رەسەي مۋسورعا اينالدى. وسىنىڭ ارقاسىندا قازاقستان تمد بويىنشا ينۆەستيتسيالىق تارتىمدىلىعى ەڭ جوعارى ەل ستاتۋسىن الىپ وتىر.

سۋۆەرەندى رەيتينگ نارىعىنداعى ەتالون - S&P رەسەيدىڭ ۇزاق مەرزىمدى كرەديتتىك رەيتينگىن BB+ دەڭگەيىنە ءتۇسىردى. بۇل ينۆەستيتسيالىق دەڭگەيدەن تومەن، قارجىگەرلەر تىلىمەن "مۋسور" دەپ اتالادى. ينۆەستورلار رەسەيدىڭ قارىز وبليگاتسيالارىنان تولىق كەتۋدە، ال ەرتەڭگە تىكە كوز سالاتىن بولساق، ەندى رەسەيدىڭ حالىقارالىق قارجى، ينۆەستيتسيا نارىعىندا ەشقانداي بولاشاعى جوق.

قازاقستاننىڭ رەيتينگى ۆۆۆ-. ينۆەستيتسيا ءۇشىن تارتىمدى، جاعدايى تۇراقتى دەگەندى بىلدىرەدى. ارينە، ءبىز ااا بولا المايمىز، بىراق ءوز ايماعىمىزدا كوش باستاعانىمىزدان بىرنەشە ديۆيدەند الۋعا بولادى.

رەسەيدىڭ بۇعان دەيىن جيناقتاعان رەزەرۆتەرى تاۋسىلعاننان كەيىن (مەنىڭ ەسەبىمشە 2-3 جىل), ءبىز ەۋرازيالىق وداق كولەمىندە ورىس گاستەربايتەرلىگىمەن بەتپە-بەت كەلۋىمىز مۇمكىن. ورىس گاستەربايتەرلەرى ءبىرىنشى كەزەكتە قازاقستانعا اعىلاتىن بولادى. ءبىزدىڭ ەكونوميكا وعان دايىن با؟ قازىردەن باستاپ بولاشاق ورىس گاستەربايتەرلەرىن ءتيىمدى پايدالانۋ، اسىرەسە تەحنيكالىق ماماندىق يەلەرىن جاڭا يننوۆاتسيالىق سالالار قۇرۋعا جۇمىلدىرۋ بويىنشا جوسپار قۇرۋ قاجەت.

سونىمەن بىرگە، سانكتسيادان نە ىستەرىن بىلمەي وتىرعان، بۇعان دەيىن رەسەيدە جەتىستىككە جەتكەن، تەحنولوگيالارى بار IT كومپانيالاردى ءوز يۋريسديكتسيامىزعا الىپ، ولاردى قازاقستانعا ءىرى سالىق تولەپ، ءبىزدىڭ ماماندارعا جۇمىس ورىندارىن اشاتىنداي شۇعىل كەلىسسوزدەر وتكىزۋگە بولادى. ول بيۋدجەتتىڭ كوپتەگەن پروبلەمالارىن شەشەدى.

قازىر، جاعدايدى ءينتۋيتيۆتى سەزىنىپ وتىرساڭىز، قازاقستانعا كوپتەگەن كەرەمەت مۇمكىندىكتەر اشىلدى. ءبىزدى قانشا ماجبۇرلەسە دە، رەسەيدى ساياسي قولداپ مالىمدەمە جاساۋعا اسىقپاۋ كەرەك. ۇندەمەي ۋاقىت سوزعان دۇرىس. باستى ماقسات، قازاقستاندى سانكتسيادان امان الىپ قالۋ. باتىس ەلدەرى قازاقستاننىڭ قازىرگى دەوليگارحيزاتسيا باعىتىن وتە جىلى قابىلداپ وتىر، بىزگە دەگەن كوزقاراستارى جاقسى. بۇل ەلىمىزگە تاماشا شانس بەرەدى.

ايبار ولجاەۆ

Abai.kz