەسىندە جەڭىس مەنىڭ پايداما شەشىلگەنى بەلگىلى. ودان كەيىنگى جارتىلاي فينالداعى ءۇندى بالۋانى سۋشيل كۋمارمەن بولعان كەزدەسۋدەگى ادىلەتسىزدىككە تورەشىلەردىڭ كوز جۇما قاراعانىن بىلەسىزدەر، - دەيدى  اقجۇرەك ماسە­لەنىڭ ءمانىسىن ءتۇسىندىرىپ.
وليمپيادادان كەيىن از-ماز دەمالىس العان داڭقتى ۇل وسىلايشا ۇلت نامىسى تارازى باسىنا تۇسكەندە ءوزىنىڭ كىم ەكەنىن بايقاتتى. ءور رۋحتى قۇلاننىڭ قۇلجاسى قارسىلاسىنا كەتكەن ەسەنى كەلەسى وليمپيادادا ەسەلەپ قايتارارىنا سەنىمدى. بۇدان بىلاي 66 ەمەس، 74 كەلى سالماق دارەجەسىندە سىنعا تۇسكەلى وتىرعان تاڭاتاروۆتىڭ تاڭى دا ارايلى بولماق. وعان ءوزى دە سەندىردى. «كەز كەلگەن قارسىلاسىمنان قايمىقپايمىن. جەڭىستى قولدان بەرۋ مەنىڭ تابيعاتىما ءتان ەمەس. بوزكىلەمدە بارىمدى سالام. ارمانىم - ريو وليمپياداسىندا التىننان القا تاعىنۋ»، - دەيدى كۇللى قازاق حالقىنىڭ ماقتانىنا اينالىپ ۇلگەرگەن اقجۇرەك ۇل.
ريو-دە-جانەيروعا دەيىن قاي­دا؟!! «قايدا-ا-ا-ا!!!»، - دەيمىز. كەيدە سول ءتورت جىلىڭ ءتورت كۇندەي بولىپ وتە شىعاتىنى تاعى بار. الايدا اتلانتا وليمپياداسىنداعى ماۋلەن مامىروۆتىڭ ەرلىگىن اراعا 12 جىل سالىپ بارىپ قايتالاعان قازاقتىڭ نامىستى دا قايسار ۇلى ا.تاڭاتاروۆ ءوز سوزىنەن ءمۇلت كەتپەيدى دەپ سەنەيىك. ول سول برازيليادا وتەتىن ءدۇبىرلى دودادا ەركىن كۇرەستەن بۇكىل الاش ەلى ءومىر بويى كۇتكەن التىن جۇلدەنى قانجىعاعا بايلاپ قايتار دەگەن سەنىم بار ەكەنىن قالاي جاسىرامىز.
«№7 كۇرەس مەكتەبى ەركىن كۇرەس سپورتى ءۇشىن قولايسىز. قۋىقتاي عانا. مۇنداي زالدا شىنىعۋ تىم قيىن. حالىقارالىق تالاپ بويىنشا زالدىڭ بيىكتىگى 15 مەتر بولۋى كەرەك. ال كۇرەس مەكتەبى ونداي ستاندارتقا ساي ەمەس. سوندىقتان جاعداي جاسالماسا دا توبەسى بيىك قازىرگى سپورت زالعا كوشىپ كەلدىك. جالپى مەنى ەركىن كۇرەسكە جاعدايدىڭ از جاسالاتىنىن قىنجىلتادى. بىزدە بوكس سارايى بار. كۇرەسكە ارنالعان كەشەن جوق»، - دەپ قالدى وليمپيادا جۇلدەگەرى قايبىر كۇنى. اسىقتاي ۇلداردىڭ ابىرويى ارتىپ، ەل نامىسىن قيىندىقسىز قورعاۋى ءۇشىن سول جاعداي جاسالسا، نۇر ۇستىنە نۇر-اۋ. جاي كەشەندى بىلاي قويىپ، قازىر ءبىر وبلىس قانا ەمەس، ەل ماقتانىنا اينالعان ازاماتىنا ارناپ ا.تاڭاتاروۆ اتىنداعى كۇرەس كەشەنىن سالىپ، ەل يگىلىگىنە ارناسا، قانشاما بولاشاق وليمپيادا جۇلدەگەرلەرى ءتار­بيە­لەنىپ شىعار ەدى دەگەن ارمان بىزدەگى. ورىندالمايتىن ارمان بولۋشى ما ەدى...
تابيعات ابايلداەۆ
جامبىل وبلىسى

"حالىق ءسوزى" گازەتى