نازارباەۆتىڭ نەمەرە ءىنىسى سامات ءابىش قازاقستان ۇلتتىق قاۋىپسىزدىك كوميتەتى (ۇقك) توراعاسىنىڭ ءبىرىنشى ورىنباسارى قىزمەتىن اتقارا ءجۇرىپ، راديكالدى يسلامشىلداردىڭ جاۋىنگەرلىك بولىمشەلەرىن دايىنداعان. بۇل تۋرالى قر قورعانىس مينيسترلىگىنىڭ بۇرىنعى جوعارى شەندى وفيتسەرى مالىمدەدى.

ۆەدومستۆونىڭ حابارلاۋىنشا، قر قورعانىس مينيسترلىگى اسكەري وكىلدىكتەر ورتالىعىنىڭ ەكس-باسشىسى، پولكوۆنيك مۇحتار قارابەكوۆ ۇلتتىق قاۋىپسىزدىك كوميتەتى (ۇقك) توراعاسىنىڭ بۇرىنعى ءبىرىنشى ورىنباسارى سامات ءابىشتىڭ قىزمەتى تۋرالى بەلگىسىز مالىمەتتەردى جانە ونىڭ راديكالدى يسلامشىلاردى دايىنداۋى تۋراليا جاريا ەتۋگە ۋادە بەرگەن.

«ۇقك «ساقالدىلاردى» دايىندادى، سامات ءابىش تاسماعامبەتوۆكە قارسى ايعاقتار تالاپ ەتتى، ونى داريعا نازارباەۆا قولدادى»، – دەدى پولكوۆنيك قارابەكوۆ.

قازتاگ اگەنتتىگىنىڭ حابارلاۋىنشا، ول ءوزىن سامات ءابىشتىڭ قىلمىستىق ءىستى توقتاتۋ ءۇشىن سول كەزدە قورعانىس ءمينيسترى قىزمەتىن اتقارعان يمانعالي تاسماعامبەتوۆكە قارسى قول قويۋعا قالاي ماجبۇرلەگەنىن ايتقان.

پولكوۆنيكتىڭ ايتۋىنشا، ەكس-پرەزيدەنتتىڭ قىزى، سول كەزدەگى ءماجىلىس دەپۋتاتى داريعا نازارباەۆا سامات ءابىش پەن كارىم ءماسىموۆتى قولداعان. جالعان ءسوز ايتۋدان باس تارتقان قارابەكوۆ اقىرى باس بوستاندىعىنان ايىرىلعان.

پولكوۆنيكتىڭ ايتۋىنشا، وسىنداي ۇسىنىس اۆياتسيا گەنەرال-مايورى اسقار بولدەشوۆكە، پولكوۆنيك رومان قۇرمانباەۆقا جانە گەنەرال-مايور تيمۋر ابىشەۆكە دە جاسالعان. بۇل ۇسىنىستى باس اسكەري پروكۋرور ەرعالي مەرزادينوۆ جەتكىزگەن.

سونىمەن قاتار، پولكوۆنيك ۇقك قىزمەتكەرلەرىنىڭ قازاقستان اۋماعىندا يسلامشىل سودىرلاردى قالاي دايىنداعانى تۋرالى ايتىپ بەردى، سونداي-اق، قايعىلى قاڭتار وقيعاسىنىڭ ماقسات-مىندەتتەرىن اشىپ كورسەتتى.

ول اسكەريلەر قورعانىس مينيسترلىگىندەگى سىبايلاس جەمقورلىق، قازاقستاننىڭ ەڭ تانىمال شەنەۋنىكتەرىنىڭ باسى-قاسىندا جۇرگەنى جانە وسىنىڭ بارىنە داريعا نازارباەۆانىڭ قاتىسى بارىن ايتادى.

سونداي-اق، پولكوۆنيك مۇحتار قارابەكوۆ تاسماعامبەتوۆپەن قازاقستان رەسپۋبليكاسى قورعانىس ءمينيسترى قىزمەتىن اتقارعان كەزىندە جاقىن بولعانىن مويىندادى. پولكوۆنيكتىڭ ايتۋىنشا، ول مەملەكەتتىك قورعانىس تاپسىرىسى اياسىندا جەتكىزۋشىلەردەن اقشا الىپ، تاسماعامبەتوۆكە اكەلىپ جاتقانىن مالىمدەۋ كەرەك بولعان. قارابەكوۆ سامات ءابىشتىڭ ءوزى قىسىم كورسەتكەنىن ايتتى.

«مەن تەرگەۋشىلەرمەن تايسالماي سويلەسە باستاعانىمدا، ول تۇرىپ: «ءسىز پولكوۆنيكسىز، ءوزىڭىزدى تىم تاككاپپار ۇستايسىز، نە قولىڭىزدى قويىپ، ەكى ساعات ىشىندە بوستاندىققا شىعىڭىز، نە تۇرمەگە وتىرعىزامىز»، دەدى. مەن تاسماعامبەتوۆپەن بايلانىسقا شىعۋعا تىرىستىم، بىراق ول مەنىمەن بايلانىسقا شىقپادى. ونىمەن بايلانىسىم جوق»، - دەدى قارابەكوۆ.

Abai.kz